Sacrificed His Wife: భార్యను త్యాగం చేసిన భర్త.. ఎవరికో తెలుసా..

వైవాహిక జీవితంలో ఈ మధ్య కాలంలో అక్రమ సంబంధాలు ఎక్కువగా వెలుగులోకి వస్తున్నాయి. ఇలా భర్యను లేదా భర్తను వదిలి వెళ్లి నమ్ముకున్న వాళ్లను మోసం చేస్తున్నారు. ఫలితంగా వాళ్ల రక్తం పంచుకుపుట్టిన పిల్లలను కష్టాల్లోకి నెడుతున్నారు. వాళ్లు చేసిన పనులకు పిల్లలు బలైపోతున్నారు.

ఇలాంటి ఘటన ఒకటి ఉత్తరప్రదేశ్ లో చోటు చేసుకుంది. మనం తెలుగులో కొన్ని సినిమాలు ఇలాంటి ఘటన మాదిరి స్టోరీలతో కూడా వచ్చాయి. పెళ్లి చేసుకున్న తర్వాత ప్రియుడిని మర్చిపోలేక ఉండటంతో.. భర్త స్వయంగా ఆమెను ప్రియుడి వద్దకు పంపిస్తాడు. ఇలా తెలుగులో కన్యాదానం మరికొన్ని సినిమాలు కూడా ఉన్నాయి. అయితే ఇక్కడ కూడా అలానే జరిగింది. యూపీలోని మురాదాబాద్ జిల్లా మఝోలా పోలీస్ స్టేషన్ పరిధిలో ఈ ఘటన చోటుచేసుకుంది.

ఈ ప్రాంతానికి చెందిని రఘు, రమ్య (పేర్లు మార్చాం) ఇద్దరు భార్యాభర్తలు. కొన్ని సంవత్సరాల క్రితం పెళ్లి చేసుకున్నారు. తర్వాత వీరిద్దరి మధ్య ఎలాంటి వివాదాలను చోటు చేసుకోకుండా.. వైవాహితక జీవితం సాఫీగా సాగిపోయింది.

ఫలితంగా వీరికి ఒక అమ్మాయి కూడా జన్మించింది. ఇక తర్వాత రమ్యకు అంతకముందే ఓ యువకుడితో లవ్ ఎఫైర్ ఉంది. ఈ మధ్య ఆమె అతడితో మాట్లాడుతుండగా భర్త చూసి మందలించాడు. ఎవరితో మాట్లాడుతున్నావ్ అనగానే.. ఏదేదో సమాధానం చెప్పింది.

మరోసారి ఇలానే ఫోన్లో మాట్లాడుతుండగా.. డైరెక్ట్ గా విషయం తెలిసింది. ఆమె పెళ్లి కాకముందు ఉన్న ప్రియుడితో మాట్లాడుతున్నట్లు రఘు గమనించాడు. దీంతో అతడు తీవ్ర మనస్థాపానికి గురై ప్రియుడి వద్దకే పంపించాడు. ఈ ఘటన జరిగి ఎనిమిది నెలలు అవుతుంది.

ఎనిమిది నెలల క్రితం ప్రియుడి వద్దకు అతడి భార్య రమ్యను పంపించగా.. తాజాగా ఆమె మళ్లీ రఘుకు ఫోన్ చేసి మాట్లాడటం మొదలు పెట్టింది. అది చూసిన ప్రియుడు ఎందుకు మళ్లీ మాట్లాడుతున్నావ్ అంటూ నిలదీశాడు.

తనకు నా కూతురు, భర్త గుర్తుకు వస్తున్నారు అంటూ సమాధానం ఇచ్చింది. దీంతో వారిద్దరి మధ్య గొడవలు మొదలయ్యాయి. ఈవివాదం పోలీస్ స్టేషన్ వరకు వెళ్లింది. వారిద్దరికి కౌన్సెలింగ్ ఇవ్వడంతో.. రమ్యను పోలీసులు ప్రశ్నించారు.

ఎవరితో ఉంటావ్ అని అడగ్గా.. ప్రియుడితో ఉంటాను అని చెప్పి.. అక్కడ నుంచి వెళ్లిపోయింది. భర్తతో ఇక నుంచి మాట్లాడనని హామీ ఇచ్చింది.

స్థానికంగా ఈ ఘటన గురించి ప్రతీ ఒక్కరూ చర్చించుకుంటున్నారు. ఒక కూతరు, భర్త ఉండగా ఆమె ఇలాంటి పని చేయడం ఏంటంటూ గ్రామస్తులు  గుసగుసలాడుతున్నారు.