Incovacc Vaccine: అందుబాటులోకి కరోనా వైరస్‌ ముక్కు చుక్కల వ్యాక్సిన్ .. ధర ఎంత..? ఎలా బుక్ చేసుకోవాలంటే..

కరోనా  వైరస్‌కి విరుగుడుగా వ్యాక్సిన్‌ని అభివృద్ధి చేసినట్లుగానే  భారతదేశానికి చెందిన భారత్ బయోటెక్ సంస్థ ప్రపంచంలోనే మొట్టమొదటి COVID-19 ఇంట్రానాసల్ వ్యాక్సిన్‌ను అభివృద్ధి చేసింది. ఇన్ కొవాక్ టీకా (Incovacc Vaccine)ను ముక్కు ద్వారా అని పిలవబడే నాసిల్ డ్రాప్స్‌ని వైరస్‌ కట్టడికి  బూస్టర్‌ డోస్‌గా దీన్ని తయారు చేసింది. (ప్రతీకాత్మకచిత్రం)

భారత్ బయోటెక్ రూపొందించిన ఇంట్రానాసల్ వ్యాక్సిన్‌ను  ఇన్ కొవాక్ టీకాను కేంద్ర ఆరోగ్య మంత్రి డాక్టర్ మన్సుఖ్ మాండవియా మరియు సైన్స్ అండ్ టెక్నాలజీ మంత్రి జితేంద్ర సింగ్ ఈ వ్యాక్సిన్‌ను ప్రారంభించారు,(Photo Twitter)

ఈ వ్యాక్సిన్ ధరను  ప్రభుత్వానికి  325 మరియు ప్రైవేట్ ఆసుపత్రులకు 800 చొప్పున అందుబాటులో ఉంటుంది. వ్యాక్సిన్ ప్రాథమిక 2-డోస్ షెడ్యూల్ కోసం డిసెంబర్ 2022లో హెటెరోలాగస్ బూస్టర్ డోస్‌గా ఆమోదం పొందింది. (Photo Twitter)

సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్ 18 ఏళ్లు  నిండిన వారు ఈ ముక్కు చుక్కల కరోనా వ్యాక్సిన్‌ను  వేసుకోవ్చని ఆమోదించింది.కరోనా మొదటి రెండు డోసులు తీసుకున్న వారు బూస్టర్ డోస్ కు అర్హులు. కోవాగ్జిన్, కొవిషీల్డ్ తీసుకున్న వారు అవే కంపెనీ బూస్టర్ టీకాలు తీసుకోవచ్చు. వాటికి బదులు నాసల్ టీకాను కూడా తీసుకోవచ్చు.

ఇండియాలో కరోనా వైరస్‌కు కోవాగ్జిన్, కొవిషీల్డ్, కోవోవ్యాక్స్, స్పుత్నిక్ వీ, బయోలాజికల్ ఈ కార్బోవ్యాక్స్ అందుబాటులో ఉన్నాయి. ఇప్పుడు కొత్తగా భారత్‌ బయోటెక్ అభివృద్ధి చేసిన ఈ ఇంట్రానాసల్ వ్యాక్సిన్‌ కూడా అందుబాటులోకి  వచ్చింది. (ప్రతీకాత్మకచిత్రం)

హైదరాబాద్‌కి చెందిన భారత్ బయోటెక్ తయారు చేసిన ఇంట్రా నాసల్ కోవిడ్ వ్యాక్సిన్‌ని బూస్టర్ డోస్‌గా ముక్కులో వేసుకోవచ్చని ..ఇందుకోసం కోవిన్ యాప్‌లో శుక్రవారం నుంచి నమోదు చేసుకోవచ్చని ప్రకటించారు కేంద్రమంత్రి. (ప్రతీకాత్మకచిత్రం)

ఇన్ కొవాక్ టీకా (Incovacc Vaccine)ను ముక్కు ద్వారా రెండు చుక్కలు వేస్తారు. ప్రభుత్వ ఆస్పత్రులు, ఆరోగ్య, టీకా కేంద్రాలకు ఇన్ కొవాక్‌ టీకాను రూ.325గా నిర్ధారించారు. జీఎస్టీ అదనం.  ప్రైవేటు ఆస్పత్రుల్లో మాత్రం దీని ధర రూ.800గా ఉంది. ఐతే ప్రైవేట్ ఆస్పత్రుల్లో.. ఐదు శాతం జీఎస్టీ రూ.40తో పాటు రూ.150 మేర అడ్మినిస్ట్రేటివ్‌ చార్జీల కింద వసూలు చేసుకోవడానికి ప్రభుత్వం అనుమతి ఇచ్చింది.(ప్రతీకాత్మకచిత్రం)

ఈ లెక్కన ప్రైవేటు ఆస్పత్రుల్లో ఐకొవాక్ టీకా సింగిల్‌ డోసు ధర దాదాపుగా రూ.1000 మేర ఉంటుంది.  ఐతేఈ వ్యాక్సిన్ ఇంకా టీకా కేంద్రాల్లో లభించడం లేదు. జనవరి నాలుగో వారం నుంచి కోవిన్ పోర్టల్‌లో ఇన్ కొవాక్ అందుబాటులో ఉంటుంది.. (ప్రతీకాత్మకచిత్రం)

అయితే ఇప్పటి వరకు టీకాల రూపంలో  తీసుకున్న వ్యాక్సిని స్థానంలోనే  ముక్కు ద్వారా చుక్కల రూపంలో అందుబాటులోకి వస్తోంది. కరోనా నాసిల్ వ్యాక్సిన్ ప్రభుత్వ, ప్రైవేట్ ఆసుపత్రుల్లో  అందరికి అందుబాటులో ఉంటుందని కేంద్ర ఆరోగ్యశాఖ మంత్రి  మన్సుఖ్ మాండవియా వెల్లడించారు.(ప్రతీకాత్మకచిత్రం)

ఈ నాసిల్ డ్రాప్ వ్యాక్సిన్ పొందాలనుకునే వారు COWIN పోర్టల్‌లోకి వెళ్లాలి. కొత్తగా రిజిస్ట్రేషన్ అవసరం లేదు. ఆల్రెడీ రెండు డోసుల టీకాలు తీసుకొని ఉంటారు కనుక మీ నెంబర్ రిజిస్టరయ్యి ఉంటుంది. ఆ నెంబర్‌తో కోవిన్ పోర్టల్‌లో లాగిన్ అవ్వాలి. ఓటీపీ ద్వారా వెరిఫై చేసుకోవాలి. (ప్రతీకాత్మకచిత్రం)

లాగిన్ అయిన తర్వాత.. అక్కడ మీ వివరాలు కనిపిస్తాయి. ఇప్పటికే తీసుకున్న వ్యాక్సిన్ వివరాలు ఉంటాయి. మొదటి రెండు పూర్తయ్యాయని.. గ్రీన్ కలర్‌లో టిక్ మార్క్ ఉంటుంది. ఆ పక్కనే రెడ్ కలర్ ప్రికాషన్ డోస్ అని ఉంటుంది. అక్కడ షెడ్యూల్ ఆప్షన్ క్లిక్ చేయాలి.(ప్రతీకాత్మకచిత్రం)

అనంతరం మీ జిల్లా లేదా పిన్ కోడ్ ఎంటర్ చేస్తే.. మీ సమీపంలో ఉన్న వాక్సిన్ కేంద్రాలు కనిపిస్తాయి. ఏయే తేదీల్లో ఏ వ్యాక్సిన్ అందుబాటులో ఉందో అక్కడ చూపిస్తుంది. మీకు వ్యాక్సిన్ వేసుకోవాలనుకున్న తేదీని క్లిక్ చేసి.. సెంటర్‌ని సెలక్ట్ చేసుకోవాలి. అనంతరం టైమ్‌ స్లాట్ ఎంచుకోవాలి.(ప్రతీకాత్మకచిత్రం)

ఆ సమయానికి కోవిడ్ వ్యాక్సిన్ కేంద్రానికి వెళ్లి.. మీ వివరాలు అందజేసి.. ప్రికాషన్ డోస్ తీసుకోవాలి. అనంతరం అదే కోవిడ్ యాప్ ద్వారా ప్రికాషన్ డోస్‌కి సంబంధించిన వ్యాక్సినేషన్ సర్టిఫికేట్‌ను డౌన్ లోడో చేసుకోవాలి. నాసల్ వ్యాక్సిన్ వద్దనుకుంటే.. గతంలో మీరు తీసుకున్న టీకానే తీసుకోవచ్చు.(ప్రతీకాత్మకచిత్రం)