Govt Scheme: జాబ్ పోయిందా? అయినా సగం జీతం తీసుకోవచ్చు... అప్లై చేయండిలా

1. ఎంప్లాయీస్ స్టేట్ ఇన్స్యూరెన్స్ కార్పొరేషన్-ESIC సభ్యత్వం ఉన్నవారికి శుభవార్త. ఉద్యోగం కోల్పోయిన వారికి 90 రోజుల పాటు సగం జీతం ఇవ్వాలని కేంద్ర ప్రభుత్వం నిర్ణయించింది. అటల్ బిమిత్ వ్యక్తి కళ్యాణ్ స్కీమ్ ద్వారా 90 రోజుల వరకు సగం వేతనం పొందొచ్చు. (ప్రతీకాత్మక చిత్రం)

2. కేంద్ర ప్రభుత్వం కార్మికుల సంక్షేమం కోసం 2018లో అటల్ బిమిత్ వ్యక్తి కళ్యాణ్ స్కీమ్‌ను ప్రారంభించింది. ఈఎస్ఐ ద్వారా బీమా పొందిన సంఘటిత రంగ ఉద్యోగులందరికీ ఈ స్కీమ్ వర్తిస్తుంది. (ప్రతీకాత్మక చిత్రం)

3. ఈ స్కీమ్ వల్ల ఉపయోగమేంటంటే ఈఎస్ఐ ఉన్న ఉద్యోగులు జాబ్ కోల్పోతే 25% జీతాన్ని పొందొచ్చు. ఇలా గత 90 రోజుల్లో ఎంత వేతనం వస్తుందో లెక్కించి అందులో 25% చెల్లిస్తారు. (ప్రతీకాత్మక చిత్రం)

4. అటల్ బిమిత్ వ్యక్తి కళ్యాణ్ స్కీమ్‌ నియమనిబంధనల ప్రకారం 90 రోజుల వేతనంలో 25% చెల్లించాలని ఉంది. ఈ నియమనిబంధనల్ని సడలించింది కేంద్ర ప్రభుత్వం. 25% బదులు 50% ఇవ్వాలని నిర్ణయించింది. కరోనా వైరస్ సంక్షోభం కారణంగా ఈ నిర్ణయం తీసుకుంది కేంద్ర ప్రభుత్వం. (ప్రతీకాత్మక చిత్రం)

5. కేంద్ర ప్రభుత్వం తాజాగా తీసుకున్న నిర్ణయంతో ఉద్యోగాలు కోల్పోయిన ఈఎస్ఐ సబ్‌స్క్రైబర్లకు గత 90 రోజుల్లో 50 శాతం వేతనం లభిస్తుంది. 2020 మార్చి 24 నుంచి డిసెంబర్ 31 మధ్య కరోనా వైరస్ సంక్షోభం కారణంగా ఉద్యోగాలు కోల్పోయినవారికే ఇది వర్తిస్తుంది. (ప్రతీకాత్మక చిత్రం)

6. మరోవైపు అటల్ బిమిత్ వ్యక్తి కళ్యాణ్ స్కీమ్‌ను 2021 జూన్ 30 వరకు పొడిగించింది కేంద్ర ప్రభుత్వం. 2021 జనవరి నుంచి 2021 జూన్ 30 వరకు పాత నిబంధనలే వర్తిస్తాయి. (ప్రతీకాత్మక చిత్రం)

7. ఈ స్కీమ్ ద్వారా క్లెయిమ్ పొందాలంటే ఉద్యోగులు కనీసం 2 ఏళ్లు ఈఎస్ఐ సభ్యులుగా ఉండాలి. బ్యాంకు అకౌంట్‌కు ఆధార్ నెంబర్ లింక్ చేయడం తప్పనిసరి. ఈఎస్ఐ వెబ్‌సైట్‌లో రిజిస్ట్రేషన్ చేసుకోవాల్సి ఉంటుంది. https://www.esic.nic.in/ వెబ్‌సైట్‌లో ఈఎస్ఐ నెంబర్, బ్యాంక్ అకౌంట్, బ్యాంక్ బ్రాంచ్, ఆధార్ నెంబర్ లాంటి వివరాలన్నీ వెల్లడించాలి. (ప్రతీకాత్మక చిత్రం)

8. దరఖాస్తు చేసిన తర్వాత దరఖాస్తుదారులు క్లెయిమ్ పొందడానికి అర్హులో కాదో సిస్టమ్ ఆటోమెటిక్‌గా చెక్ చేస్తుంది. క్లెయిమ్ మంజూరైతే ఆ లెటర్ వస్తుంది. ఆ డాక్యుమెంట్స్ డౌన్‌లోడ్ చేసి, ప్రింట్ తీసుకొని, సంతకాలు చేసి అందులో సూచించిన ఈఎస్ఐసీ బ్రాంచ్ ఆఫీసులో ఇవ్వాలి. (ప్రతీకాత్మక చిత్రం)

9. ఈఎస్ఐసీ బ్రాంచ్ ఆఫీసులో డాక్యుమెంట్స్ పరిశీలించిన తర్వాత క్లెయిమ్ మంజూరవుతుంది. క్లెయిమ్ మొత్తం నేరుగా బ్యాంక్ అకౌంట్‌లో క్రెడిట్ అవుతుంది. (ప్రతీకాత్మక చిత్రం)