Lockdown: ఈ జిల్లాల్లో సంపూర్ణ లాక్‌డౌన్..? త్వరలోనే కేంద్రం కీలక ప్రకటన

కరోనా సెకండ్ వేవ్‌తో భారత్ విలవిల్లాడుతోంది. లక్షల్లో కొత్త కేసులు.. వేలల్లో మరణాలు నమోదవుతున్నాయి. రాబోయే రోజుల్లో మరింత తీవ్ర రూపం దాల్చే ప్రమాదం ఉందని నిపుణులు హెచ్చరిస్తున్నారు. ఈక్రమంలోనే కోవిడ్ కట్టడి కోసం పలు రాష్ట్రాలు లాక్‌డౌన్ విధిస్తున్నాయి. (ప్రతీకాత్మక చిత్రం)

ప్రస్తుతం మహారాష్ట్ర,ఢిల్లీ, కర్నాటక, తమిళనాడు, గోవా రాష్ట్రాలు లాక్‌డౌన్ అమలు చేస్తున్నాయి. మిగిలిన రాష్ట్రాలు కూడా నైట్ కర్ఫ్యూ విధించి కోవిడ్ ఆంక్షలను కట్టదిట్టం చేశాయి. ఇక మే2 తర్వాత దేశవ్యాప్తంగా లాక్‌డౌన్ విధించే అవకాశమున్నట్లు ప్రచారం జరుగుతోంది. (ప్రతీకాత్మక చిత్రం)

ఐతే కేంద్రం మాత్రం దేశవ్యాప్త లాక్‌డౌన్ కాకుండా.. కరోనా తీవ్రత ఎక్కవగా ఉన్న ప్రాంతాల్లో మాత్రమే లాక్‌డౌన్ విధించాలని భావిస్తున్నట్లు తెలిసింది. ఆయా చోట్ల కోవిడ్ నిబంధలను కట్టుదిట్టంగా అమలు చేయాలని యోచిస్తోంది. (ప్రతీకాత్మక చిత్రం)

మంగళవారం ఢిల్లీలో జరిగిన ఉన్నతస్థాయి సమీక్షలో కేంద్ర వైద్యఆరోగ్యశాఖ కీలక ప్రతిపాదనలు చేసింది. 150 జిల్లాల్లో కరోనా తీవ్రత ఎక్కువగా ఉందని.. పాజిటివిటీ రేటు 15 శాతం మేర ఉందని తెలిపింది. ఆయా జిల్లాల్లో సంపూర్ణ లాక్‌డౌన్ విధించాలని ప్రతిపాదించింది. (ప్రతీకాత్మక చిత్రం)

కరోనా పాజిటివిటీ రేటు ఎక్కువగా ఉన్న జిల్లాల్లో కోవిడ్ కట్టడికి కఠినమై నిబంధనలు తీసుకోవాల్సిన అవసరం ఎంతైనా ఉందని అభిప్రాయపడింది. ఐతే ఆయా జిల్లాల్లో లాక్‌డౌన్ విధించే అంశంపై రాష్ట్ర ప్రభుత్వాలను సంప్రదించిన తర్వాత కేంద్రం నిర్ణయం తీసుకునే అవకాశముంది. (ప్రతీకాత్మక చిత్రం)

కరోనా తీవ్రత ఎక్కువగా ఉన్న జిల్లాల్లో లాక్‌‌డౌన్ విధిస్తే అత్యవసర సేవలకు మినహాయింపు ఇస్తారు. నిత్యావసర సరుకులు అమ్మే దుకాణాలు, మెడికల్ షాపులు, ఆస్పత్రులు తెరిచే ఉంటాయి. మిగిలిన వాటిపై మాత్రం కఠిమైన ఆంక్షలు విధిస్తారు. (ప్రతీకాత్మక చిత్రం)