Corona Bulletin: భారత్‌లో మళ్లీ సునామీలా విరుచుకుపడుతున్న కరోనా.. భారీగా కొత్త కేసులు

India Corona cases: భారత్‌లో కరోనా కొత్త కేసులు భారీగా పెరుగుతున్నాయి. గడిచిన 24 గంటల్లో 16,764 కరోనా కేసులు నమోదయ్యాయి. నిన్న కోవిడ్ నుంచి కొత్తగా 7,585 మంది కోలుకున్నారు. 220 మరణాలు నమోదయ్యాయి. మూడు రోజులుగా కొత్త కేసుల సంఖ్య 10వేల పైనే నమోదవుతోంది. ఇవాళ ఏకంగా 16వేలకు పైగా కేసులు రావడం ఆందోళన కలిగిస్తోంది. (ప్రతీకాత్మక చిత్రం)

తాజా కేసులతో కలిపి మొత్తం కేసుల సంఖ్య 3,48,38,804కి చేరింది. భారత్‌లో ఇప్పటి వరకు 3,42,66,363 మంది కోలుకున్నారు. కరోనా బారినపడి 4,81,080 మంది మరణించారు. ప్రస్తుతం ఇండియాలో 91,361 కరోనా యాక్టివ్ కేసులున్నాయి.(ప్రతీకాత్మక చిత్రం)

ప్రస్తుతం మన దేశంలో టెస్ట్ పాజిటివిటీ రేటు 1.34 శాతంగా నమోదయింది. డైలీ పాజిటివిటీ రేటు గత 88 రోజులుగా 2 శాతం లోపు వస్తోంది. ఇక వీక్లీ పాజిటీవిటీ రేటు 0.87గా ఉంది. గత 47 రోజులుగా 1 శాతం లోపే నమోదవుతోంది. (ప్రతీకాత్మక చిత్రం)

కొత్త కరోనా కేసుల్లో మహారాష్ట్ర టాప్‌లోకి దూసుకొచ్చింది. మహారాష్ట్రలో నిన్న ఏకంగా 5,368 కేసులు వచ్చాయి. 1,013 మంది వ్యాధి నుంచి కోలుకున్నారు. 22 మంది మరణించారు. మహారాష్ట్రలో కోవిడ్ కేసులు మళ్లీ రికార్డు స్థాయిలో రావడం దేశవ్యాప్తంగా టెన్షన్ రేపుతోంది. (ప్రతీకాత్మక చిత్రం)

మహారాష్ట్ర తర్వాత కేరళ రెండో స్థానంలో ఉంది. కేరళలో నిన్న 2,423 కొత్త కేసులు వచ్చాయి. 2,879 మంది కొత్తగా కోలుకున్నారు. నిన్న 164 మరణాలు నమోదయ్యాయి. ఇందులో బ్యాక్ లాక్ మరణాలే ఎక్కువగా ఉన్నాయి. (ప్రతీకాత్మక చిత్రం)

భారత్‌లో నిన్న 12.50 లక్షల మందికి కరోనా పరీక్షలు చేశారు. నిన్న దేశవ్యాప్తంగా 67.78 లక్షల మందికి కరోనా టీకాలు వేశారు. ఇప్పటివరకు 144.54 కోట్లకు పైగా డోస్‌ల వ్యాక్సిన్ వేశారు. (ప్రతీకాత్మక చిత్రం)

గత ఐదు రోజుల్లో కొత్త కేసులు సంఖ్య భారీగా నమోదవుతోంది. డిసెంబరు 26 బులెటిన్‌లో 6,987 కేసులు రాగా.. ఇవాళ్టి బులెటిన్లో ఏకంగా 16వేలు దాటడం తీవ్ర ఆందోళన కలిగిస్తోంది.

మరోవైపు ఒమిక్రాన్ కేసులు కూడా ఊహించతనంతగా వస్తున్నాయి. ఇప్పటి వరకు 23 రాష్ట్రాలు, కేంద్రపాలిత ప్రాంతాల్లో 1,270 కేసులు నమోదవుతున్నాయి. బాధితుల్లో ఇప్పటి వరకు 374 మంది కోలుకున్నారు. ఇప్పటి వరకు ఒక మరణం నమోదయింది. ఢిల్లీ, మహారాష్ట్ర, కేరళలోనే ఎక్కువ మంది బాధితులున్నారు. (ప్రతీకాత్మక చిత్రం)

రాష్ట్రాల వారీగా కరోనా కేసుల వివరాలు

రాష్ట్రాల వారీగా ఒమిక్రాన్ కేసులు