Union Budget 2019: బడ్జెట్‌లో ఈ కీలక రంగాలకు అత్యధిక ప్రాధాన్యత

కేంద్ర ఆర్థిక శాఖ మంత్రి నిర్మలా సీతారామన్ జులై 5న లోక్‌సభలో బడ్జెట్ ప్రవేశపెట్టనున్నారు. మోదీ 2.0 సర్కారు తొలి బడ్జెట్ కావడంతో ఈ బడ్జెట్‌పై సర్వత్రా ఆసక్తి నెలకొంటోంది.

ప్రపంచ ఆర్థిక మాంద్యం భయాల నేపథ్యంలో మందగించిన  దేశ ఆర్థిక వ్యవస్థను గాడిలో పెట్టడం ఆర్థిక మంత్రి నిర్మలా సీతారామన్ ముందున్న ప్రధాన ఛాలెంజ్.

బ్యాంకింగ్ రంగంలో మొండి మొకాయిల సమస్యపై బడ్జెట్‌లో ఆర్థిక మంత్రి ప్రత్యేక దృష్టిసారించనున్నారు. ప్రభుత్వ రంగ బ్యాంకింగ్ రంగాన్ని గాడిలో పెట్టేందుకు ప్రత్యేక చర్యలు తీసుకునే అవకాశముంది. 

బ్యాంకింగేతర ఆర్థిక సంస్థలకు ద్రవ్య కొరతపై కూడా నిర్మలా సీతారామన్ బడ్జెట్‌లో ప్రత్యేక దృష్టిసారించనున్నారు.

నిరుద్యోగ సమస్యను పరిష్కరించే దిశగా ఉద్యోగాల సృష్టికి బడ్జెట్‌లో ఆర్థిక మంత్రి ప్రత్యేక దృష్టిసారించనున్నారు.

ప్రైవేటు పెట్టుబడులను పెంచడంతో పాటు ఎగుమతులకు ఊతమిచ్చేలా బడ్జెట్‌లో ప్రత్యేక రాయితీలు కల్పించే అవకాశముంది.

వ్యవసాయ రంగాన్ని సంక్షోభం నుంచి బయటపడేసేందుకు నిర్మలా సీతారామన్ బడ్జెట్‌లో ఎలాంటి నిర్ణయాలు తీసుకుంటారన్నది ఆసక్తికరంగా మారింది.

ద్రవ్యలోటుపై ఒత్తిడి పెరగకుండా ప్రభుత్వ వ్యయాలు పెంచేందుకు బడ్జెట్‌లో ఆర్థిక శాఖ మంత్రి ప్రాధాన్యమివ్వనున్నారు.

మోడీ సర్కారు అత్యంత ప్రతిష్టాత్మకంగా భావిస్తున్న జీఎస్టీని మరింత సరళతరం చేయడంపై ఆర్థిక శాఖ మంత్రి నిర్మలా సీతారామన్ దృష్టిసారించనున్నారు.