Banks: రూ.లక్షకు ఏడాదిలోనే రూ.2 లక్షల 80 వేలు.. కాసుల వర్షం కురిపించిన 7 బ్యాంకులు!

Bank Shares | బ్యాంక్‌లో డబ్బులు దాచుకోవడం కన్నా బ్యాంక్ షేర్లు కొన్న వారి పంట పండింది. ఎందుకంటే ఈ ఏడాది బ్యాంక్ షేర్లు దుమ్ముదులిపాయి. చాలా బ్యాంకులు ఇన్వెస్టర్ల డబ్బులను రెట్టింపు చేశాయి. ఏడాదిలోనే ఈ మేరకు భారీ ప్రాఫిట్ అందించాయి. ఏ ఏ బ్యాంకులు ఈ సంవత్సరంలో డబ్బులు డబుల్ చేశాయో తెలుసుకుందాం.

ప్రభుత్వ రంగానికి చెందిన యూకో బ్యాంక్ అదరగొట్టింది. టాప్ పర్ఫార్మర్‌గా నిలిచింది. ఈ షేరు ఈ ఏడాది ఇప్పటి వరకు 180 శాతం మేర పెరిగింది. అంటే ఏడాది ఆరంభంలో రూ.లక్ష పెట్టి ఉంటే ఇప్పుడు ఆ ఇన్వెస్ట్‌మెంట్ విలువ రూ.2.8 లక్షలకు చేరి ఉండేది. 52 వారాల కనిష్ట స్థాయి నుంచి చూస్తే ఏకంగా 262 శాతం మేర పైకి కదిలింది. ఈ బ్యాంక్ మార్కెట్ క్యాప్ రూ. 43,519 కోట్లు.

పంజాబ్ అండ్ సింద్ బ్యాంక్ కూడా మంచి రాబడిని ఇచ్చింది. ఈ బ్యాంక్ స్టాక్ 151 శాతం మేర పెరిగింది. అదే 52 వారాల కనిష్ట స్థాయి నుంచి చూస్తే.. ఈ స్టాక్ 257 శాతం మేర ర్యాలీ చేసింది. ఈ బ్యాంక్ మార్కెట్ క్యాప్ రూ. 27,416 కోట్లు.

అలాగే కర్నాటక బ్యాంక్ కూడా దూసుకుపోయింది. ఈ బ్యాంక్ షేరు 2022లో 149 శాతం మేర పెరిగింది. అలాగే 52 వారాల కనిష్ట స్థాయి నుంచి చూస్తే ఈ స్టాక్ 205 శాతం మేర పరుగులు పెట్టింది. ఈ బ్యాంక్ మార్కెట్ క్యాప్ రూ. 4470 కోట్లుగా ఉంది.

కరూర్ వైశ్యా బ్యాంక్ కూడా వారెవ్వా అనిపించింది. ఈ బ్యాంక్ ఈ ఏడాది ఇప్పటి వరకు చూస్తే.. 143 శాతం మేర పైకి చేరింది. అలాగే 52 వారాల కనిష్ట స్థాయి నుంచి చూస్తే.. ఈ స్టాక్ 178 శాతం పెరిగింది. ఈ బ్యాంక్ మార్కెట్ క్యాప్ రూ. 8877 కోట్లు.

ఇంకా బ్యాంక్ ఆఫ్ బరోడా కూడా సూపర్ ప్రాఫిట్ తెచ్చి పెట్టింది. ప్రభుత్వ రంగ ప్రముఖ బ్యాంకుల్లో ఒకటైన ఈ బ్యాంక్ స్టాక్ ఈ ఏడాది 122 శాతం మేర ర్యాలీ చేసింది. అదే 52 వారాల కనిష్ట స్థాయి నుంచి చూస్తే ఈ స్టాక్ 156 శాతం పెరిగింది. ఈ బ్యాంక్ మార్కెట్ క్యాప్ రూ. 94,118 కోట్లు.

సౌత్ ఇండియన్ బ్యాంక్ కూడా ఆకర్షణీయ రాబడిని ఇచ్చింది. బ్యాంక్ షేరు 120 శాతం మేర పరుగులు పెట్టింది. అదే 52 వారాల కనిష్ట స్థాయి నుంచి చూస్తే ఈ స్టాక్ 200 శాతం ర్యాలీ చేసింది. ఈ బ్యాంక్ మార్కెట్ క్యాప్ రూ. 4070 కోట్లుగా ఉంది.

ఇంకా ఇండియన్ బ్యాంక్ కూడా కాసుల వర్షం కురిపించింది. ఈ బ్యాంక్ షేరు ఈ ఏడాది ఇప్పటి వరకు 111 శాతం మేర పెరిగింది. అదే 52 వారాల కనిష్ట స్థాయి నుంచి చూస్తే.. ఈ బ్యాంక్ షేరు 135 శాతం పైకి కదిలింది. కాగా ఈ బ్యాంక్ మార్కెట్ క్యాప్ రూ. 36,634 కోట్లుగా ఉంది.