హైదరాబాద్ వాసులకు TSRTC శుభవార్త.. ఆ రూట్లో భారీగా కొత్త సర్వీసులు.. వివరాలివే

తెలంగాణ ఆర్టీసీ చైర్మన్ గా ఐపీఎస్ అధికారి సజ్జనార్ బాధ్యతలు స్వీకరించిన నాటి నుంచి సంస్థను కొత్త ఒరవడిలో నడిపేందుకు తనవంతు కృషి చేస్తున్నారు. (ప్రతీకాత్మక చిత్రం)

కొత్త ఆఫర్లను తీసుకువస్తూ ప్రయాణికులను ఆకర్షించే ప్రయత్నం చేస్తున్నారు సజ్జనార్. కొత్త కొత్త రూట్లలోనూ బస్సులను తీసుకువస్తూ ఎక్కువ మంది ప్రయాణికులు సంస్థ సేవలు అందేలా చర్యలు తీసుకుంటున్నారు సజ్జనార్. (ప్రతీకాత్మక చిత్రం)

తాజాగా సికింద్రాబాద్-వేవ్ రాక్ మార్గంలో భారీగా బస్సు సర్వీసులను ప్రవేశపెట్టింది. ఐటీ ఉద్యోగుల సౌకర్యార్థం ఈ సేవలను తీసుకువచ్చినట్లు ప్రకటించింది గ్రేటర్ ఆర్టీసీ. మైత్రీవనం, హైటెక్ సిటీ, కొత్తగూడ, గచ్చిబౌలి మీదుగా ఈ బస్సులు నడుస్తాయని ప్రకటించింది ఆర్టీసీ. (ప్రతీకాత్మక చిత్రం)

సికింద్రాబాస్ నుంచి ఫస్ట్ బస్ ఉదయం 6.30 గంటలకు బయలుదేరి.. 8 గంటలకు వేవ్ రాక్ చేరుకుంటుంది. లాస్ట్ బస్ రాత్రి 8.25 గంటలకు సికింద్రాబాద్ లో బయలుదేరి.. 9.55 గంటలకు వేవ్ రాక్ చేరుకుంటుంది. (ఫొటో: ట్విట్టర్)

సరాసరి ప్రతీ 15 నిమిషాలకు ఒక బస్ ఉంటుందని ఆర్టీసీ తెలిపారు. ఇతర పూర్తి వివరాలకు 040-23450033, 040-69440000 నంబర్లను సంప్రదించాలని సూచించారు అధికారులు. (ఫొటో: ట్విట్టర్)