TS 10th Exams: ఈ రోజు నుంచే తెలంగాణ టెన్త్ ఎగ్జామ్స్.. విద్యార్థులకు TSRTC బంపరాఫర్.. ఫ్రీగా ప్రయాణించే ఛాన్స్

తెలంగాణ స్టేట్ రోడ్ ట్రాన్స్ పోర్ట్ కార్పొరేషన్ (TSRTC) ఎండీగా బాధ్యతలు స్వీకరించిన నాటి నుంచి ఐపీఎస్ అధికారి తనదైన ప్రత్యేకతను చాటుతున్నారు. సరికొత్త నిర్ణయాలతో సంస్థలో వినూత్న మార్పులు తీసుకువస్తున్నారు. మదర్స్ డే, చిల్డ్రన్స్ డే లాంటి ప్రత్యేక దినాల్లో ప్రత్యేక ఆఫర్లను తీసుకువచ్చి సంస్థను ప్రయాణికులకు అన్ని విధాల దగ్గర చేసేందుకు ప్రయత్నిస్తున్నారు. (ప్రతీకాత్మక చిత్రం)

వివిధ పండుగల సంమయంలోనూ ప్రముఖ పుణ్య క్షేత్రాలకు ప్రత్యేక బస్సులను నడిపి భక్తుల అభిమానాన్ని అందుకుంటున్నారు. సోషల్ మీడియాలోనూ యాక్టివ్ గా ఉంటూ ప్రయాణికుల నుంచి అందే వినతులు ఎప్పటికప్పుడు పరిష్కారం అయ్యేలా చర్యలు చేపడుతున్నారు సజ్జనార్.(ప్రతీకాత్మక చిత్రం)

తాజాగా ఆయన తీసుకున్న నిర్ణయం అభినందనలు అందుకుంటోంది. టెన్త్ ఎగ్జామ్స్ కు హాజరయ్యే విద్యార్థులందరికీ ఉచితంగా ప్రయాణించే అవకాశాన్ని కల్పించనున్నట్లు ఆయన వెల్లడించారు సజ్జనార్. ఈ మేరకు ఆయన ట్వీట్ చేశారు.(ప్రతీకాత్మక చిత్రం)

విద్యార్థులు ప్రస్తుతం కలిగి ఉన్న బస్ పాస్ వ్యాలిడిటీని జూన్ 1వ తేదీ వరకు పొడిగిస్తున్నట్లు సజ్జనార్ తెలిపారు. విద్యార్థులు తమ బస్ పాస్ తో పాటు హాల్ టికెట్ చూపించి పరీక్షల రోజుల్లో ఉచితంగా పరీక్షా కేంద్రం, మరియు అక్కడి నుంచి తిరుగు ప్రయాణం చేయవచ్చని వివరించారు. (ఫొటో: ట్విట్టర్)

ఈ అవకాశాన్ని విద్యార్థులు సద్వినియోగం చేసుకోవాలని సూచించారు. పరీక్షా కేంద్రం ఎక్కడ ఉన్నా.. అక్కడి వరకు ఫ్రీగా ప్రయాణం చేసే అవకాశం విద్యార్థులకు ఉంటుందని ఆయన స్పష్టం చేశారు.(ఫొటో: ట్విట్టర్)