SBI FD Rates: ఎస్‌బీఐ అద్భుత స్కీమ్.. చేరితే రూ.15 లక్షలు మీవే!

State Bank Of India | దేశంలోనే అతిపెద్ద బ్యాంక్‌గా కొనసాగుతూ వస్తున్న స్టేట్ బ్యాంక్ ఆఫ్ ఇండియా (ఎస్‌బీఐ) తన కస్టమర్లకు ఎన్నో రకాల సేవలు అందిస్తోంది. వీటిల్లో ఫిక్స్‌డ్ డిపాజిట్ సర్వీసులు కూడా ఉన్నాయి.

ఎస్‌బీఐ ఏడాది నుంచి పదేళ్ల వరకు టెన్యూర్‌తో ఎఫ్‌డీ సేవలు అందుబాటులో ఉంచింది. మీకు నచ్చిన టెన్యూర్ ఎంచుకొని డబ్బులు దాచుకోవచ్చు. మీరు ఎంచుకునే కాల పరిమితి ఆధారంగా మీకు వచ్చే రాబడి కూడా మారుతుంది.

ఎందుకంటే టెన్యూర్ ప్రాతిపదికన వడ్డీ రేటు కూడా మారుతుంది. అలాగే రెగ్యులర్ కస్టమర్లకు, సీనియర్ సిటిజన్స్‌కు కూడా వడ్డీ రేటు మార్పు ఉంటుంది. సీనియర్ సిటిజన్స్‌కు సాధారణంగా అధిక వడ్డీ వస్తుంది.

ఎస్‌బీఐ ఏడాది ఫిక్స్‌డ్ డిపాజిట్లపై 6.8 శాతం వడ్డీ రేటు అందిస్తోంది. రెగ్యులర్ కస్టమర్లకు ఇది వర్తిస్తుంది. అద సీనియర్ సిటిజన్స్‌కు అయితే 7.3 శాతం వడ్డీ లభిస్తుంది. అంటే మీరు ఈ స్కీమ్‌లో రూ. లక్ష ఇన్వెస్ట్ చేస్తే.. మీకు రూ. 7500 వరకు వస్తాయి.

అదే రెండేళ్ల టెన్యూర్‌ ఎంచుకుంటే మాత్రం.. మీకు 7 శాతం వడ్డీ రేటు వస్తుంది. రెగ్యులర్ కస్టమర్లకు ఇది వర్తిస్తుంది. అదే సీనియర్ సిటిజన్స్‌కు అయితే 7.5 శాతం వడ్డీ వస్తుంది. అంటే మీకు రెండేళ్ల కాలంలో రూ. లక్ష ఇన్వెస్ట్‌మెంట్‌పై రూ. 16 వేల వరకు వడ్డీ వస్తుంది.

ఇక మూడేళ్ల ఫిక్స్‌డ్ డిపాజిట్ల విషయానికి వస్తే.. రెగ్యులర్ కస్టమర్లకు 6.5 శాతం వడ్డీ వస్తోంది. సీనియర్ సిటిజన్స్‌కు అయితే 7 శాతం వడ్డీ రేటు ఉంది. అంటే రూ. లక్ష ఇన్వెస్ట్‌మెంట్‌పై రూ. 23 వేల వరకు వడ్డీ వస్తుంది.

నాలుగేళ్ల ఫిక్స్‌డ్ డిపాజిట్లపై అయితే వడ్డీ రేటు 6.5 శాతం నుంచి ప్రారంభం అవుతోంది. సీనియర్ సిటిజన్స్‌కు అయితే 7 శాతం వడ్డీ వస్తుంది. అంటే మీరు రూ. లక్ష ఇన్వెస్ట్ చేస్తే.. మీకు వడ్డీ రూపంలోరూ. 32 వేల వరకు వస్తుంది.

ఇంకా ఐదేళ్ల ఎఫ్‌డీల విషయానికి వస్తే.. మీకు 6.5 శాతం వడ్డీ వస్తుంది. సీనియర్ సిటిజన్స్‌కు అయితే 7.5 శాతం వడ్డీ ఉంది. అంటే రూ. 10 లక్షలు డిపాజిట్ చేస్తే.. మెచ్యూరిటీ సమయంలో దాదాపు రూ. 15 లక్షలు వస్తాయని చెప్పుకోవచ్చు. పదేళ్ల ఎఫ్‌డీలపై కూడా ఇదే వడ్డీ ఉంది. అయితే మెచ్యూరిటీలో రూ. 21 లక్షలు వస్తాయి.

అలాగే ఎస్‌బీఐ స్పెషల్ డిపాజిట్ స్కీమ్ కూడా అందుబాటులో ఉంచింది. అమృత్ కలష్ స్కీమ్. దీని టెన్యూ 444 రోజులు. ఈ స్కీమ్ మార్చి 31 వరకే అందుబాటులో ఉంది. ఇందులో కస్టమర్లకు 7.6 శాతం వరకు వడ్డీ వస్తుంది.