Maruti Offers: మారుతీ కార్లపై భారీ డిస్కౌంట్.. కంపెనీ కళ్లుచెదిరే తగ్గింపు ఆఫర్లు!

Car Offers | మీరు కొత్త కారు కొనుగోలు చేయాలని ప్లాన్ చేస్తున్నారా? అది కూడా దిగ్గజ కార్ల తయారీ కంపెనీ మారుతీ సుజుకీ కారు కొనుగోలు చేయాలని యోచిస్తున్నారా? అయితే మీకు గుడ్ న్యూస్. భారీ డిస్కౌంట్ ఆఫర్లు అందుబాటులో ఉన్నాయి. కళ్లుచెదిరే డీల్స్ సొంతం చేసుకోవచ్చు.

మారుతీ సుజుకీ వేగనార్ మోడల్‌పై ఏకంగా రూ. 64 వేల వరకు డిస్కౌంట్ లభిస్తోంది. క్యాష్ డిస్కౌంట్ రూపంలో రూ. 40 వేల వరకు తగ్గింపు ఉంది. ఎక్స్చేంజ్ ఆఫర్ కింద రూ. 20 వేల వరకు డిస్కౌంట్ ఉంది. ఇక కార్పొరేట్ డిస్కౌంట్ రూ. 4 వేలు పొందొచ్చు.

మారుతీ సుజుకీ స్విఫ్ట్ కారుపై అయితే రూ. 54 వేల వరకు తగ్గింపు అందుబాటులో ఉంది. ఈ కారుపై క్యాష్ డీల్ రూ. 30 వేల వరకు ఉంది. అలాగే రూ. 20 వేల వరకు ఎక్స్చేంజ్ ఆఫర్ సొంతం చేసుకోవచ్చు. ఇంకా రూ. 4 వేల కార్పొరేట్ డిస్కౌంట్ ఉంది.

మారుతీ సుజుకీ అల్టో కే 10, ఎస్ ప్రెసో కార్లపై అయితే రూ. 49 వేల వరకు తగ్గింపు లభిస్తోంది. ఈ మోడళ్లపై రూ. 30 వేల వరకు క్యాష్ డిస్కౌంట్ ఉంది. అలాగే రూ. 4 వేల కార్పొరేట్ డిస్కౌంట్ లభిస్తోంది. ఇంకా ఎక్స్చేంజ్ ఆఫర్ కింద రూ. 15 వేల వరకు తగ్గింపు సొంతం చేసుకోవచ్చు.

ఇంకా మారుతీ సుజుకీ అల్టో 800 మోడల్‌ విషయానికి వస్తే.. ఈ కారుపై రూ. 38 వేల వరకు తగ్గింపు లభిస్తోంది. ఇందులో డిస్కౌంట్ రూ. 20 వేల వరకు ఉంటుంది. ఎక్స్చేంజ్ ఆఫర్ రూ. 15 వేల వరకు లభిస్తుంది. ఇక కార్పొరేట్ డిస్కౌంట్ రూ. 3 వేలు ఉంది.

మారుతీ సుజుకీ సెలెరియో మోడల్ విషయానికి వస్తే.. ఈ కారుపై రూ. 44 వేల వరకు డిస్కౌంట్ ఉంది. ఇందులో డిస్కౌంట్ రూపంలో రూ. 25 వేల వరకు తగ్గింపు లభిస్తోంది. ఇంకా ఎక్స్చేంజ్ ఆఫర్ కింద రూ. 15 వేల వరకు డిస్కౌంట్ పొందొచ్చు. తర్వాత కార్పొరేట్ తగ్గింపు రూ. 4 వేలు ఉంది.

అలాగే మారుతీ సుజుకీ డిజైర్ కారుపై కూడా రూ. 10 వేల వరకు తగ్గింపు అందుబాటులో ఉంది. ఈ కారుపై ఎక్స్చేంజ్ ఆఫర్ కింద ఈ బెనిఫిట్ సొంతం చేసుకోవచ్చు. ఈ కారుపై ఇక డిస్కౌంట్, కార్పొరేట్ ఆఫర్ వంటివి లేవు.

ఇకపోతే కారు ఆఫర్లు అనేవి ప్రాంతం, డీలర్ షిప్, కారు మోడల్, వేరియంట్ ప్రాతిపదికన మారుతూ ఉంటాయి. అందువల్ల మీరు దగ్గరిలోని షోరూమ్‌కు వెళ్లి ఆఫర్ పూర్తి వివరాలు తెలుసుకోవచ్చు.