Car Offers: మారుతీ కార్లపై భారీ డిస్కౌంట్ ఆఫర్లు.. కొత్త కారు కొనే వారికి పండగే!

Maruti Car Offers | మీరు కొత్తగా కారు కొనేందుకు రెడీ అవుతున్నారా? అయితే మీకోసం అదిరిపోయే ఆఫర్లు ఇప్పుడు అందుబాటులో ఉన్నాయి. ఎలా అని అనుకుంటున్నారా? దిగ్గజ కార్ల తయారీ కంపెనీ అయిన మారుతీ సుజుకీ కార్లపై కళ్లుచెదిరే డిస్కౌంట్ సొంతం చేసుకోవచ్చు. ఏకంగా రూ. 50 వేల వరకు డబ్బులు ఆదా చేసుకోవచ్చు. కార్లపై ఉన్న డిస్కౌంట్ ఆఫర్ల గురించి ఇప్పుడు తెలుసుకుందాం.

మారుతీ సుజుకీ నెక్సా ఔట్‌లెట్స్‌లో మీరు ఈ తగ్గింపు ఆఫర్లు సొంతం చేసుకోవచ్చు. ఇగ్నిస్, సియాజ్, బాలెనో వంటి మోడళ్లపై భారీ తగ్గింపు ఉంది. అయితే ఇటీవల మార్కెట్‌లోకి వచ్చిన గ్రాంట్ వితారా ఎస్‌యూవీ, ఎక్స్ఎల్6 ఎంపీవీ వంటి వాటిపై ఎలాంటి ఆఫర్లు అందుబాటులో లేవు.

నెక్సా ఔట్‌లెట్స్‌లో మోస్ట్ ఆఫర్డబుల్ కారుగా కొనసాగుతన్న ఇగ్నిస్ కారుపై రూ. 50 వేల వరకు తగ్గింపు సొంతం చేసుకోవచ్చు. మ్యానువల్ వేరియంట్‌పై ఈ ఆఫర్ ఉంది. అదే ఏఎంటీ వెరియంట్‌పై అయితే రూ. 20 వేల వరకు తగ్గింపు సొంతం చేసుకోవచ్చు.

మారుతీ సుజుకీ సియాజ్ కారుపై అయితే రూ. 40 వేల వరకు తగ్గింపు పొందొచ్చు. మ్యానువల్ వేరియంట్లకు ఇది వర్తిస్తుంది. అదే ఆటోమేటిక్ వేరియంట్లపై అయితే రూ. 30 వేల వరకు తగ్గింపు లభిస్తుంది. సియాజ్ కారు హోండా సిటీ కారు గట్టి పోటీ ఇస్తున్న విషయం తెలిసిందే. హ్యుందాయ్ వెర్నా, స్కోడా స్లేవియా, ఫోక్స్‌వ్యాగన్ వెర్చుస్ వంటి మోడళ్లకు ఇది పోటీ ఇస్తోంది.

అలాగే మారుతీ సుజుకీకి చెందిన బాలెనో కారుపై ఆఫర్లు ఉన్నాయి. రూ.10 వేల వరకు తగ్గింపు సొంతం చేసుకోవచ్చు. పెట్రోల్, సీఎన్‌జీ వేరియంట్లకు ఇది వర్తిస్తుంది. ఈ కారు టాటా అల్ట్రోజ్, హ్యుందాయ్ ఐ20, టయోటా గ్లాంజా వంటి మోడళ్లకు టఫ్ ఫైట్ ఇస్తోంది.

ఇకపోతే ఈ ఆఫర్లు అనేవి డీలర్‌షిప్ ప్రాతిపదికన మారుతూ ఉండొచ్చు. అలాగే ఎక్స్చేంజ్ బోనస్, కార్పొరేట్ డిస్కౌంట్, క్యాష్ డిస్కౌంట్ వంటివి ఇందులో కలిసి ఉంటాయి. అందువల్ల కారు మోడల్, వేరియంట్ ప్రాతిపదికన కూడా ఆఫర్లు మారొచ్చు. దగ్గరిలోని డీలర్‌షిప్ వద్దకు వెళ్లి ఆఫర్ పూర్తి వివరాలు తెలుసుకోవడం ఉత్తమం.

కాగా మారుతీ సుజుకీ వచ్చే ఏడాదిలో కొత్త కార్లను తీసుకువచ్చేందుకు రెడీ అవుతోంది. కంపెనీ ఎస్‌యూవీ విభాగంపై అధికంగా ఫోకస్ చేసింది. ఇటీవలనే కంపెనీ కొత్త బ్రెజా కారు లాంచ్ చేసింది. అలాగే సరికొత్త బాలెనో కారు తెచ్చేందుకు సిద్ధం అవుతోంది. ఇంకా 5 డోర్ జిమ్నీ ఎస్‌యూవీ రానుంది.