Jawa 42 Bobber: జావా 42 బాబర్ లగ్జరీ బైక్ ప్రత్యేకతలు ఇవే

1. ఇండియాలో సరికొత్త ప్రీమియం బైక్ లాంచ్ అయింది. లగ్జరీ బైక్ మాన్యుఫాక్ఛరింగ్ కంపెనీ జావా యెజ్డీ నుంచి ‘జావా 42 బాబర్‌’ (Jawa 42 Bobber) మోటార్‌సైకిల్ భారత మార్కెట్లో రిలీజ్ అయింది. మన దేశంలో ఇది రూ. 2.06 లక్షల ఎక్స్ షోరూమ్ ప్రారంభ ధరతో లభిస్తుంది. హైఎండ్ వేరియంట్ ధర రూ. 2.09 లక్షలు. (image: Jawa Motorcycle)

2. జావా 42 బాబర్ మోటార్‌సైకిల్ మొత్తం మూడు వేరియంట్లలో అందుబాటులో ఉంటుంది. టాప్ వేరియంట్ ధర రూ. 2.09 లక్షలుగా ఉంది. జావా 42 బాబర్‌ బైక్ 334cc ఇంజిన్‌తో రన్ అవుతుంది. ఇది 30 bhp పవర్‌ను, 32.74 Nm టార్క్‌ను ఉత్పత్తి చేయగలదు. మెరుగైన రైడింగ్ కోసం అప్‌గ్రేడ్ చేసిన ABS కాలిబ్రేషన్‌ను దీంట్లో అందించారు. (image: Jawa Motorcycle)

3. జావా 42 బాబర్ బైక్‌ను కంపెనీ ఇండియన్ మార్కెట్‌కు తగ్గట్టు డిజైన్ చేసింది. జావా కంపెనీ గతంలో రిలీజ్ చేసిన ‘జావా పెరాక్‌’తో (Jawa Perak) పోలిస్తే, కొత్తగా వచ్చిన జావా 42 బాబర్ వేరియంట్‌లో అనేక మార్పులు ఉన్నాయి. దీని ఫ్యూయల్ ట్యాంకు డిజైన్‌ గతంలో వచ్చిన మోడళ్లతో పోలిస్తే కొద్దిగా మారింది. దీని సైడ్ కవర్ ఇప్పుడు 42 బాబర్ బ్రాండింగ్‌తో వస్తుంది. (image: Jawa Motorcycle)

4. కొత్త హ్యాండిల్‌బార్, ఫ్యూయల్ ట్యాంక్, క్లాక్ కన్సోల్, సరికొత్త శాడిల్, చుట్టూ ఎల్‌ఈడీ లైటింగ్‌తో కూడిన ఎల్‌సీడీ డిస్‌ప్లే వంటి సరికొత్త స్పెసిఫికేషన్లతో వచ్చింది. కొత్త బైక్ మూడు కలర్ ఆప్షన్లలో వస్తుంది. మిస్టిక్ కాపర్, మూన్‌స్టోన్ వైట్, డ్యుయల్ టోన్ జాస్పర్ రెడ్ కలర్స్‌లో దీన్ని కొనుగోలు చేయవచ్చు. జావా పెరాక్ మాట్టే బ్లాక్ విత్ గోల్డ్ పిన్‌స్ట్రైప్‌లతో అందుబాటులో ఉంది. పెరాక్ బైక్‌ను కంపెనీ 2019లో మార్కెట్లోకి విడుదల చేసింది. (image: Jawa Motorcycle)

5. జావా 42 మోటార్‌సైకిల్ ధర కలర్ ఆప్షన్లపై ఆధారపడి ఉంటుంది. మిస్టిక్ కాపర్ వేరియంట్ ధర రూ. 2.06 లక్షలు కాగా, మూన్‌స్టోన్ వైట్ ధర రూ. 2.07 లక్షలు, జాస్పర్ రెడ్ (డ్యుయల్ టోన్) ధర రూ. 2.09 లక్షలు (అన్ని ధరలు ఎక్స్-షోరూమ్)గా ఉంది. (image: Jawa Motorcycle)

6. కంపెనీ వెబ్‌సైట్, డీలర్‌షిప్‌లలో రూ. 5,000 టోకెన్ ఫీజు చెల్లించి జావా 42 బాబర్ బైక్‌ను బుక్ చేసుకోవచ్చు. ఒకవేళ కస్టమర్లు ఆర్డర్‌ను క్యాన్సిల్ చేసుకుంటే, ఈ మొత్తాన్ని కంపెనీ రిఫండ్ చేస్తుంది. ఈ సరికొత్త బైక్ ఇప్పటికే డీలర్‌షిప్‌ల వద్దకు చేరుకుంది. దీని టెస్ట్ డ్రైవ్‌లు, డెలివరీలు త్వరలో ప్రారంభం కానున్నాయి. (image: Jawa Motorcycle)

7. జావా నుంచి ఇండియాలో ఇతర మోటార్ సైకిల్స్ కూడా ఉన్నాయి. జావా, పెరాక్, ఫార్టీ కూ, 42, 42 బాబర్ పేరుతో వేర్వేరు మోడల్స్ ఉన్నాయి. మోటార్ సైకిల్ సెగ్మెంట్‌లో రాయల్ ఎన్‌ఫీల్డ్‌కు పోటీ ఇస్తోంది. (image: Jawa Motorcycle)