IRCTC e-catering: రేపటి నుంచి ఐఆర్‌సీటీసీ ఇ-కేటరింగ్ సేవలు... మీకు నచ్చిన ఫుడ్ ఆర్డర్ చేయండి ఇలా

1. భారతీయ రైల్వే ప్రయాణికులకు శుభవార్త. ఐఆర్‌సీటీసీ ఇ-కేటరింగ్ సేవలు ఫిబ్రవరి 1న ప్రారంభం కానున్నాయని భారతీయ రైల్వే అధికారికంగా ప్రకటించింది. గతేడాది కరోనా వైరస్ మహమ్మారి కారణంగా రైళ్లు ఆగిపోవడంతో ఐఆర్‌సీటీసీ ఇ-కేటరింగ్ సేవలు కూడా నిలిచిపోయాయి. (image: IRCTC e-catering)

2. గతేడాది మార్చి 22 నుంచి ఐఆర్‌సీటీసీ ఇ-కేటరింగ్ సేవలు మళ్లీ ప్రారంభం కాలేదు. భారతీయ రైల్వే లాక్‌డౌన్ తర్వాత దశలవారీగా స్పెషల్ ట్రైన్స్ నడుపుతున్నా ఐఆర్‌సీటీసీ ఇ-కేటరింగ్ సర్వీస్ ప్రారంభం కాలేదు. (ప్రతీకాత్మక చిత్రం)

3. దేశవ్యాప్తంగా కరోనా వైరస్ ఆంక్షల్ని సడలిస్తూ కొత్త గైడ్‌లైన్స్ విడుదలవుతుండటంతో ఇ-కేటరింగ్ మళ్లీ ప్రారంభిస్తోంది. ఫిబ్రవరి 1న ఇ-కేటరింగ్ సేవలు ప్రారంభం కానున్నాయి. ఐఆర్‌సీటీసీ ఇ-కేటరింగ్ సర్వీస్ ప్రారంభమైతే ప్రయాణికులు తమకు నచ్చిన ఆహారాన్ని ఆన్‌లైన్‌లో ఆర్డర్ చేసి తమ బెర్తుకే తెప్పించుకోవచ్చు. (image: IRCTC e-catering)

4. ఐఆర్‌సీటీసీ ఇ-కేటరింగ్ వెబ్‌సైట్ https://www.ecatering.irctc.co.in/ లేదా 1323 నెంబర్ ద్వారా ఆర్డర్స్ చేయొచ్చు. ఐఆర్‌సీటీసీ ఇ-కేటరింగ్ యాప్ అయిన 'Food on Track' యాప్ కూడా ఉపయోగించొచ్చు. (ప్రతీకాత్మక చిత్రం)

5. ఐఆర్‌సీటీసీ ఇ-కేటరింగ్ సేవలు దేశవ్యాప్తంగా మొత్తం ఒకేసారి కాకుండా దశలవారీగా ప్రారంభించే ఆలోచనలో ఉంది ఐఆర్‌సీటీసీ. ముందుగా రెడీ టు ఈట్ మీల్స్ మాత్రమే అందించనుంది. అది కూడా మొదట 62 రైల్వే స్టేషన్లలో ఇ-కేటరింగ్ సర్వీస్ ప్రారంభిస్తోంది. అందులో విజయవాడ రైల్వే స్టేషన్ కూడా ఉంది. (image: IRCTC e-catering)

6. కోవిడ్ 19 గైడ్‌లైన్స్ ఉండటంతో ప్రయాణికులకు మీల్స్ అందించే ఇ-కేటరింగ్ పార్ట్‌నర్స్ హెల్త్, హైజీన్ ప్రోటోకాల్స్ పాటించాలని ఐఆర్‌సీటీసీ సూచించింది. ప్రయాణికులు గతంలోలాగానే తమకు నచ్చిన ఫుడ్ ఆర్డర్ చేసి తెప్పించుకోవచ్చు. 'Food on Track' యాప్ లేదా https://www.ecatering.irctc.co.in/ వెబ్‌సైట్‌లో ఫుడ్ ఆర్డర్ చేయడానికి ఈ కింది స్టెప్స్ ఫాలో కావాలి. (ప్రతీకాత్మక చిత్రం)

7. ప్రయాణికులు ముందుగా 'Food on Track' యాప్ లేదా https://www.ecatering.irctc.co.in/ వెబ్‌సైట్‌ ఓపెన్ చేయాలి. రైలు టికెట్‌పై ఉండే పీఎన్ఆర్ ఎంటర్ చేయాలి. దారిలో ఉన్న రైల్వే స్టేషన్ల వివరాలు కనిపిస్తాయి. మీకు ఏ రైల్వే స్టేషన్‌లు ఫుడ్ కావాలో సెలెక్ట్ చేయాలి. (ప్రతీకాత్మక చిత్రం)

8. రైల్వే స్టేషన్‌ను ఎంచుకున్న తర్వాత ఆ రైల్వే స్టేషన్ పరిధిలో కేటరింగ్ సేవల్ని అందించే రెస్టారెంట్ల పేర్లు కనిపిస్తాయి. ఆ లిస్ట్‌లో నుంచి ముందుగా రెస్టారెంట్ సెలెక్ట్ చేయాలి. ఆ రెస్టారెంట్‌లో లభించే ఫుడ్ ఐటమ్స్ వివరాలు కనిపిస్తాయి. (ప్రతీకాత్మక చిత్రం)

9. అందులో ఫుడ్ సెలెక్ట్ చేసుకొని పేమెంట్ చేయాలి. లేదా క్యాష్ ఆన్ డెలివరీ చేయొచ్చు. ఆర్డర్ చేసేముందు వివరాలన్నీ ఓసారి సరిచూసుకోవాలి. మీరు ఎంచుకున్న రైల్వే స్టేషన్‌కు రైలు చేరుకోగానే ఫుడ్ పార్శిల్ మీ బెర్తు దగ్గరకు వస్తుంది. (ప్రతీకాత్మక చిత్రం)

10. ఐఆర్‌సీటీసీ 2014లో ఇ-కేటరింగ్ సర్వీస్ ప్రారంభించింది. ప్రయాణికులు ఐఆర్‌సీటీసీ క్యాంటీన్లతో పాటు స్థానికంగా ఉండే హోటళ్ల నుంచి తమకు కావాల్సిన ఆహార పదార్థాలను ఆర్డర్ చేసి తమ బెర్తుకు తెప్పించుకోవడానికి ఐఆర్‌సీటీసీ ఇ-కేటరింగ్ ఉపయోగపడుతుంది. కోవిడ్ 19 కన్నా ముందు ఐఆర్‌సీటీసీ ఇ-కేటరింగ్ సర్వీస్‌కు రోజూ 20,000 పైగా ఆర్డర్లు వచ్చేవి. మళ్లీ ఇదే స్థాయిలో ఆర్డర్లు రావడానికి ఇంకొంత సమయం పట్టే అవకాశం ఉంది. (ప్రతీకాత్మక చిత్రం)