Vande Bharat Express: 8 బోగీల వందే భారత్ రైలు వచ్చేస్తోంది... రూట్ ఇదే

1. భారతదేశంలో వందే భారత్ ఎక్స్‌ప్రెస్ రైళ్లు పాపులర్ అవుతున్నాయి. ప్రస్తుతం దేశవ్యాప్తంగా 10 రూట్లల్లో వందే భారత్ రైళ్లు (Vande Bharat Trains) నడుస్తున్నాయి. ఈ 10 వందే భారత్ రైళ్లల్లో 16 బోగీలు ఉన్నాయి. ఒక రైలులో 1,128 మంది ప్రయాణికులు జర్నీ చేయవచ్చు. (ప్రతీకాత్మక చిత్రం)

2. న్యూఢిల్లీ-వారణాసి, న్యూఢిల్లీ-శ్రీ మాతా వైష్ణోదేవి కాట్రా, న్యూ ఢిల్లీ-అంబ్ అందౌరా, ముంబై సెంట్రల్-గాంధీ నగర్‌, మైసూర్-చెన్నై, నాగ్‌పూర్-బిలాస్‌పూర్, హౌరా-న్యూజల్‌పాయ్‌గురి, విశాఖపట్నం-సికింద్రాబాద్, ముంబై-సోలాపూర్, ముంబై-సాయినగర్ షిరిడీ రూట్లల్లో వందే భారత్ రైళ్లు నడుస్తున్నాయి. ఇవన్నీ 16 బోగీల వందే భారత్ రైళ్లే. (ప్రతీకాత్మక చిత్రం)

3. ఇప్పుడు 8 బోగీల వందే భారత్ రైలు ప్రయాణికులకు అందుబాటులోకి రాబోతోంది. 8 బోగీలు ఉన్న తొలి వందే భారత్ రైలును ఏప్రిల్ 8న ప్రధాన మంత్రి నరేంద్ర మోదీ ప్రారంభించనున్నారు. చెన్నై-కొయంబత్తూర్ రూట్‌లో ఈ చిన్న వందే భారత్ రైలు అందుబాటులోకి రానుంది. (ప్రతీకాత్మక చిత్రం)

4. చెన్నై-కొయంబత్తూర్ వందే భారత్ రైలులో ఒక ఎగ్జిక్యూటీవ్ కోచ్ మాత్రమే ఉంటుంది. ఈ రైలులో 530 మంది ప్రయాణికులు జర్నీ చేయవచ్చు. ఈ రైలు ఐదున్నర గంటల్లో చెన్నై-కొయంబత్తూర్ మధ్య ప్రయాణిస్తుంది. సుమారు 500 కిలోమీటర్ల దూరాన్ని కవర్ చేస్తుంది. (ప్రతీకాత్మక చిత్రం)

5. భారతీయ రైల్వే 8 బోగీలున్న చిన్న వందే భారత్ రైళ్లను మరిన్ని తయారు చేస్తోంది. త్వరలో మరో 64 వందే భారత్ రైళ్లు 8 బోగీలతో ప్రారంభం కానున్నాయి. చాలావరకు రూట్లల్లో 16 బోగీలు ఉన్న వందే భారత్ రైళ్లను నడపడం రైల్వేకు ఆర్థికంగా భారమే. అందుకే 8 బోగీలున్న వందే భారత్ రైళ్లను నడపనుంది. (ప్రతీకాత్మక చిత్రం)

6. తెలుగు రాష్ట్రాల్లో సికింద్రాబాద్-విశాఖపట్నం రూట్‌లో ఓ వందే భారత్ రైలు నడుస్తోంది. త్వరలో తెలుగు రాష్ట్రాల్లోని వేర్వేరు ప్రాంతాలను కనెక్ట్ చేస్తూ మరిన్ని వందే భారత్ రైళ్లు ప్రారంభం కానున్నాయి. వాటిలో సికింద్రాబాద్-తిరుపతి, కాచిగూడ-బెంగళూరు, సికింద్రాబాద్-పూణె రూట్లల్లో రాబోయే రోజుల్లో వందే భారత్ రైళ్లు తిరగనున్నాయి. (ప్రతీకాత్మక చిత్రం)

7. సికింద్రాబాద్-తిరుపతి ఏప్రిల్ 8న ప్రారంభం కానుంది. ఈ రైలు నల్గొండ, గుంటూరు, ఒంగోలు, నెల్లూరు మీదుగా తిరుపతి వెళ్తుందని వార్తలొస్తున్నాయి. సికింద్రాబాద్ నుంచి తిరుపతికి 8.30 గంటల్లో చేరుకోవచ్చు. (ప్రతీకాత్మక చిత్రం)