Gold Price Today: వరుసగా నాలుగో రోజు పెరిగిన బంగారం ధర... ఎంతంటే

1. బంగారం ధరలు మళ్లీ పెరుగుతున్నాయి. వరుసగా నాలుగు రోజులుగా బంగారం ధరలు పెరిగాయి. నాలుగు రోజుల్లో సుమారు రూ.1500 పైనే బంగారం ధర పెరిగింది. ప్రస్తుతం స్వచ్ఛమైన బంగారం ధర రూ.57,000 మార్క్ దాటగా, ఆభరణాల తయారీకి ఉపయోగించే గోల్డ్ రూ.52,000 మార్క్ దాటేసింది. వెండి ధర పెరిగింది. (ప్రతీకాత్మక చిత్రం)

2. సోమవారం హైదరాబాద్‌లో బంగారం ధరలు చూస్తే ఆభరణాల తయారీకి ఉపయోగించే బంగారం 10 గ్రాముల ధర రూ.290 పెరిగి రూ.52,160 నుంచి రూ.51,450 ధరకు చేరుకుంది. ఇక గతవారం స్వచ్ఛమైన బంగారం ధర రూ.56,000 లోపు ఉండగా ఇప్పుడు రూ.57,000 మార్క్ దాటేసింది. (ప్రతీకాత్మక చిత్రం)

3. హైదరాబాద్‌లో స్వచ్ఛమైన బంగారం ధర చూస్తే 10 గ్రాముల ధర రూ.330 పెరిగి రూ.56,890 నుంచి రూ.57,220 ధరకు చేరుకుంది. మరోవైపు వెండి ధర పెరిగింది. సోమవారం కిలో వెండిపై రూ.800 పెరిగి రూ.68,700 నుంచి రూ.69,500 ధరకు చేరుకుంది. గత మూడు రోజుల్లో కిలో వెండిపై రూ.2,200 ధర పెరిగింది. (ప్రతీకాత్మక చిత్రం)

4. గత నాలుగు రోజులుగా బంగారం ధరలు భారీగా పెరిగాయి. మార్చి 10 నుంచి ఇవాళ్టివరకు 22 క్యారట్ గోల్డ్ ధర రూ.1,550 పెరగగా, 24 క్యారట్ గోల్డ్ ధర రూ.1,690 పెరిగింది. బంగారం ధరలు రికార్డ్ ధరవైపు పరుగులు తీస్తున్నాయి. గోల్డ్ గరిష్ట ధరలు చూస్తే 2020 సంవత్సరంలో 22 క్యారట్ బంగారం రూ.54,200 ధరకు, 24 క్యారట్ బంగారం రూ.59,130 ధరకు చేరుకున్న సంగతి తెలిసిందే. (ప్రతీకాత్మక చిత్రం)

5. హైదరాబాద్ మార్కెట్లోనే కాదు, మల్టీ కమాడిటీ ఎక్స్‌ఛేంజ్‌లో కూడా బంగారం, వెండి ధరలు భారీగా పెరిగాయి. గోల్డ్ 2023 ఏప్రిల్ ఫ్యూచర్స్ 0.79 శాతం అంటే రూ.445 పెరిగి రూ.56,595 దగ్గర ట్రేడ్ అవుతోంది. ఇక ఎంసీఎక్స్‌లో సిల్వర్ 2023 మే ఫ్యూచర్స్ 1.03 శాతం అంటే రూ.645 పెరిగి రూ.63,535 దగ్గర ట్రేడ్ అవుతోంది. (ప్రతీకాత్మక చిత్రం)

6. అంతర్జాతీయ మార్కెట్‌లో కూడా బంగారం ధర భారీగా పెరిగింది. ప్రస్తుతం ఔన్స్ బంగారం ధర 1,880.20 డాలర్ల దగ్గర ట్రేడ్ అవుతోంది. అంతర్జాతీయ మార్కెట్‌లో వెండి ధర స్వల్పంగా పెరిగింది. ఔన్స్ సిల్వర్ ధర 21.00 డాలర్ల దిగువలోనే ఉంది. ప్రస్తుతం 20.82 డాలర్ల దగ్గర ట్రేడ్ అవుతోంది. (ప్రతీకాత్మక చిత్రం)