Gold Rate Today: కొద్దిగా తగ్గిన బంగారం, స్థిరంగా వెండి ధరలు.. నేటి రేట్లు ఇవీ

Gold Price today: బంగారం నగలు కొనుక్కునేవారు ఇప్పుడు కొనుక్కోవడం మంచిదే అంటున్నారు బులియన్ మార్కెట్ నిపుణులు. నిజానికి ఈ సంవత్సరం జనవరి నుంచి బంగారం ధరలు తగ్గుతూ... మార్చి 31కి బాగా తగ్గాయి. ఆ తర్వాత నుంచి పెరుగుతూనే ఉన్నాయి. అప్పుడప్పుడూ కొద్దిగా తగ్గుతున్నా... ఎక్కువగా పెరుగుదల ఉంటోంది. మళ్లీ జనవరిలో ఏ రేట్లు ఉన్నాయో... ఆ స్థాయికి చేరుకుంటున్నాయి. జనవరిలో 24 క్యారెట్ల బంగారం ధర రూ.51,060 ఉంది. మళ్లీ గోల్డ్ అటువైపే పరుగులు తీస్తోంది. ఇండియాలో కరోనా కేసులు పెరుగుతున్నాయి కాబట్టి... బంగారం ధరలు కూడా పెరిగే ఛాన్స్ ఉందనే అభిప్రాయం వస్తోంది. (ప్రతీకాత్మక చిత్రం)

ఏప్రిల్ 1 నుంచి బంగారం ధరలు పెరుగుతున్నాయి. మార్చి 31న 22 క్యారెట్ల నగల బంగారం 10 గ్రాములు రూ.41,100 ఉండగా... ఈ 4 నెలల్లో అది రూ.3,890 పెరిగింది. అలాగే... 24 క్యారెట్ల ప్యూర్ పెట్టుబడుల గోల్డ్ 10 గ్రాములు మార్చి 31న రూ.44,840 ఉండగా... 4 నెలల్లో అది రూ.4,250 పెరిగింది. దీన్ని బట్టీ... 4 నెలలుగా బంగారం ధరలు పెరుగుతూనే ఉన్నాయని మనం అర్థం చేసుకోవచ్చు. తాజా ధరలు ఎలా ఉన్నాయో చూద్దాం. (ప్రతీకాత్మక చిత్రం)

Gold Rates 2-8-2021: నగల తయారీకి వాడే 22 క్యారెట్ల బంగారం ధర ఈ ఉదయానికి (బులియన్ మార్కెట్ ప్రారంభ సమయానికి ముందు) 1 గ్రాము రూ.4,499 ఉంది. అలాగే 8 గ్రాములు (తులం) రూ.35,992 ఉంది. నిన్న 8 గ్రాముల ధర రూ.8 తగ్గింది. 10 గ్రాములు కావాలంటే దాని ధర రూ.44,990 ఉంది. నిన్న 10 గ్రాములు ధర రూ.10 తగ్గింది. (ప్రతీకాత్మక చిత్రం)

పెట్టుబడులకు వాడే 24 క్యారెట్ల బంగారం ధర ఈ ఉదయానికి (బులియన్ మార్కెట్ ప్రారంభ సమయానికి ముందు) 1 గ్రాము రూ.4,909 ఉంది. అలాగే 8 గ్రాములు (తులం) రూ.39,272 ఉంది. నిన్న 8 గ్రాముల బంగారం ధర రూ.8 తగ్గింది. 10 గ్రాములు కావాలంటే దాని ధర రూ.49,090 ఉంది. నిన్న 10 గ్రాములు ధర రూ.10 తగ్గింది. హైదరాబాద్, సికింద్రాబాద్‌తో పాటూ దేశంలోని ప్రధాన నగరాల్లో ఇవే ధరలు ఉన్నాయి. (ప్రతీకాత్మక చిత్రం)

Silver Price 2-8-2021: వెండి ధర నిన్న స్థిరంగా ఉంది. గత 10 రోజుల్లో 5 సార్లు తగ్గగా... 3 సార్లు పెరిగింది. 2 సార్లు స్థిరంగా ఉంది. ఈ ఉదయానికి (మార్కెట్ ప్రారంభ సమయానికి ముందు) వెండి ధర 1 గ్రాము రూ.73 ఉంది. అదే... 8 గ్రాములు (తులం) కావాలంటే ధర రూ.584 ఉంది. 10 గ్రాములు కావాలంటే... ధర రూ.730 ఉంది. 100 గ్రాములు ధర రూ.7,300 ఉండగా... కేజీ వెండి ధర... రూ.73,000 ఉంది. నిన్న కేజీ వెండి ధర రూ.200 తగ్గింది. ఏప్రిల్ 1న వెండి ధర కేజీ రూ.67,300 ఉంది. ఇప్పుడు రూ.73,000 ఉంది. అంటే ఈ 4 నెలల్లో వెండి ధర రూ.5,700 పెరిగినట్లు లెక్క. (ప్రతీకాత్మక చిత్రం)

స్టాక్ మార్కెట్లు: బిట్ కాయిన్ మళ్లీ జోరందుకుంది. గత వారం 30 శాతం పెరిగింది. ప్రస్తుతం ఒక్క కాయిన్ ధర రూ.29.75 లక్షలు ఉంది. అందువల్ల స్టాక్ మార్కెట్లలో పెట్టుబడులు బిట్ కాయిన్ వైవు కొంతవరకూ వెళ్లే అవకాశాలు ఉంటాయి. రూపాయితో పోల్చితే గత నెల డాలర్ విలువ కాస్త తగ్గింది. అందువల్ల స్టాక్ మార్కెట్లలో ఊగిసలాట ఉండే అవకాశం ఉంది. భారీ లాభాలు లేదా భారీ నష్టాలు లేకుండా... మధ్యస్తంగా ఉండే అవకాశాలు కనిపిస్తున్నాయి. గత నెలలో లాభాలు సాధించిన స్టాక్స్‌పై ఇవాళ పెట్టుబడులు పెట్టే ఛాన్స్ ఉంది. అందువల్ల కొంతవరకూ మార్కెట్ లాభాల్లోకి వెళ్లే అవకాశాలు ఉన్నాయి. ఇన్వెస్టర్లు జాగ్రత్తగా నిర్ణయాలు తీసుకోవాలని నిపుణులు చెబుతున్నారు. (ప్రతీకాత్మక చిత్రం)