LPG Cylinder: కొత్త గ్యాస్ కనెక్షన్ కావాలా ? ఈ నంబర్‌కు మిస్డ్ కాల్ ఇస్తే చాలు..

గ్యాస్ కనెక్షన్ తీసుకోవడంలో చాలా మార్పులు వచ్చాయి. ఒకప్పటితో పోల్చితే.. ఇప్పుడు చాలా ఈజీగానే గ్యాస్ కనెక్షన్ వచ్చేస్తోంది. అయితే ఈ పద్ధతిని మరింత సులభతరం చేస్తూ ఎప్పటిప్పుడు మరిన్ని మార్పులు చేస్తున్నారు. (ప్రతీకాత్మక చిత్రం)

తాజాగా కొత్త గ్యాస్ కనెక్షన్ కోసం డిస్ట్రిబ్యూటర్ దగ్గరకు వెళ్లకుండానే కేవలం మిస్డ్ కాల్ ఇస్తే చాలు. గ్యాస్ కనెక్షన్ కావాలనుకునే వారు 8454955555 నంబర్‌కు మిస్డ్ కాల్ ఇస్తే కంపెనీనే వారిని సంప్రదిస్తుందని ఇండియన్ ఆయిల్ కార్పొరేషన్ లిమిటెడ్(ఐవోసీఎల్) పేర్కొంది.(ప్రతీకాత్మక చిత్రం)

వారి నుంచి ఆధార్ లేదా ఇతర అడ్రస్ ప్రూవ్ తీసుకుని గ్యాస్ కనెక్షన్ ఇస్తామని వెల్లడించింది. ఇదే నంబర్‌తో గ్యాస్ రీఫిల్లింగ్ కూడా చేసుకోవచ్చని పేర్కొంది.(ప్రతీకాత్మక చిత్రం)

ఇందుకోసం రిజిస్టర్డ్ మొబైల్ నంబర్ ద్వారా ఫోన్ కాల్ చేస్తే సరిపోతుందని వెల్లడించింది. కుటుంబంలో ఎవరికైనా గ్యాస్ కనెక్షన్ ఉంటే.. కొత్త కనెక్షన్ కోసం ఈ కనెక్షన్‌ను అడ్రస్ ప్రూఫ్‌గా వాడుకోవచ్చని సూచించింది.(ప్రతీకాత్మక చిత్రం)

ఇందుకోసం ఏజెన్సీకి వెళ్లి సంబంధిత డాక్యుమెంట్లు చూపిస్తే సరిపోతుందని వివరించింది. ఇక ఐవోసీ కస్టమర్లు ఐదు కేజీల సిలిండర్లు తీసుకునే సర్వీసును దేశవ్యాప్తంగా అమలు చేస్తున్నట్టు కంపెనీ పేర్కొంది.(ప్రతీకాత్మక చిత్రం)