Bank FDs: టాక్స్​ సేవింగ్స్ ఫిక్స్​డ్​ డిపాజిట్లపై అధిక వడ్డీని అందిస్తున్న టాప్​ 5 బ్యాంకులు.. వడ్డీ రేట్లను పరిశీలించండి..

భారతీయులు పొదుపు పట్ల ఎక్కువ ఆసక్తి కనబరుస్తారు. తమ సంపాదనలో కొంత మేర వివిధ పెట్టుబడి మార్గాల్లో ఇన్వెస్ట్​ చేసేందుకు మొగ్గుచూపుతారు. అందుకే, నష్ట భయం లేని పెట్టుబడి మార్గంగా పేరొందిన ఫిక్స్‌డ్ డిపాజిట్ స్కీమ్‌లకు భారత్​లో ఫుల్​ డిమాండ్​ ఉంటుంది. (ప్రతీకాత్మక చిత్రం)

ఈక్విటీలు, ఇతర పెట్టుబడి సాధనాలతో పోల్చితే ఫిక్స్​డ్​ డిపాజిట్ల ద్వారా రాబడికి హామీ ఉంటుంది. అంతేకాదు, దీనిపై వచ్చే రాబడికి పన్ను మినహాయింపు సైతం లభిస్తుంది. ఆదాయపు పన్ను చట్టం, 1961లోని సెక్షన్ 80C కింద పన్ను ప్రయోజనాలు లభిస్తాయి.   (ప్రతీకాత్మక చిత్రం)

ఒక ఆర్థిక సంవత్సరంలో గరిష్టంగా రూ. 1.5 లక్షల వరకు పన్ను మినహాయింపును క్లెయిమ్ చేయవచ్చు. ఈ ఎఫ్​డీలు కనీసం 5 సంవత్సరాల లాక్-ఇన్ పీరియడ్‌ను కలిగి ఉంటాయి. ఒకవేళ, పెట్టుబడి ఉమ్మడిగా చేసినట్లయితే, మొదటి హోల్డర్ మాత్రమే పన్ను ప్రయోజనాలు పొందుతాడు. (ప్రతీకాత్మక చిత్రం)

 ప్రస్తుతం, దాదాపు అన్ని ప్రభుత్వ, ప్రైవేటు బ్యాంకులు ఫిక్స్​డ్​ డిపాజిట్లపై ఆకర్షణీయమైన వడ్డీ రేట్లను ఆఫర్​ చేస్తున్నాయి. అధిక వడ్డీ అందిస్తున్న టాప్​ 5 బ్యాంకులను పరిశీలిద్దాం. (ప్రతీకాత్మక చిత్రం)

 ఇండస్ఇండ్ బ్యాంక్
ఇండస్​ఇండ్​ బ్యాంక్ 5 సంవత్సరాల వ్యవధి గల పెట్టుబడులపై 6.5 శాతం వడ్డీ రేటును అందిస్తుంది. అయితే, సీనియర్ సిటిజన్లు ఈ స్కీమ్​పై అదనంగా 0.5 శాతం రాబడిని పొందుతారు. (ప్రతీకాత్మక చిత్రం)

RBL Bank: 2 నుండి 3 సంవత్సరాల ఎఫ్​డీలపై ఆర్​బీఎల్​ బ్యాంక్ అత్యధికంగా 6.5 శాతం రాబడిని అందిస్తుంది. అయితే, టాక్స్​ సేవింగ్​ డిపాజిట్లపై 6.3 శాతం వడ్డీ మాత్రమే అందిస్తుంది. సీనియర్ సిటిజన్లు టాక్స్​సేవింగ్స్​ ఎఫ్​డీలపై 6.8 రాబడిని పొందుతారు. (ప్రతీకాత్మక చిత్రం)

ఐడీఎఫ్​సీ బ్యాంక్​
రూ. 2 కోట్ల లోపు గల ట్యాక్స్​ సేవర్​ డిపాజిట్లపై ఐడిఎఫ్‌సి ఫస్ట్ బ్యాంక్ 6.25 శాతం వడ్డీ రేటును అందిస్తుంది. సీనియర్ సిటిజన్లకు అదనంగా 0.5 శాతం వడ్డీ అందజేస్తుంది.  (image: IDFC First Bank)

డీసీబీ బ్యాంక్.. డీసీబీ బ్యాంక్ ట్యాక్స్​ సేవర్​ ఎఫ్​డీ స్కీమ్​లపై 5.95 శాతం వడ్డీ రేటును అందిస్తుంది. ఇన్వెస్టర్లు తమ పెట్టుబడిపై సంపాదించిన వడ్డీని ప్రతి మూడు నెలలకోసారి పొందవచ్చు.

కరూర్​ వైశ్యా బ్యాంక్ కరూర్​ వైశ్యా బ్యాంక్ రూ. 2 కోట్లలోపు టాక్స్​ సేవర్ డిపాజిట్లపై 5.9 శాతం రాబడిని అందిస్తుంది. సీనియర్​ సిటిజన్లకు సైతం ఇదే వడ్డీ రేట్లను అమలు చేస్తుంది. కాబట్టి, మీ వద్ద నగదు ఉంటే.. మీరు ఈ టాక్స్​ సేవింగ్స్​ డిపాజిట్లను ఎంచుకోండి.  మరిన్ని వివరాల కోసం కస్టమర్లు సంబంధిత బ్యాంకుల వెబ్‌సైట్లను సందర్శించి వివరాలు చెక్ చేసుకోవడం మంచిది. (ప్రతీకాత్మక చిత్రం)