Aadhaar Card: ఆధార్ కార్డ్‌లో మీ ఫోటో మార్చుకోవాలా..? ఈ స్టెప్స్ ఫాలో అవ్వండి..!

ఇప్పుడు వివిధ రకాల పనుల కోసం ఆధార్‌ కార్డ్ (Aadhaar Card) తప్పనిసరిగా అవసరంగా మారింది. ఆధార్ లేకపోతే చాలా పనులు జరగడం లేదు. కొత్త సిమ్ తీసుకోవడం నుంచి ప్రభుత్వ పథకాలకు అప్లై చేసుకోవడం వరకు.. ప్రతి అవసరానికి ఇది తప్పనిసరిగా ఉండాలి.

ఒక్క మాటలో చెప్పాలంటే ఆధార్ ఉంటేనే అన్ని పనులు సాఫీగా జరుగుతాయి. ఈ కార్డులో తమ ఫోటో సరిగా లేదని చాలామంది భావిస్తారు. అయితే లబ్ధిదారులు సింపుల్‌గా ఆధార్‌లో తమ ఫోటోను మార్చుకోవచ్చు. అదెలాగో తెలుసుకోండి.

* ఫోటో మార్చుకోవడం ఎలా? : 12 అంకెల ఆధార్‌ కార్డులో ఫొటో బాగాలేదని చాలా మంది అసంతృప్తి వ్యక్తం చేస్తుంటారు. ఇలాంటి వారి కోసం UIDAI ఒక పరిష్కార మార్గం సూచించింది. ఆధార్‌ కార్డ్ హోల్డర్లు తమ సమీపంలోని ఆధార్ ఎన్‌రోల్‌మెంట్ సెంటర్ వద్ద ఆధార్ ఫోటోను అప్‌డేట్ చేసుకోవచ్చని పేర్కొంది.

అంతకంటే ముందుగా ఆన్‌లైన్‌లో ఆధార్ ఎన్‌రోల్‌మెంట్ ఫారమ్‌ను డౌన్‌లోడ్ చేసి నింపాలి. తర్వాత సమీపంలోని ఆధార్ ఎన్‌రోల్‌మెంట్ సెంటర్‌లో దీన్ని సమర్పించాల్సి ఉంటుంది.

* ప్రాసెస్ ఇదే.. : ముందు UIDAI అధికారిక వైబ్‌సైట్ uidai.gov.inను విజిట్ చేయాలి. అప్‌డేట్ ఆధార్ అనే ఆప్షన్‌పై క్లిక్ చేయాలి. దీంతో కొత్త పేజీ ఓపెన్ అవుతుంది.

అక్కడ ఆధార్ ఎన్‌రోల్‌మెంట్ ఫారమ్‌ డౌన్‌లోడ్ ఆప్షన్‌పై క్లిక్ చేస్తే డౌన్‌లోడ్ అవుతుంది. అవసరమైన వివరాలతో దాన్ని ఫిల్ చేయండి. ఆ ఫారమ్‌ను సమీపంలోని ఆధార్ ఎన్‌రోల్‌మెంట్ సెంటర్‌లో సమర్పించండి.

తర్వాత ఆధార్ ఎగ్జిక్యూటివ్ బయోమెట్రిక్ వెరిఫికేషన్ ద్వారా అన్ని వివరాలను నిర్ధారిస్తారు. అనంతరం మీ ‌కార్డ్‌లో అప్‌డేట్ చేయడానికి కొత్త ఫోటో తీస్తారు.

దీనికి మీరు రూ.100 ఫీజు+జీఎస్టీ చెల్లించాల్సి ఉంటుంది. ఆ తరువాత ఆధార్ ఎగ్జిక్యూటివ్ మీకు రసీదు స్లిప్, అప్‌డేట్ రిక్వెస్ట్ నంబర్ (URN) అందజేస్తారు. అనంతరం 90 రోజుల్లో అన్ని వివరాలు ఆధార్‌లో అప్‌డేట్ అవుతాయి.

UIDAI అధికారిక వెబ్‌సైట్‌ ద్వారా URN నంబర్‌ను ఉపయోగించి మీ తాజా ఆధార్ కార్డ్ స్టేటస్‌ను కూడా ట్రాక్ చేయవచ్చు. అప్‌డేట్ అయిన తర్వాత, కొత్త కాపీని పోర్టల్ నుంచి డౌన్‌లోడ్ చేసుకోవచ్చు.

* ముఖ్యమైన డాక్యుమెంట్ : ప్రతి భారత పౌరుడికి కేంద్ర ప్రభుత్వం 12 అంకెల ప్రత్యేక గుర్తింపు సంఖ్యతో ఆధార్‌ను జారీ చేసింది. అత్యంత ముఖ్యమైన ఐడెంటిటీ ప్రూఫ్ డాక్యుమెంట్స్‌లో ఇది ఒకటి. బ్యాంకింగ్ కార్యకలాపాలు మొదలుకొని ఆన్‌లైన్ లావాదేవీలు, ప్రభుత్వ పథకాల వరకు ఆధార్ కార్డ్ చాలా ముఖ్యమైన డాక్యుమెంట్. ఆధార్‌లో కార్డ్‌హోల్డర్ డెమోగ్రాఫిక్, బయోమెట్రిక్ డేటా ఉంటుంది. ప్రభుత్వం అందించే ప్రయోజనాలను పొందాలంటే ఆధార్ తప్పనిసరిగా ఉండాలి.