Home Loan Rates: లోన్ తీసుకొని ఇల్లు కొనాలనుకుంటున్నారా? ఈ 5 బ్యాంకుల్లో చౌక వడ్డీకే రుణాలు!

Home Loan Interest Rates | సొంతింటి కల సాకారం చేసుకోవాలని భావిస్తున్నారా? అయితే మీకు శుభవార్త. ప్రస్తుతం పలు బ్యాంకుల్లో తక్కువ వడ్డీ రేటుకే హోమ్ లోన్స్ లభిస్తున్నాయి. మీరు లోన్ తీసుకొని ఇల్లు కొనుగోలు చేయాలని భావిస్తే.. ఏ ఏ బ్యాంకుల్లో చౌక వడ్డీకే రుణాలు లభిస్తున్నాయో తెలుసుకోవాలి.

ఆర్‌బీఐ రెపో రేటు పెంపు నేపథ్యంలో బ్యాంకులు కూడా ఆ ప్రభావాన్ని కస్టమర్లకు బదిలీ చేస్తున్నాయి. ఇప్పటికే పలు బ్యాంకులు హోమ్ లోన్స్‌పై రుణ రేట్లు పెంచేశాయి. అంతేకాకుండా రానున్న రోజుల్లో రెపో రేటు పెరిగే అవకాశం ఉందని నిపుణులు పేర్కొంటున్నారు. అంటే రుణ రేట్లు మళ్లీ పైకి కదలొచ్చు.

అంటే రానున్న రోజుల్లో హోమ్ లోన్స్‌పై కూడా రుణ రేట్లు పైకి చేరనున్నాయి. అందువల్ల సొంత ఇల్లు కల నెరవేర్చుకోవాలని భావించే వారు ఇప్పుడే తక్కువ వడ్డీ రేటుకు బ్యాంక్ నుంచి లోన్ తీసుకోవచ్చు. రీసెట్ డేట్ నుంచి హోమ్ లోన్ వడ్డీ రేట్లు పెరుగుతాయి.

ఈ క్రమంలో ప్రస్తుతం మార్కెట్లో తక్కువ వడ్డీ రేటుకే హోమ్ లోన్స్ అందిస్తున్న టాప్ 5 బ్యాంకులు ఏంటివో ఇప్పుడు తెలుసుకుందాం. వీటిల్లో కరూర్ వైశ్యా బ్యాంక్ కూడా ఉంది. ఈ బ్యాంక్‌లో ఆర్ఎల్ఎల్ఆర్ 9 శాతంగా ఉంది. కనీస వడ్డీ రేటు 8.05 శాతంగా ఉంది. గరిష్ట వడ్డీ రేటు 10.25 శాతం.

ప్రైవేట్ రంగ దిగ్గజ బ్యాంకుల్లో ఒకటైన హెచ్‌డీఎఫ్‌సీ బ్యాంక్‌లో ఆర్ఎల్ఎల్ఆర్ 8.1 శాతంగా ఉంది. అలాగే కనీస వడ్డీ రేటు కూడా 8.1 శాతంగా కొనసాగుతోంది. గరిష్ట వడ్డీ రేటు 8.9 శాతంగా ఉంది.

కర్నాటక బ్యాంక్‌లో ఆర్‌ఎల్ఎల్ఆర్ 7.95 శాతంగా ఉంది. ఈ బ్యాంక్‌లో కనీస వడ్డీ రేటు 8.24 శాతంగా కొనసాగుతోంది. ఇక గరిష్ట వడ్డీ రేటు 9.59 శాతంగా ఉందని చెప్పుకోవచ్చు.

అలాగే యూనియన్ బ్యాంక్ ఆఫ్ ఇండియాలో హోమ్ లోన్ రేట్లను గమనిస్తే.. ఆర్ఎల్ఎల్ఆర్ 8.7 శాతంగా ఉంది. కనీస వడ్డీ రేటు 8.25 శాతంగా ఉంది. ఇక గరిష్ట వడ్డీ రేటు 10.1 శాతంగా కొనసాగుతోంది.

ఇక బ్యాంక్ ఆఫ్ మహరాష్ట్రలో కూడా తక్కువ వడ్డీకే రుణాలు పొందొచ్చు. ఇందులో కూడా ఆర్ఎల్ఎల్ఆర్ 8.7 శాతంగా కొనసాగుతోంది. కనీస వడ్డీ రేటు 8.3 శాతంగా ఉంది. ఇక గరిష్ట వడ్డీ రేటు9.7 శాతంగా కొనసాగుతూ వస్తోంది.

కాగా ఈ రేట్లు నవంబర్ 3 నాటికి ఉన్నాయి. కనీస వడ్డీ రేటుకు బ్యాంకులు రిస్క్ ప్రీమియం జత చేసి వడ్డీని వసూలు చేస్తాయి. హోమ్ లోన్ పొందాలని భావించే వారు ఆన్‌లైన్ కూడా అప్లై చేసుకోవచ్చు. లేదంటే బ్యాంక్ బ్రాంచ్‌కు వెళ్లి పని పూర్తి చేసుకోవచ్చు.