Ugadi 2023: మకర రాశి వారికి ఈ ఉగాది సంవత్సరం ఎలా ఉండనుంది? మితిమీరిన ఔదార్యం వద్దు..

వివిధ రాశులకు సంబంధించి శ్రీ శోభకృత్ నామ సంవత్సర ఉగాది ఫలితాలను ఇక్కడ అందజేస్తున్నాం. ప్రధానగ్రహాలైన శనీశ్వరుడు, గురువు, రాహువు, కేతువుల స్థితిగతులను బట్టి ఇతర గ్రహాల సంచారాన్ని బట్టి ఈ రాశుల ఫలితాలను చెప్పడం జరుగుతోంది.

అయితే, వ్యక్తిగత జాతక చక్రాలను ఆధారం చేసుకుని ఫలితాలను నిర్ధారించుకోవాల్సి ఉంటుంది. వ్యక్తిగత జాతక చక్రాలలో గ్రహాల స్థితిగతులు ప్రధాన పాత్ర పోషిస్తున్నప్పటికీ గ్రహ సంచారానికి కూడా అత్యంత ప్రాధాన్యం ఉంటుందని గమనించాలి.

ఈ రాశి వారికి ఈ ఏడాదంతా శని గురు గ్రహాలు అనుకూలంగా ఉన్నందువల్ల ఆదాయం పెరిగి అవసరాలు తీరటం జరుగుతుంది. ముఖ్యంగా ఆర్థిక సమస్యలు చాలా వరకు తగ్గు ముఖం పడతాయి. అదనపు ఆదాయ మార్గాలు అందుబాటులోకి వస్తాయి. (ప్రతీకాత్మక చిత్రం Image credit unsplash)

ఉద్యోగ పరంగా ఒత్తిడి ఉన్నప్పటికీ శుభ ఫలితాలు అనుభవానికి వస్తాయి. అధికార యోగానికి అవకాశం ఉంది. మంచి ఉద్యోగంలోకి మారడానికి కూడా అవకాశం ఉంది. కుటుంబ పరంగా ఒకటి రెండు సమస్యల నుంచి బయటపడటం జరుగుతుంది. వృత్తి వ్యాపారాల వారు లాభాలపరంగా ముందుకు వెళతారు. పిల్లలు అభివృద్ధిలోకి వస్తారు. నిరుద్యోగ సమస్య పరిష్కారం అవుతుంది. (ప్రతీకాత్మక చిత్రం Image credit unsplash)

అనుకూల సమయం: ఈ రాశి వారికి ఈ ఏడాదంతా అనుకూలంగానే ఉంటుంది. అయితే మే నెల నుంచి అక్టోబర్ వరకు అదృష్టం కలిసి వస్తుంది. సంపాదన తిరుగుతుంది. మనసులోని కోరికలు నెరవేరుతాయి. (ప్రతీకాత్మక చిత్రం Image credit unsplash)

ఐటి రంగంలోని వారికి విదేశాల నుంచి ఆఫర్లు అందుతాయి. కుటుంబంలో శుభకార్యాలు జరుగుతాయి. శుభవార్తలు వింటారు. (ప్రతీకాత్మక చిత్రం Image credit unsplash)

అనవసర ఖర్చులు తగ్గించుకొని పొదుపు పాటించడం వల్ల లాభాలు పొందుతారు. ఇప్పుడు తీసుకునే నిర్ణయాలు భవిష్యత్తులో సత్ఫలితాలను ఇస్తాయి. ఆర్థిక లావాదేవీలకు దూరంగా ఉండటం మంచిది. (ప్రతీకాత్మక చిత్రం Image credit unsplash)

ముఖ్యమైన పరిహారాలు : మితిమీరిన ఔదార్యంతో ఆర్థికంగా నష్టపోతారు. స్నేహితులెవరో, శత్రువులు ఎవరో గుర్తించడం మంచిది. (ప్రతీకాత్మక చిత్రం Image credit unsplash)

స్నేహం ముసుగులో కొందరు మోసగించే అవకాశం ఉంది. ప్రతి వ్యవహారంలోనూ ఆచితూచి అడుగు వేయడం మంచిది. ఇష్ట దైవాన్ని మరింత శ్రద్ధగా ఆరాధించడం వల్ల సత్ఫలితాలను ఎక్కువగా పొందగలుగుతారు. (ప్రతీకాత్మక చిత్రం Image credit unsplash)

Disclaimer: ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.