Horoscope Today: నవంబర్ 29 రాశిఫలాలు.. కొన్ని రాశుల వారికి సమస్యలు పరిష్కారం అవుతాయి.. వీరితో జాగ్రత్త..

Horoscope today 29-November-2021: ఎప్పుడు ఏం జరుగుతుందో .. భవిష్యత్ ఎలా ఉంటుందో..ఊహించడం కష్టం. కానీ రాశి ఫలాల ద్వారా కొంత వరకు తెలుసుకోవచ్చు. గ్రహాలు, నక్షత్రాలు,  తిథి ఆధారంగా జ్యోతిష పండితులు రాశి ఫలాలను అందిస్తారు. మరి నేడు ఎవరికి ఎలా ఉందో ఇక్కడ తెలుసుకుందాం.

మేష రాశి (Aries): గురు బలం ఉన్నందువల్ల ఆర్థికస్థితి క్రమంగా మెరుగవుతుంది. వృత్తిలో ఒత్తిడి ఉన్నా ఫలితం ఉంటుంది. ఉద్యోగ, వ్యాపారాల్లో కలిసి వస్తుంది. ఖర్చులు పెరగకుండా చూసుకోవాలి. గతంలో తీసుకున్న నిర్ణయాలు సత్ఫలితాలనిస్తాయి. తల పెట్టిన పనులు చాలావరకు పూర్తి చేస్తారు. కుటుంబ సభ్యుల సలహాలు పాటించండి.

వృషభ రాశి (Taurus): అనుకోకుండా ఒక ముఖ్యమైన వ్యక్తిగత సమస్య పరిష్కారం అవుతుంది. మానసిక ప్రశాంతత లభిస్తుంది. ఉద్యోగ ప్రయత్నాల్లో విజయం చేకూరుతుంది. సొంత నిర్ణయాలు మేలు చేస్తాయి. అన్నిటా సానుకూల వాతావరణం నెలకొని ఉంది. వ్యాపారంలో మోసపోయే ప్రమాదం ఉంది. పెళ్లి సంబంధం ఖాయమవుతుంది.

మిథున రాశి (Gemini): ఉద్యోగానికి సంబంధించి ఎంతో కాలంగా ఎదురు చూస్తున్న శుభవార్త వింటారు. ఆదాయం పెరిగే అవకాశం ఉంది. ప్రభుత్వపరంగా మేలు జరుగుతుంది. ముఖ్యమైన పనులు పూర్తి చేస్తారు. ఇప్పుడు తీసుకునే నిర్ణయాలు భవిష్యత్తులో సత్ఫలితాలను ఇస్తాయి. వృత్తి, ఉద్యోగ, వ్యాపారాల్లో విజయాలు అనుభవానికి వస్తాయి.

కర్కాటక రాశి (Cancer): కుటుంబ సమస్యలకు సంబంధించి ధైర్యంగా నిర్ణయాలు తీసుకుంటారు. ఉద్యోగంలోనూ, వ్యాపారం లోనూ బాగా ఒత్తిడి ఉంటుంది. ఆర్థికస్థితి మెరుగ్గా ఉంటుంది. వ్యాపారంలో శ్రమకు తగ్గ ప్రతిఫలం ఉంటుంది. బంధువులతో అపార్థాలకు అవకాశం ఇవ్వవద్దు. ఆర్థికంగా ప్రయోజనం పొందుతారు. ఆరోగ్యం పరవాలేదు.

సింహ రాశి (Leo): ఆర్థిక పరిస్థితి నిలకడగా ఉంటుంది. నిరుద్యోగులకు ఉద్యోగం లభించే అవకాశం ఉంది. ఓ వ్యక్తిగత సమస్య పరిష్కారం అవుతుంది. గతంలో తీసుకున్న కొన్ని నిర్ణయాలు సత్ఫలితాలనిస్తాయి. ఉద్యోగ బాధ్యతలను సమర్థవంతంగా నిర్వహిస్తారు. వ్యాపారులకు సమయం అనుకూలంగా ఉంది. ఆరోగ్యం విషయంలో జాగ్రత్త.

కన్య రాశి (Virgo): ఆర్థికస్థితి మెరుగుపడుతుంది. ఉద్యోగంలో సమర్థవంతంగా పని చేస్తారు. అధికార యోగానికి అవకాశం ఉంది. అవసరాలకు ధనం లభిస్తుంది. సమాజంలో గౌరవ మర్యాదలు పెరుగుతాయి. నమ్మించి మోసగించేవారితో జాగ్రత్త. ఖర్చులు పెరగకుండా చూసుకోవాలి. మిత్రుల సహాయంతో ముఖ్యమైన పనులు పూర్తి చేస్తారు.

తుల రాశి (Libra): ఉద్యోగంలో ప్రశాంత వాతావరణం నెలకొంటుంది. ఆర్థికంగా శుభ ఫలితాలున్నాయి. వ్యాపారంలో శ్రద్ధ అవసరం. సొంత నిర్ణయాల వల్ల మేలు జరుగుతుంది. కుటుంబపరంగా సమస్యలున్నా ధైర్యంగా ఎదుర్కొంటారు. మిత్రులతో ఆనందంగా గడుపుతారు. ప్రారంభించిన పనుల్లో పురోగతి ఉంటుంది. ఆరోగ్యం పరవాలేదు.

వృశ్చిక రాశి (Scorpio): ఉద్యోగ, వివాహపరంగా మీరు చేస్తున్న ప్రయత్నాలు సఫలమవుతాయి. ముఖ్యమైన పనులు పూర్తవుతాయి. ఉద్యోగంలో అధికారుల సహాయ సహకారాలు లభిస్తాయి. దగ్గరి బంధువులతో ఆనందంగా గడుపుతారు. వ్యాపారపరంగా శ్రమ ఎక్కువవుతుంది. పలుకుబడి పెరుగుతుంది. ప్రస్తుతానికి ఎవరికీ హామీలు ఉండొద్దు.

ధనస్సు రాశి (Sagittarius): ఉద్యోగంలో అధికారుల ప్రోత్సాహం లభిస్తుంది. పట్టుదలతో పనులు పూర్తి చేస్తారు. వ్యాపారంలో, ఆర్థిక వ్యవహారాల్లో జాగ్రత్త అవసరం. ఇంటి సమస్యలకు పరిష్కారం దొరుకుతుంది. ఇంటా బయటా బాధ్యతలను సమర్థవంతంగా పూర్తి చేస్తారు. అందరికీ మేలు జరిగే పనులు చేస్తారు. మానసిక ప్రశాంతత చేకూరుతుంది.

మకర రాశి (Capricorn): అదృష్ట యోగం ఉంది. తలచిన పనులు పూర్తవుతాయి. ఉద్యోగ సమస్యలు పరిష్కారమవుతాయి. ఇంటా బయటా శుభమే జరుగుతుంది. వృత్తి, వ్యాపారాల్లో ఆశించిన స్థాయిలో అభివృద్ధి ఉంటుంది. కుటుంబ సభ్యుల సహాయ సహకారాలు అందుతాయి. వివాదాలకు ఇది సమయం కాదు. విద్యార్థులు కష్టపడాల్సి ఉంది.

కుంభ రాశి (Aquarius): ఆర్థికపరంగా అనుకూలమైన సమయం ఇది. ముఖ్యమైన పనుల్లో శ్రద్ధ పెంచాలి. అవరోధాలు, ఆటంకాలు తొలగుతాయి. భాగస్వామ్యం కలిసి వస్తుంది. ఉద్యోగంలో ఇబ్బందులు ఎదురవుతాయి. వ్యాపారంలో లాభాలు ఆర్జిస్తారు. ఆరోగ్యం కాపాడుకోవాలి. పని ఒత్తిడి ఉంటుంది. చెడు ఆలోచనలను దగ్గరకి రానివ్వవద్దు.

మీన రాశి (Pisces): ఉద్యోగపరంగా మంచి సమాచారం అందుకుంటారు. ఒక కుటుంబ సమస్య నుంచి బయటపడతారు. సుఖసంతోషాలతో గడుపుతారు. ఆరోగ్యం మీద కాస్తంత శ్రద్ధ పెంచాలి. పేరు ప్రతిష్ఠలు పెరుగుతాయి. వ్యాపారంలో లాభాలు నిలకడగా ముందుకు సాగుతాయి. సన్నిహితులు, మిత్రుల సహాయ సహకారాలు తీసుకోండి.