Karthika Pournami: నేడు కార్తీక పౌర్ణమి... శివాలయంలో ఎమ్మెల్సీ కవిత పూజలు

Karthika Pournami: కార్తీక మాసంలో మూడో సోమవారం, కార్తీక పౌర్ణమి, గురునానక్ జయంతి, రాస పౌర్ణమి, చంద్ర గ్రహణ దినం... ఇలా నేటి సోమవారానికి ఎన్నో ప్రత్యేకతలున్నాయి. పురాణాల్లో నేటి రోజును ఎంతో విశిష్టమైన రోజుగా చెప్పారు. పండితులు కూడా ఇవాళ గంగలో స్నానాలు చేసినా, శివ పూజలు చేసినా ఎంతో పుణ్యఫలం దక్కుతుందని చెబుతున్నారు.

కార్తీక పౌర్ణమిని పురస్కరించుకొని టీఆర్‌ఎస్ ఎమ్మెల్సీ కల్వకుంట్ల కవిత బంజారాహిల్స్‌లోని శివాలయంలో ప్రత్యేక పూజలు చేశారు. గత కొన్ని సంవత్సరాల నుంచి కార్తీక పౌర్ణమి రోజున ప్రత్యేక పూజలు చేస్తున్నట్లు కవిత తెలిపారు. ఈ ఏడాది కూడా ఆ శివుడి దయ వల్ల ఇక్కడ అభిషేకం చేయడం జరిగిందన్నారు.

నేడు తెలుగు రాష్ట్రాలతోపాటూ... దేశవ్యాప్తంగా శైవ క్షేత్రాలు శివనామస్మరణతో మార్మోగుతున్నాయి. ఓం నమఃశివాయ అంటూ భక్తులు... ఆలయాల్లో ముక్కంటిని దర్శించుకొని... ప్రదక్షిణలు చేసి... పుణ్య ఫలాలను పొందుతున్నారు.