Bhakti: ఇంట్లో ఎన్ని శివలింగాలు ఉండాలి?

శివలింగానికి పూజ చేయాలని చాలా మందికి ఉంటుంది. ఇంట్లో శివలింగాలను ప్రతిష్టించుకోవడం చాలా మందికి ఇష్టం. ఐతే... శివలింగంతోపాటూ... కొన్ని నియమనిష్టలు తప్పక పాటించాలి. ఒకేసారి పూజలో ఎన్ని శివలింగాలు ఉంచాలనే అంశంపైనా నియమాలు ఉన్నాయి. (Photo collected)

పండితుల ప్రకారం... ఇంట్లో ఒకసారి ఒక పూజ సమయంలో ఒకటి కంటే ఎక్కువ శివలింగాలు ఉండకూడదు. ఒకటి కంటే ఎక్కువ ఉంటే... ఆ పూజా విధానంలో విఘ్నాలు కలుగుతూ ఉంటాయి. (Photo collected)

మీరు పూజ చేస్తున్నకొద్దీ సమస్యలు పెరుగుతూ ఉంటాయి. అందువల్ల ఇంట్లోని పూజ గదిలో ఒకే శివలింగం ఉంచి.. రోజూ దానికే పూజ చేసుకోవడం వల్ల అన్ని విధాలా మేలు. (Photo collected)

మీరు శివలింగం ఎప్పుడూ దక్షిణం వైపు చూస్తున్నట్లు ఉంచాలి. తద్వారా మీకు కలిగిన నష్టాలు, కష్టాలూ తొలగిపోతూ... అదృష్టం కలిసొస్తుందని పండితులు చెబుతున్నారు. (Photo collected)

మీరు ఇంట్లో ఎట్టి పరిస్థితుల్లో తెల్లటి శివలింగం తెచ్చుకోకూడదు. ఎందుకంటే తెల్ల శివలింగాన్ని మహిళలు ముట్టుకోకూడదు. అందువల్ల మీరు ఎప్పుడూ ఇంట్లో తెలుపు శివలింగాన్ని ప్రతిష్టించవద్దు

కొంత మంది ఇంట్లోని ప్రతి గదిలో మహేశ్వరుడి ఫొటోలు పెట్టుకుంటారు. అలా చేయవద్దు. ఒకే ఒక్క ఫొటో పెట్టి... దానికి మాత్రమే పూజ చేయడం మేలు. ఎక్కువ ఫొటోలు ఉండి, వాటికి పూజలు చేయకపోతే నెగెటివ్ ఫలితాలు వస్తాయని పండితులు చెబుతున్నారు.

ఇంట్లో శివలింగాన్ని ఎక్కడ ఉంచాలనే డౌట్ చాలా మందికి ఉంటుంది. ఇంట్లోని ఈశాన్య ప్రదేశంలో శివలింగాన్ని ఉంచాలి. తద్వారా త్రినేత్రుడి కరుణ ఆ కుటుంబంపై ఉంటుంది. దీని వల్ల మీరు భయపడే అంశాల నుంచి బయటపడతారు. ఆర్థిక లాభాలు కలుగుతాయి. మహాదేవుడి ఫొటోలు, విగ్రహాల్ని ఎప్పుడూ నేలపై ఉంచకూడదు. శుభ్రమైన నేలపై తెల్లటి వస్త్రం పరచి... దానిపై మాత్రమే ఉంచాలి.

మీరు ఇంట్లో రెండు శివలింగాలు ఉంచుకొని... ఒకటి పూజిస్తూ, మరొకటి మర్చిపోతే... మీరు నిజమైన భక్తులే అయినప్పటికీ... మీ భక్తి వల్ల ఎలాంటి ప్రయోజనమూ కలగదని పండితులు చెబుతున్నారు.

బిళ్హపత్రాలు లేదా బిళ్హ ఆకులంటే ముక్కంటికి చాలా ఇష్టం. మీరు పూజ చేసేటప్పుడు వాటిని కంటిన్యూగా స్వామి లేదా శివలింగం పై నుంచి వేస్తూనే ఉండండి. అలా ఆ ఆకులు పడుతూ ఉంటే... స్వామి ఎంతో సంతోషిస్తారు. 24 గంటలూ ఆకులు పడేలా ఏర్పాటు ఉంటే... ఇక స్వామి ఆనందానికి అవధులు ఉండవు.

పురాణాల ప్రకారం... శివలింగంను ఇంట్లో ఉంచి పూజిస్తే... ఆ ఇంటి యజమానికి ఎక్కువ ప్రయోజనాలు కలుగుతాయి. ఇంట్లోని సభ్యులందరి మనసులూ, మెదళ్లూ ప్రశాంతంగా ఉంటాయి. కోపం పోతుంది. కుటుంబంలో అంతా కలిసి ఉంటారు. ఇంట్లోని నటరాజస్వామి విగ్రహం ఉంటే దానికి కచ్చితంగా పూజలు చెయ్యాలి. లేదంటే ఏదైనా ఆలయంలోనో, మరెవరికైనా ఇచ్చేయడం మేలు. పూజించకుండా ఇంట్లో ఉంచుకుంటే కీడు జరిగే ప్రమాదం ఉంటుంది.

శివలింగానికి మీరు ప్రతి రోజూ నెయ్యితో పూజ చెయ్యాల్సి ఉంటుంది. ఎందుకంటే మహదేవుడికి నెయ్యి అంటే అమితమైన ఇష్టం. ప్రతి సోమవారం మీరు శివ పూజ పూర్తయ్యేవరకూ ఉపవాసం ఉండాల్సి ఉంటుంది. అలాగే పూజ చేస్తున్నప్పుడు పాలతో శివలింగానికి అభిషేకం చెయ్యాలి. శివలింగం పై నుంచి పాలను పొయ్యాలి. తద్వారా స్వామి కృపకు మీరు పాత్రులవుతారు.