Horoscope Today : ఫిబ్రవరి 6 రాశిఫలాలు .. వీరు శుభవార్త వింటారు

Horoscope today : రాశి ఫలాలు ప్రతి రోజూ మారిపోతూ ఉంటాయి. ఒక్కో రోజు ఒక్కో రాశి వారికి కలిసొస్తుంది. మరికొందరికి ఇబ్బందులు తలెత్తుతాయి. ఏ రాశి వారికి ఇవాళ ఎలా ఉందో ముందే తెలుసుకుంటే.. ఏవైనా సమస్యలు ఉన్నట్లు అనిపిస్తే.. జాగ్రత్త పడవచ్చు. మరి ఈ రోజు (ఫిబ్రవరి 6, 2023 సోమవారం) రాశి ఫలాలు ఎలా ఉన్నాయో.. జ్యోతిష పండితులు ఏం సూచించారో తెలుసుకుందాం.

మేష రాశి (Aries) : ఉద్యోగంలో మంచి విజయం సాధిస్తారు. ఆత్మవిశ్వాసంతో వ్యవహరించాలి. దేనికీ అధైర్యపడవద్దు. కుటుంబం విషయంలో శుభ ఫలితాలు అనుభవానికి వస్తాయి. వ్యాపారంలో చక్కటి లాభాలు అర్జిస్తారు. ముఖ్యమైన పనిలో ఆటంకాలు తొలగుతాయి. సన్నిహితులతో మీ ఆలోచనల్ని పంచుకోవడం అన్ని విధాలా మంచిది.

వృషభ రాశి (Taurus) : కలిసొచ్చే కాలం ఇది. ఉద్యోగంలో స్థిరత్వం ఏర్పడుతుంది. ఓ వ్యక్తిగత సమస్య నుంచి బయటపడతారు. ఆదాయానికి, ఆరోగ్యానికి లోటు లేదు. తలపెట్టిన పనులు చాలావరకు పూర్తి చేస్తారు. బంధువులకు ఆర్థికంగా సహాయం చేస్తారు. వ్యాపారులకు ఆదాయం నిలకడగా ఉంటుంది. ఆరోగ్యం విషయంలో జాగ్రత్త.

మిథున రాశి (Gemini) : ఉద్యోగంలో సమస్యలు తలెత్తకుండా చూసుకోవాలి. పట్టుదలగా లక్ష్యాలు పూర్తి చేయండి. మిత్రుల సహాయంతో వ్యక్తిగత సమస్య నుంచి బయటపడతారు. ఆర్థికంగా చాలా బాగుంది. సామాజిక, సేవా కార్యక్రమాల్లో పాల్గొంటారు. రాజకీయ నాయకులతో పరిచయాలు ఏర్పడతాయి. వ్యాపారులు లాభాలు అర్జిస్తారు.

కర్కాటక రాశి (Cancer) : ఆదాయానికి తగ్గట్టుగా ఖర్చులు పెరుగుతాయి. స్వల్పంగా అనారోగ్య బాధ తప్పదు. ఉద్యోగం మారడానికి ఇది సమయం కాదు. శ్రమ మీద పనులు పూర్తవుతాయి. వ్యాపారులు పురోగతి సాధిస్తారు. స్నేహితుల మీద ఖర్చు చేస్తారు. పక్కనే ఉండి ఇబ్బందులు పెట్టే వారుంటారు. కుటుంబ సభ్యుల సలహాలు తీసుకోండి.

సింహ రాశి (Leo) : ఉద్యోగంలో అధికారుల సహకారం లభిస్తుంది. ఆగిన పనులు పూర్తవుతాయి. సమయం మీకు అనుకూలంగా ఉంది. సద్వినియోగం చేసుకోండి. అకస్మిక ధన లాభ సూచనలున్నాయి. తలచిన పనులు నెరవేరుతాయి. వివాదాలకు దూరంగా ఉండండి. వివాహ ప్రయత్నాలు ఫలిస్తాయి. ఆర్థిక లావాదేవీలు పరవాలేదు.

కన్య రాశి (Virgo) : రోజంతా ఆనందోత్సాహాలతో గడిచిపోతుంది. ఉద్యోగంలో మీ ప్రతిభకు తగిన గుర్తింపు లభిస్తుంది. తోటివారికి మీ వల్ల ప్రయోజనం చేకూరుతుంది. కుటుంబ బాధ్యతలను సమర్థవంతంగా నిర్వహిస్తారు. అనుకున్న పనులు విజయవంతంగా పూర్తవుతాయి. బంధువుల ఒత్తిడి అధికంగా ఉంటుంది. హామీలు ఉండవద్దు.

తుల రాశి (Libra) : ఆర్థికంగా బలం చేకూరుతుంది. ఉద్యోగంలో ఏకాగ్రత అవసరం. వ్యాపారంలో లాభాలున్నాయి. ఆంతరంగిక విషయాలు ఎవరితోనూ చర్చించవద్దు. కుటుంబ సహకారంతో ఒక ముఖ్యమైన సమస్య పరిష్కారమవుతుంది. మంచి పరిచయాలు ఏర్పడతాయి. వివాదాలకు దూరంగా ఉండండి. ఆరోగ్యం మెరుగ్గా ఉంటుంది.

వృశ్చిక రాశి (Scorpio) : ఉద్యోగంలో సత్ఫలితాలు సాధిస్తారు. వ్యాపారాల్లో ఒత్తిడి పెరుగుతుంది. ఆదాయానికి ఢోకా లేదు. కొత్త పరిచయాలు ఏర్పడతాయి. దూర ప్రాంతం నుంచి ఉద్యోగానికి సంబంధించిన ఆఫర్‌ వస్తుంది. సహచరుల సహాయ సహకారాలు లభిస్తాయి. ఆరోగ్యం పరవాలేదు. ఇంట్లోవారితో చర్చించి నిర్ణయాలు తీసుకోండి.

ధనస్సు రాశి (Sagittarius) : ఉద్యోగంలో శ్రద్ధ పెంచాలి. వ్యాపార బలం పెరుగుతుంది. బంధువుల్లో మీ పట్ల ఉన్న అపోహలు తొలగుతాయి. ఆరోగ్యం మెరుగుపడుతుంది. ఆశించిన స్థాయిలో ఆదాయం పెరుగుతుంది. శుభవార్త వింటారు. వ్యాపారులకు అన్ని విధాలా సమయం బాగుంది. కుటుంబ సమస్యల మీద దృష్టి పెట్టడం మంచిది.

మకర రాశి (Capricorn) : మంచి కాలం నడుస్తోంది. అనుకున్న పనులు త్వరగా పూర్తవుతాయి. ఉద్యోగంలో మంచి జరుగుతుంది. వ్యాపారంలో లాభాలు పెరుగుతాయి. భాగస్వాములు అండగా నిలబడతారు. ఆర్థిక సమస్యలను పరిష్కరించుకుంటారు. బంధువర్గంలో మంచి పెళ్లి సంబంధం కుదురుతుంది. సంతానం నుంచి శుభవార్త వింటారు.

కుంభ రాశి (Aquarius) : ఉద్యోగంలో పట్టుదలగా లక్ష్యాలు పూర్తిచేస్తారు. ధనయోగం కనిపిస్తోంది. కుటుంబ పెద్దల వల్ల మేలు చేకూరుతుంది. అధ్యాత్మికంగా సమయం గడుపుతారు. ఆదాయం నిలకడగా ఉంటుంది. రుణబాధ కొద్దిగా తగ్గుతుంది. శ్రమ మీద పనులు పూర్తవుతాయి. సహోద్యోగులు సహకరిస్తారు. ఆరోగ్యం బాగుంటుంది.

మీన రాశి (Pisces) : ధన లాభం ఉంది. శుభవార్త వింటారు. ముఖ్యమైన పనుల్ని విజయవంతంగా పూర్తిచేస్తారు. తొందరపాటు నిర్ణయాలు తీసుకోవద్దు. ఉద్యోగంలో శుభ ఫలితాలు అనుభవానికి వస్తాయి. వివాదాలకు దూరంగా ఉండండి. నిరుద్యోగులకు మంచి ఆఫర్‌ వస్తుంది. ఆరోగ్యం విషయంలో జాగ్రత్త. ఖర్చులకు కళ్లెం వేయాలి.

Disclaimer: ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.