Chaitra Navratri: గుడి తెరిచినప్పుడల్లా సువాసన! వేల సంవత్సరాల నాటి ఆలయం

అమ్మవారి మహిమలు అంతుబట్టనవి.. మన దేశంలో అమ్మవారి ఆలయాల్లో అద్భుతాలు జరుగుతుంటాయి.. ప్రస్తుతం చైత్ర నవరాత్రి వేడుకులు దేశవ్యాప్తంగా ఘనంగా జరుగుతున్నాయి.. ఈ తొమ్మిది రోజుల్లో అమ్మవారిని ప్రార్థిస్తే సకల శుభాలు జరుగుతాయని భక్తుల నమ్మకం.. ఇక ప్రస్తుతం అమ్మవారి ఆలయానికి భక్తులు తరలివెళ్తున్నారు.

ఉత్తర ప్రదేశ్‌లోని కన్నౌజ్.. పరిమళ ద్రవ్యాలు, చరిత్ర కలిగిన కన్నౌజ్ నగరం గురించి వేదాలు, పురాణాలలో ప్రస్తావించారని పూజారులు చెబుతున్నారు. కన్యాకుబ్జ నగరి అని కూడా పిలిచేవారు. ఈ నగరానికి చరిత్రలో తనదైన స్థానం ఉంది.

కన్నౌజ్ జిల్లాలోని రాజా జైచంద్ కోటకు సమీపంలో చెమ్కాలీ మాత ఆలయముంది. ఈ ఆలయం వేల సంవత్సరాల నాటిదని భక్తులు చెబుతున్నారు. రాజా జైచంద్ కోటకు అనుబంధంగా ఉన్న ఈ ఆలయంలో జైచంద్ రాజు స్వయంగా కుటుంబ సమేతంగా వచ్చి పూజలు చేసేవారు. హర్షవర్ధన మహారాజు కూడా తాను ఆరాధించే చోటే పూజలు చేసేవాడని చెబుతారు. మారుమూల ప్రాంతాల నుంచి భక్తులు కుటుంబ సమేతంగా ఇక్కడికి వస్తుంటారు.

వేదాలు, పురాణాల్లో కన్నౌజ్ ప్రస్తావన ఉందని ఆలయ పూజారి తెలిపారు. దీనితో పాటు త్రేతాయుగంలో మహారాజు వేణు చక్రం గురించి కూడా రాశారు. అలాంటి పరిస్థితిలో, చెమ్కాలి మాత వేణు చక్రం కుమార్తె అని చెబుతారు. దీనిని బట్టి ఈ ఆలయం త్రేటాయుగంకు నాటికి చెందినదని అంచనా.

ఈ ఆలయంలో పైకప్పు వేయడానికి ప్రయత్నించిన ప్రతిసారీ అది దానంతట అదే కూలిపోయేది. ఇక పొద్దున్నే గుడి తెరిచినప్పుడల్లా ఆ గుడిలో వేరే సువాసన వస్తుంది.

కన్నౌజ్ జిల్లా చుట్టుపక్కల అనేక జిల్లాలతో సహా అనేక రాష్ట్రాల నుంచి కూడా భక్తులు ఇక్కడకు వచ్చి పూజలు చేస్తారు. ఎందుకంటే మాతా చెమ్కాలీని మాతా ఫూల్మతి సోదరి అని కూడా పిలుస్తారు. ఇది ఈ ఆలయం ప్రాముఖ్యతను, దైవత్వాన్ని పెంచుతుంది.

మారుమూల ప్రాంతాల నుంచి భక్తులు కుటుంబ సమేతంగా ఇక్కడికి వచ్చి అమ్మవారి ఆశీస్సులు పొందుతారు. ఇక్కడ పూజలు చేసే సంతానం లేని దంపతులకు సంతానం కలుగుతుందని ఈ భక్తుల విశ్వాసం.