Goa Liquor: అనుమానంతో గోడౌన్ వెళ్లి షాక్ తిన్నపోలీసులు.. గోవా మద్యం విలువ ఎంతో తెలుసా..?

P Anand Mohan, Visakhapatnam, News18.                                          Goa Liquor:  ఆంధ్రప్రదేశ్ (Andhra Pradesh) రాష్ట్రంలో సీఎంగా జగన్ మోహన్ రెడ్డి (CM Jagan Mohan Reddy) నాటి నుండి కొన్ని నిత్యావసర సరుకులు ధరలు ఆకాశాన్ని అంటాయి. అప్పటి నుంచి అక్రమ మద్యం రావాణపై ఫోకస్ చేశాయి కొన్ని ముఠాలు..   

ప్రతిపక్ష నేతగా ఉన్న జగన్.. అధికారంలోకి రాకముందు సంపూర్ణ మద్య నిషేదం అమలు చేస్తామని హామీ ఇచ్చారు. అయిేత అధికారంలోకి వచ్చిన తరువాత ఇందుకు సంపూర్ణ మధ్యపాన నిషేధం పేరుతో ఆంక్షలు పెంచుతూ వెళ్లింది. మద్యం షాపులను కేవలం ప్రభుత్వం ఆధీనంలోనే పెట్టింది. టైమింగ్స్ లో మార్పులు చేసింది. కొన్ని బ్రాండ్ లను మాత్రమే ఎంపిక చేసి ధరలను భారీగా పెంచేసింది. 

మద్యపాన నిషేదం అంటూ ఇలా ఆంక్షలు పెంచుకుంటూ వెళ్తున్నారు.. కానీ ఆ దిశగా అడుగులు పడలేదు. గతంలో కంటే ఇప్పుడే మద్యం రాబడి విపరీతంగా పెరిగింది. దీంతో జగన్  ఇచ్చిన హమీ గంగలో కలిపేశారు అంటూ విమర్శలు చేస్తున్నారు.

ప్రస్తుతం ఆంధ్రప్రదేశ్ లో మద్యం ధరలు భగ్గుమంటున్నాయి. దీంతో  మద్యం కోసం ఏపీ ప్రజలు ఇతర రాష్ట్రాలపై  దృష్టి పెడుతున్నారు. ముఖ్యంగా సరిహద్దు రాష్ట్రాల నుంచి లిక్కర్ తెప్పించుకుంటున్నారు. 

ముఖ్యంగా తెలంగాణ, చెన్నై లాంటి రాష్ట్రాల్లో ఏపీతో పోల్చుకుంటే..  తక్కువనే చెప్పాలి. అయితే గోవా రాష్ట్రంలో అయితే అత్యల్ప ధరలు ఉండగా అక్కడికి ఏదో ఒక పనిమీద వెళ్ళినప్పుడు భారీగా మద్యాన్ని కొనుగోలు చేసి తెచ్చుకుంటుంటారు.    

ఏపీలో సరైన బ్రాండ్లు లేకపోవడం.. ఉన్న వాటివి కూడా ఎక్కువ ధరలు ఉండడంతో పక్కరాష్ట్రాల నుంచి అక్రమ మద్యం రవాణా పెరిగింది. పోలీలసులు ఎన్ని కట్టుదిట్టమైన చర్యలు తీసుకుంటున్నా అక్రమ మద్యానికి బ్రేకులు పడడం లేదు.

తూర్పు గోదావరి జిల్లా రావులపాలెంలో  పట్టుకున్నట్లు తెలుస్తోంది. అయితే అక్కడ పట్టుబడ్డ మద్యం విలువ వేలల్లో కాదు... దాదాపు దాని విలువ పది లక్షల రూపాయలపైనే ఉంటుంది అంటున్నారు పోలీసులు.. 

వారికి వచ్చిన సమాచారం మేరకు రావులపాలెం పోలీసులు జిల్లా స్పెషల్ బ్రాంచ్ టీమ్ వెళ్లి రావుల పాలెం హై వే కి దగ్గరలో ఉన్న నాయుడు లే అవుట్ లో గౌ డౌన్ లో దాడి చేశారు.  ఈ దాడిలో పట్టుబడినవి  అన్నీ కూడా క్వార్టర్ విస్కీ బాటిల్స్ కావడం విశేషం. మొత్తం 9,200 బాటిల్స్ ను స్వాధీనం చేసుకున్నారు. ఈ ఘటనకు కారణం అయిన నలుగురిని అరెస్ట్ చేశారు.

పరారీలో ఉన్న మరికొందరి కోసం గాలింపు కొనసాగుతోంది అన్నారు జిల్లా ఎస్పీ రవీంద్రనాథ్.  ఈ ఆపరేషన్ ను సక్సెస్ చేసిన పోలీసులను.. జిల్లా ఎస్పీ ఘనంగా సత్కరించారు..