Tirumala Update: శ్రీవారి భక్తులకు అలర్ట్.. ఆ రెండు రోజులు తిరుమలలో దర్శనాలు రద్దు.. వివరాలివే..!

కలియుగ ప్రత్యక్ష దైవం తిరుమల శ్రీవేంకటేశ్వరుని దర్శనం కోసం పరితపించి పోతారు భక్తులు. స్వామి వారి క్షణకాలం దర్శనార్థం వేల కిలోమీటర్ల దూరం నుంచి తిరుమలకి చేరుకొని ఇబ్బందులకు గురి అవుతుంటారు. ఈ ఏడాది స్వామి వారి దర్శనాలు రెండు రోజుల్లో 24 గంటల పాటు టీటీడీ నిలుపుదలచేయనుంది.

ఆ రెండు రోజుల్లో తిరుమలకు వచ్చే భక్తులకు ముఖ్య సూచనలు జారీ చేసింది తిరుమలతిరుపతి దేవస్థానం. అక్టోబర్ మాసంలో 25వ తేదీ...నవంబర్ మాసంలో 8వ తేదీ తిరుమలకు వచ్చే భక్తులు ఈ టీటీడీ తెలిపిన విషయాలు తెలుసుకోకపోతే ఇబ్బందులు కొని తెచ్చుకున్నట్లే.

గ్రహణకాలం అంటేనే సకల దేవతామూర్తుల శక్తులు తగ్గుతాయనేది హిందూ సంప్రదాయంలో నమ్మకం. పాటీజీవీ ఎనర్జీ పూర్తిగా తొలగి నెగెటివ్ ఎనేర్జి అధికంగా ఉండే సమయం గ్రహణకాలంగా పిలుస్తారు. అదే సమయంలో అతిలోహిత కిరణాలూ భూమిని తాకుతాయని.. సైన్స్ చెపుతోంది. గ్రహణ కాలంలో దేశంలోని అన్ని ఆలయాలు మూసివేయడం ఆనవాయితీ.

అక్టోబర్ 25న ఆదివారం సాయంత్రం 5:11 ‌నుండి 6:27 గంట‌ల వరకు సూర్యగ్రహణం ఉంటుంది. సూర్య గ్రహణం కారణంగా అక్టోబర్ 25వ తేదీ ఉదయం 8:11 నుంచి రాత్రి 7:30 వరకు శ్రీవారి ఆలయాన్ని మూసివేయడం జరుగుతుందని టీటీడీ ప్రకటించింది.

సుప్ర‌భాతం, శుద్ధి, పుణ్యాహ‌వ‌చ‌నం, తోమాల సేవ, కొలువు, బంగారు వాకిలి లోప‌ల పంచాంగ శ్ర‌వ‌ణం నిర్వ‌హిస్తారు. అనంత‌రం మొద‌టి అర్చ‌న‌, మొద‌టి గంట‌, బ‌లి శాత్తుమొర‌, రెండో అర్చ‌న, రెండో గంట త‌దిత‌రాల‌ను ఏకాంతంగా చేప‌డ‌తారు.శ్రీవారికి నిర్వహించేకైంకర్యాలు అనంతరం భక్తులను సర్వదర్శనానికి అనుమతిస్తారు.

ఇక చంద్రగ్రహణం కారణంగా నవంబర్ 8వ తేదీ శ్రీవారి ఆలయాన్ని ఉదయం 8:40 నుంచి రాత్రి 7:20 గంటల వరకు మూసివేస్తారు. రాత్రి 7 నుంచి 9 గంటల నడుమ సుప్ర‌భాతం, శుద్ధి, పుణ్యాహ‌వ‌చ‌నం, తోమాల సేవ, కొలువు, బంగారు వాకిలి లోప‌ల పంచాంగ శ్ర‌వ‌ణం నిర్వ‌హిస్తారు. అనంత‌రం అర్చ‌న‌, గంట‌, బ‌లి శాత్తుమొర‌, రెండో అర్చ‌న, గంట త‌దిత‌రాల‌ను ఏకాంతంగా చేప‌డ‌తారు.రాత్రి 9 గంటల అనంతరం శ్రీవారి సర్వ దర్శనానికి భక్తులను అనుమతిస్తారు.

అక్టోబర్ 25, నవంబర్ 8వ తేదీల్లో విఐపి బ్రేక్ దర్శనాలు, శ్రీవాణి బ్రేక్ దర్శనాలు, ప్రత్యేక ప్రవేశ దర్శనాలు, ఆర్జిత సేవలైన కల్యాణోత్సవం, ఉంజల్ సేవ, ఆర్జిత బ్రహ్మోత్సవం, సహస్ర దీప అలంకరణ సేవలు రద్దు చేసింది టీటీడీ. వయో వృద్దులు వికలాంగులు, చిన్న పిల్లల తల్లి తండ్రులు, ఎన్ఆర్ఐ, ఆర్మీ, డిఫెన్స్ ఇతర ప్రత్యేక దర్శనాలు రద్దు చేశారు. ఈ రెండు రోజుల్లో కేవలంసర్వ దర్శనంకు వచ్చిన భక్తులకు మాత్రమే అనుమతిస్తామని టీటీడీ పేర్కొంది.

గ్ర‌హ‌ణం స‌మ‌యంలో మాతృశ్రీ త‌రిగొండ వెంగ‌మాంబ అన్న‌ప్ర‌సాద భ‌వ‌నం, వైకుంఠం క్యూ కాంప్లెక్స్ ఇత‌ర ప్రాంతాల్లో అన్న‌ప్ర‌సాద విత‌ర‌ణ ఉండ‌దు. ఈ విష‌యాల‌ను గుర్తించి భ‌క్తులు త‌మ తిరుమ‌ల యాత్ర‌కు ప్ర‌ణాళిక రూపొందించుకోవాల‌ని టిటిడి కోరుతోంది.