Tirumala Garuda Seva | తిరుమ‌ల శ్రీ‌వారి ఆల‌యంలో శ్రావ‌ణ‌ పౌర్ణమి గరుడసేవ

T తిరుమలలో ఇవాళ (సోమ‌వారం) సాయంత్రం శ్రావ‌ణ పౌర్ణమి గరుడసేవ జరిగింది. ప్రతినెలా పౌర్ణమి సందర్భంగా తిరుమలలో స్వామివారికి గరుడసేవ నిర్వహిస్తున్న విషయం తెలిసిందే. ఇందులో భాగంగా సాయంత్రం 5.00 నుండి 6.00 గంట‌ల వ‌ర‌కు గరుడసేవ నిర్వహించారు.

తిరుమల శ్రీ‌వారి ఆల‌యంలోని రంగ‌నాయ‌క మండ‌పంలో సర్వాలంకార భూషితుడైన శ్రీమలయప్ప స్వామివారు త‌న‌కు ఎంతో ప్రీతిపాత్రమైన గరుడ వాహ‌నాన్ని అధిరోహించి పూజలు అందుకున్నారు.

క‌రోనా వైర‌స్ వ్యాప్తి నివార‌ణ చర్యల్లో భాగంగా గ‌రుడ వాహ‌న సేవ‌ను ఆల‌యంలో ఏకాంతంగా నిర్వహించారు. ఆలయ అర్చకులు మాత్రమే ఈ సేవలో పాల్గొన్నారు. భక్తులను ఈ సేవను తిలకించేందుకు అనుమతించలేదు.

శ్రావణి పౌర్ణమి గరుడసేవలో టీటీడీ అర్చకులు, అధికారులు చిన్నజీయ‌ర్‌స్వామి, సివిఎస్వో గోపినాధ్ జెట్టి, విజివో మ‌నోహ‌ర్‌ తదితరులు పాల్గొన్నారు.