Nani: వైజాగ్ క్రికెట్ మ్యాచ్‌లో హీరో నాని సందడి.. క్రికెటర్లకు సినిమా పేర్లు పెట్టిన నేచురల్ స్టార్ !

వైజాగ్‌లో సందడి చేశాడు నేచురల్ స్టార్ నాని.విశాఖపట్నం వేదికగా భారత్‌- ఆస్ట్రేలియా జట్ల మధ్య జరుగుతున్న మ్యాచ్‌లో టాలీవుడ్‌ హీరో నాని మురిశాడు. తన కొత్త సినిమా ప్రమోషన్ల కోసం నాని తెగ కష్టపడుతున్నాడు. 

ఇవాళ విశాఖపట్టణం(Visakhapatnam)లోని డాక్టర్ వైఎస్ రాజశేఖర్ రెడ్డి ACA-VDCA క్రికెట్ స్టేడియంలో ఇండియా, ఆస్ట్రేలియా రెండో క్రికెట్ మ్యాచ్‌ (IND vs AUS 2nd ODI)కు నేచురల్ స్టార్ నాని కూడా వచ్చాడు. స్టేడియంలో దిగి తనదైన స్టైల్లో హల్ చల్ చేశాడు.

తన కొత్త సినిమా దసరా ప్రమోషన్లలో భాగంగా ఇక్కడకు వచ్చేసిన అతను కామెంటేటర్‌గా అవతారమెత్తాడు. మ్యాచ్‌ ప్రారంభానికి ముందు సునీల్ గవాస్కర్, ఆరోన్ ఫించ్, లేడీ కామెంటేటర్‌తో ముచ్చట్లు పెట్టాడు. 

వారు అడిగే ప్రశ్నలకు సమధానాలు ఇస్తూనే బ్యాట్ పట్టుకుని వివిధ రకాల స్టిల్స్‌తో ఫొటోలకు పోజులిచ్చాడు. అలాగే క్రికెట్ తో తనకు ఉన్న అనుబంధాన్ని కామెంటేటర్స్ తో పంచుకున్నాడు.

ఈ సందర్భంగా నాని మాట్లాడుతూ.. ఈ సందర్భంగా మాస్టర్ బ్లాస్టర్‌ సచిన్ టెండూల్కర్ తన ఆల్ టైమ్ ఫేవరెట్ ప్లేయర్ అని చెప్పుకొచ్చాడు. సచిన్‌ ఆటకు తాను పెద్ద ఫ్యాన్‌ అని, అతను ఔట్‌ అవ్వగానే టీవీలు ఆపేసేవాళ్లమని జ్ఞాపకాలు గుర్తు చేసుకున్నాడు.

ఆస్ట్రేలియా మాజీ క్రికెటర్‌ ఆరోన్‌ ఫించ్‌కు 'దసరా' లోని 'ధూమ్‌ ధామ్‌' సిగ్నేచర్‌ స్టెప్‌ను నాని నేర్పించాడు. ఇద్దరూ కలసి ఆ స్టెప్‌ వేసేసరికి అభిమానుల కేరింతలు, ఈలలతో వైజాగ్‌ స్టేడియం దద్దరిల్లిపోయింది.

మరోవైపు తెలుగు క్రికెట్ కామెంటరీ టీమ్’లతో మాట్లాడిన నాని.. టీమిండియా క్రికెట్లరకు తన సినిమాల పేర్లు పెట్టాడు. టీమ్‌ ఇండియా కెప్టెన్‌ రోహిత్‌ శర్మకు జెంటిల్‌మెన్‌ అని టైటిల్‌ ఇవ్వగా, కింగ్ విరాట్‌ కోహ్లీకి గ్యాంగ్‌ లీడర్‌ పేరు ఇచ్చాడు. ఇక హార్దిక్‌ పాండ్యాకు అయితే పిల్ల జమీందార్‌ టైటిల్‌ ఇచ్చాడు.

[caption id="attachment_1673778" align="alignnone" width="1200"] కొత్త దర్శకుడు శ్రీకాంత్ ఓదెల (Srikanth Odela) తో ‘దసరా’ (Nani Keerthy Suresh Dasara ) అనే ఓ మాస్ యాక్షన్ సినిమాను చేస్తోన్నసంగతి తెలిసిందే.కీర్తి సురేష్ (Keerthy Suresh) హీరోయిన్‌గా నటించింది. ఇప్పటికే సెన్సార్ వాళ్లు ఈ చిత్రానికి U/A సర్టిఫికేట్ జారీ చేశారు. ఇప్పటికే ప్యాన్ ఇండియా లెవల్లో విడుదలైన ట్రైలర్‌కు సూపర్ రెస్పాన్స్ వచ్చింది.

ఈ సినిమాలో ప్రముఖ మలయాళ నటుడు షైన్ టామ్ చాకో విలన్‌ పాత్రలో కనిపించనున్నారు.ఈ సినిమా బిజినెస్ విషయానికి వస్తే.. టీజర్‌, ట్రైలర్‌తో దుమ్ములేపిన దసరాకు ఓ రేంజ్‌లో బిజినెస్ జరుగింది. ఈ సినిమా థియేట్రికల్ రైట్స్‌ను దిల్ రాజు దక్కించుకున్నట్లు తెలుస్తోంది. తెలుగు రాష్ట్రాల థియేట్రికల్ హక్కులను రూ. 28 కోట్లకు కొనుగోలు చేసినట్లు సమాచారం.