AP Weather Update: జవాద్ మళ్లీ వస్తోందా..? ఏపీకి వాతావరణ శాఖ హెచ్చరిక.. ఈ జిల్లాలకు అలర్ట్..!

ఆంధ్రప్రదేశ్ (AndhraPradesh) ను భారీ వర్షాల (Heavy Rains) ముప్పు ఇప్పట్లో వీడేలా కనిపించడం లేదు. బంగాళాఖాతంలో (Bay of Bengal) ఈ రాత్రికి అల్పపీడనం ఏర్పడే అవకాశమున్నట్లు వాతావరణ శాఖ తెలిపింది. అలాగే థాయిలాండ్ పరిసర ప్రాంతాల్లో ఏర్పడిన అల్పపీడనం తుఫాన్ (Cyclone) గా మారి ఏపీ తీరాన్ని తాకే అవకాశముందని హెచ్చరించింది. (ప్రతీకాత్మకచిత్రం)

ఈ అల్పడీనం మరింత బలపడి తూర్పు మధ్య బంగాళాఖాతం వైపు పయనించే అవకాశముంది. దీని ప్రభావంతో దక్షిణకోస్తా, రాయలసీమ జిల్లాల్లో భారీ వర్షాలు కురుస్తాయని ఐఎండీ తెలిపింది. (ప్రతీకాత్మకచిత్రం)

ఈ అల్పపీడనం కారణంగా డిసెంబర్ 3వరకు ఉత్తరాంధా, కోస్తా ప్రాంతాల్లో భారీ వర్షాలు కురుస్తాయని.. లోతట్టు ప్రాంతాల ప్రజలు అప్రమత్తంగా ఉండాలని వాతావరణ శాఖ హెచ్చరించింది. దీనికి తోడు బంగాళా ఖాతంలో మరో అల్పపీడనం ఏర్పడే అవకాశముందని ప్రజలు మరింత జాగ్రత్తగా ఉండాలని తెలిపింది. (ప్రతీకాత్మకచిత్రం)

దక్షిణ థాయిలాండ్ సమీపంలో ఏర్పడిన అల్పపీడనం.. క్రమంగా పశ్చిమ వాయవ్య దిశగా పయనించి డిసెంబర్ 2 నాటికి వాయుగుండంగా మారి.. ఆ తర్వాత తీవ్ర తుఫాన్ గా మారే అవకాశముందని వెల్లడించింది. ఇది ఉత్తర కోస్తా-ఒడిశా తీరాలకు దగ్గరగా వచ్చే సూచనలున్నాయి. (ప్రతీకాత్మకచిత్రం)

దీని ప్రభావంతో డిసెంబర్ 2 నుంచి ఉత్తరాంధ్ర జిల్లాలైన శ్రీకాకుళం, విజయనగరం, విశాఖపట్నంతో పాటు ఉభయగోదావరి, కృష్ణా జిల్లాల్లో భీ వర్షాలు కురసే అవకాశముందని వాతావరణ శాఖ తెలిపింది. ముఖ్యంగా డిసెంబర్ 3, 5 తేదీల్లో కోస్తాలోని పలు జిల్లాల్లో భారీ వర్షాలు కురిసే అవకాశముందని వెల్లడించింది. (ప్రతీకాత్మకచిత్రం)

తుఫాన్ ప్రభావంతో కోస్తా తీరం వెంబడి గంటకు 80 నుంచి 90 కిలోమీటర్ల వేగంగా బలమైన గాలులు వీస్తాయని.. మత్స్యకారులు అప్రమత్తంగా ఉండాలని అధికారులు హెచ్చరించారు. మత్స్యకారులు వేటకు వెళ్లకపోవడమే మంచిదని.. రైతులు పంటలు నష్టపోకుండా తగు జాగ్రత్తలు తీసుకోవాలని వాతావరణ శాఖ హెచ్చరించింది. (ప్రతీకాత్మకచిత్రం)

ఇదిలా ఉంటే అల్పపీడన ప్రభావంతో దక్షిణ కోస్తా, రాయలసీమ జిల్లాలు అతలాకుతలమవుతున్నాయి. మూడు రోజులుగా కురుస్తున్న వర్షాలు, చిత్తూరు, నెల్లూరు, కడప, అనంతపురం జిల్లాలు జలమయమవుతున్నాయి. (File Photo)

నెల్లూరులో కురుస్తున్న భారీ వర్షాలకు సోమశిల ప్రాజెక్టు నిండు కుండను తలపిస్తోంది. వర్షాల ధాటికి నదులు, వాగులు వంకలు ఉధృతంగా ప్రవహిస్తున్నాయి. నాయుడుపేట వద్ద బ్రిడ్జిపై వరద నీరు ప్రవహిస్తుండటంతో కిలోమీటర్ల మేర ట్రాఫిక్ జామ్ అయింది. (FIle Photo)