AP Heat Wave Alert: ఏపీ వాసులకు అలర్ట్.. ఈ మండలాలకు వడగాలుల హెచ్చరిక.. అస్సలు బయటకు రావొద్దు

ఆంధ్రప్రదేశ్ లో ఎండలు మండిపోతున్నాయి. మే నెల సమీపిస్తుండటంతో పగటి ఉష్ణోగ్గతలు 40 నుంచి 45 డిగ్రీల వరకు నమోదవుతున్నాయి. ఎండవేడిమి ఉక్కపోతతో జనం అల్లాడిపోతున్నారు. వేసవి తాపానికి బయటకు వెళ్లాలంటేనే భయపడాల్సిన పరిస్థితి నెలకొంది. (ప్రతీకాత్మకచిత్రం)

ఇదిలా ఉంటే ఎండలకు వడగాలలు తోడవడంతో జనం అల్లాడిపోతున్నారు. ఈ నేపథ్యంలో విపత్తుల నిర్వహణ శాఖ కీలక హెచ్చరిక చేసింది. శుక్రవారం మరింత అప్రమత్తంగా ఉండాలని వార్నింగ్ ఇష్యూ చేసింది. (ప్రతీకాత్మకచిత్రం)

శుక్రవారం రాష్ట్రవ్యాప్తంగా 14 మండలాల్లో తీవ్రవడగాల్పులు , 102 మండలాల్లో వడగాల్పులు వీచే అవకాశం ప్రజలు అప్రమత్తంగా ఉండాలని.. ఎండ నుంచి తగిన జాగ్రత్తలు తీసుకోవాలని సూచించింది. (ప్రతీకాత్మకచిత్రం)

అల్లూరిసీతారామరాజు జిల్లాలో డుంబ్రిగూడ, అడ్డతీగల మండలాలు, అనకాపల్లి జిల్లాలో నాతవరం, నర్సీపట్నం మండలాలు, కాకినాడ జిల్లాలో కోట నండూరు పల్నాడు జిల్లాలో అమరావతి మండలం, పార్వతీపురంమన్యం జిల్లాలో భామిని, కొమరాడ, గుమ్మలక్ష్మీపురం, కురుపాం, సాలూరు మండలాలు, విజయనగరం జిల్లాలో డెంకాడ, వేపాడ, లక్కవరపుకోట మండలాల్లో తీవ్రవడగాల్పులు వీచే అవకాశం ఉంది. (ప్రతీకాత్మకచిత్రం)

ఎన్టీఆర్ జిల్లాలో 16 మండలాలు, నంద్యాల జిల్లాలో 12 మండలాలు, అనకాపల్లిలో 11 మండలాలు , పల్నాడులో 11 మండలాలు , వైఎస్ఆర్ జిల్లాలో 11 మండలాలు, పార్వతీపురంమన్యం జిల్లాలో 9, విజయనగరం జిల్లాలో 8 మండలాలు, మొత్తం 102 మండలాల్లో వడగాల్పుల ప్రభావం చూపే అవకాశం ఉదని అధికారులు హెచ్చరించారు. (ప్రతీకాత్మకచిత్రం)

విపత్తుల నిర్వహణ శాఖ హెచ్చరికల నేపథ్యంలో ఉదయం 10 గంటల నుంచి సాయంత్రం 5గంటల వరకు ప్రజలకు బయటకు వెళ్లకపోవడమే మంచిదని నిపుణులు హెచ్చరిస్తున్నారు. అత్యవసరమైతే తప్ప బయటకు వెళ్లవద్దని.. ఒకవేళ బయటకు వెళ్తే ఎండవేడిమికి గురికాకుండా గొడుగుల ఉపయోగించాలని, లైట్ కలర్ దుస్తులు ధరించాలని సూచిస్తున్నారు. (ప్రతీకాత్మకచిత్రం)