Corona Third Wave: మంత్రులనూ వదలని మూడో ముప్పు.. తాజా అవంతికి పాజిటివ్

Corona Third Wave: ఆంధ్రప్రదేశ్ ను కరోనా థర్డ్ వేవ్ భయం వెంటాడుతోంది. తాజాగా నమోదైన కేసులు చేస్తుంటే పరిస్థితి ఆందోళన పెంచుతోంది. తజాాగా సంక్రాంతి ఎపెక్ట్ ఎంతమందిపై ప్రభావం చూపిస్తుందో చూడాలి. ఇప్పటికే కరోనా కేసుల సంఖ్య దాదాపు 5 వేల మార్కుకు దగ్గరైంది. ఒకటి రెండు వారాల్లోనే ఆ మార్కు పదివేల మార్కును దాటినా ఆశ్చర్యపోనక్కర్లేదు. 

సామాన్యుల నుంచి సెలబ్రెటీలను వదలను కరోనా.. రాజకీయ నేతలను వెంటాడుతోంది. ముఖ్యంగా ఏపీలో మంత్రులను, ఇతన నేతలను కరోనా భయపెడుతోంది. తాజాగా పర్యాటకశాఖ మంత్రి అవంతి శ్రీనివాస్ కు కరోనా పాజిటివ్ నిర్ధారణ అయ్యింది. 

ఆయనకు ప్రస్తుతంకొద్దిపాటి లక్షణాలు కనిపించడంతో పరీక్ష చేయించుకుంటే.. పాజిటివ్ అని వైద్యులు తేల్చారు. ఈ సందర్భంగా తనను కొద్ది రోజులుగా కలిసిన వ్యక్తులు టెస్టులు చేయించుకోవాలని ప్రకటనలో కోరారు మంత్రి అవంతి. ప్రస్తుతం విశాఖలోని తన నివాసంలో అవంతి ఐసోలేషన్ లో ఉన్నారు. 

ప్రస్తుతం తన నివాసానికి రావొద్దని ఆయన స్పష్టం చేశారు. ప్రజలంతా జాగ్రత్తగా ఉండాలని.. తప్పక మాస్కులు ధరించాలని.. సామాజిక దూరం పాటించాలని పిలుపు ఇచ్చారు. ఎవరికైనా అత్యవసరమైతే ఫోన్లో సంప్రదించాలని కోరారు. గత వారమే రెండో డోస్ వ్యాక్సిన్ తీసుకున్నారు అవంతి శ్రీనివాస రావు. 

ఇటీవలే ఏపీలో మంత్రి, మాజీ ఎమ్మెల్యే కరోనా బారిన పడ్డారు. పౌరసరఫరాల శాఖ మంత్రి కొడాలి నాని (Kodali Nani)కి కరోనా బారినపడ్డారు. ఆయనకు స్వల్ప లక్షణాలు ఉండడంతో జరిపించిన కరోనా పరీక్షల్లో కోవిడ్ పాజిటివ్‌గా నిర్ధారణ అయింది. దీంతో ఆయన హైదరాబాద్‌లోని ఏఐజీ ఆసుపత్రిలో చేరారు. ఆయన ఆరోగ్య పరిస్థితి నిలకడగానే ఉంది. 

టీడీపీ నాయకుడు, మాజీ ఎమ్మెల్యే వంగవీటి రాధా ( Vangaveeti Radha) సైతం కరోనా బారిన పడ్డారు. స్వల్ప లక్షణాలు కన్పించగా ఆయన వైద్య పరీక్షలు చేయించుకున్నారు. ఈ వైద్య పరీక్షల్లో కొవిడ్‌ పాజిటివ్‌గా నిర్ధారణ అయింది. దీంతో ఆయన కూడా ఏఐజీలో చేరి చికిత్స పొందుతున్నారు. 

తాజాగా నెల్లూరు కలెక్టర్ కార్యాలయంలో కరోనా కలకలం రేపింది. కలెక్టర్ చక్రధర్ బాబుతో పాటు కార్యాలయం లోని 20 మంది కి కరోనా పాజిటివ్ నిర్ధారణ అయ్యింది. దీంతో  కార్యాలయం మూసివేశారు. ఇటీవల అక్కడికి చాలామంది రావడంతో  వారందన్నీ గుర్తించడం కష్టంగా మారింది.. వారిలో కొందరికి పాజిటివ్ నిర్ధారణ అయినా.. వారు మరింతమందికి వ్యాప్తి చేసే ప్రమాదం ఉంది.. 

తాజా పరిస్థితి చూస్తుంటే ఏపీ వ్యాప్తంగా కేసుల సంఖ్య రెట్టింపు అయ్యే ప్రమాదం కనిపిస్తోంది. సంక్రాంతి వేడుకల పేరుతో బంధువులు సన్నిహితులంతా ఒకే దగ్గరకుచేరుతున్నారు. మరోవైపు కోడి పందాల పేరుతో జనం భారీగా గుమి గూడుతున్నారు. ఇవి ఎలాంటి పరిస్థితులకు దారి తీస్తాయో చూడాలి..