Sagar to Srisailam: కృష్ణాలో లాహిరి లాహిరి.. సాగర్ అందాలు.. భవానీ ద్వీపం సొగసులు చూసొస్తారా..? నేటి నుంచి లాంచ్ ప్రారంభం.. ఇలా ప్లాన్ చేసుకోండి

Sagar to Srisailam Journey: కృష్ణమ్మ తీరంలో పర్యాటకం సందడిగా ప్రారంభమైంది. బ్యారేజీ, కృష్ణమ్మ అలలు, భవానీ ద్వీపం అందాలు రెండు మూడేంటి.. అడుగు అడుగునా పర్యాటక ప్రాంతాలే దర్శనమిస్తాయి. ప్రకృతి అందాలే కాదు.. ఆధ్యాత్మిక భావన కూడా మదిని హాయిగా ఉండేలా చేస్తుంది. అందుకే ఈ కు ఎంతో ఆసక్తి చూపిస్తుంటారు తెలుగు ప్రజలు..

నాగార్జునసాగర్‌, శ్రీశైలం మధ్య లాంచీ ప్రయాణం నేడు ప్రారంభమైంది. ప్రస్తుతం సాగర్‌ నీటిమట్టం 588.80 అడుగులు ఉండడంతో రాష్ట్ర పర్యాటక అభివృద్ధి సంస్థ ఈ టూర్‌కు పచ్చజెండా ఊపింది. ఉదయం 9 గంటలకు సాగర్‌ నుంచి బయలుదేరే లాంచీ సాయంత్రం 3 గంటలకు శ్రీశైలానికి చేరుతుంది. 

తక్కువ ఖర్చుతో, తక్కువ సమయంలో సాగే లాంచీ ప్రయాణం పర్యాటకులకు అంతులేని ఆనందాన్ని ఇస్తుంది. ఆహ్లాదకరమైన దృశ్యాలతో పాటు ఆధ్యాత్మిక వాతావరణంలో సాగే లాంచీ ప్రయాణం హాయిగా ఉంటుంది. ఈ ప్రయాణం మరవలేని స్మృతులను అందించనుంది. పక్షుల కిలకిలరావాలతో, నీటి సవ్వడుల మధ్య సాగే ఈ జర్నీలో ఆధ్యంతం ఆసక్తిగా సాగుతూ కొండల మధ్య తిరుగుతూ ఉంటుంది. మనకు తెలియని కొత్త, వింతైన విషయాలను తెలిపేందుకు లాంచీలో గైడ్‌ కూడా ఉంటాడు. 

ఈ పర్యటటను ఎంజాయ్ చేసేందుకు పర్యాటకులు భారీగా తరలివస్తున్నారు. విహార యాత్రలతో కృష్ణానదీ తీరం మళ్లీ సందర్శకులతో కళకళలాడుతోంది. కొవిడ్‌ కారణంగా రెండేళ్ల తర్వాత భవానీ ద్వీపం తిరిగి పర్యాటకులకు అందుబాటులోకి వచ్చింది. ప్రకాశం బ్యారేజీతో పాటు భవానీ ద్వీపం చూసేందుకు పర్యాటక ప్రేమికులు పెద్ద ఎత్తున ఎగబడుతున్నారు. 

ఉదయం 9 గంటలకు ప్రారంభమయ్యే ప్రయాణం క్షణ క్షణం ఆహ్లాదంగా సాగుతూనే ఉంది. సాయంత్రం శ్రీశైలం చేరుకున్న తరువాత ఆ రాత్రి అక్కడే బస చేసి.. దైవ దర్శనం, దర్శనీయ స్థలాల సందర్శన తరువాత మంగళవారం ఉదయం 9 గంటలకు శ్రీశైలం నుంచి బయలుదేరుతుంది. సాయంత్రం 3 గంటలకు లాంచీ సాగర్‌కు చేరుకుంటుందని అధికారులు వెల్లడించారు. 

కొవిడ్‌ నిబంధనలు పాటిస్తూనే పర్యాటకులను అనుమతిస్తున్నారు. వివిధ ప్రాంతాల్లో జరిగిన ఘటనల దృష్ట్యా అన్ని జాగ్రత్తలు తీసుకుంటూనే లైఫ్‌ జాకెట్లను ప్రతి పర్యాటకుడు ధరించేలా చూస్తున్నారు. ముందు జాగ్రత్తగా గజ ఈతగాళ్లను కూడా సిద్ధంగా ఉంచారు. పరిమితికి మించి ఎవరినీ పడవలోకి అనుమతించటంలేదు.  

ఛార్జీల వివరాలిలా ఇవే..
సాగర్‌ నుంచి శ్రీశైలానికి ఒకవైపు పెద్దలకు 1,500 రూపాయలు వసూలు చేస్తారు.. అదే పిల్లలకు అయితే 1,200 రూపాయలు ఛార్జ్ చేస్తారు. అలాగే శ్రీశైలం నుంచి సాగర్‌ వైపు కూడా సేమ్: ఇదే ఛార్జీ వసూలు చేస్తారు. ఇంకెందుకు ఆలస్యం పిక్ నిక్ లు.. పర్యాటక ప్రాంతాలకు వెళ్లేవారికి ఇదే సరైన అవకాశం. 

అలాకాకుండా రెండు వైపులా ఒకే సారి బుక్ చేసుందాం అనుకునే వారికి ప్రత్యేక ప్యాకేజ్ ఉంది. రెండు వైపుల పెద్దలకు 2,500 రూపాయలు, పిల్లలకు 2,000 రూపాయలు వసూలు చేస్తారు. హైదరాబాద్‌ నుంచి బస్‌ ప్యాకేజీతో కలిపి పెద్దలకు 3,999, పిల్లలకు 3,399 రూపాయలను వసూలు చేస్తున్నారు. 

కృష్ణమ్మ పరవళ్లలో ప్రయాణిస్తూ నల్లమల అటవీ అందాలను వీక్షించాలనుకుంటున్న వారికి ఇదే సరైన సమయం.. మళ్లీ కరోనా హెచ్చరికలు అందుతున్న వేళ.. ముందుగానే టూర్ లను ప్లాన్ చేసుకోవడం బెటర్ అని చాలామంది భావిస్తున్నారు. చుట్టూ ప్రకృతి అందాలతో అలరారే పచ్చదనంతో కప్పేసిన ఎత్తయిన కొండల నడుమ సాగే ఈ లాంచీ ప్రయాణం పర్యాటకులను ఎంతగానో అలరించనుంది. సాగర్‌ నుంచి శ్రీశైలం వరకు 110 కిలో మీటర్ల దూరం లాంచీలో ఏడు గంటల పాటు ప్రయాణం ఉంటుంది.