neelakurinji flowers: 12 ఏళ్లకు ఓసారి మాత్రమే వికసించే పువ్వులు.. ప్రత్యేకత ఏంటో తెలుసా..?

12 ఏళ్లకు ఒకసారి వికసించే పువ్వులు

ప్రకృతికి పువ్వులకు విడదీయని సంబంధం ఉంది. పువ్వులు అన్నీ ఒక ఎత్తైతే.. నీలకురింజి పువ్వులు మరో ఎత్తు.. అవి కేవలం 12 ఏళ్లకు మాత్రమే ఒకసారి వికసిస్తాయి. ఇంతకీ వీటి ప్రత్యేకత ఏంటో తెలుసా..?

  • Share this:
    ప్రకృతి అందాలను ఎన్నిసార్లు చూసినా మళ్లీ మళ్లీ చూడాలి అనిపిస్తుంది. ప్రశాంతంగా ఉండే ప్రకృతిని చూస్తే ఎవరి మనసైనా పులకిస్తుంది. చుట్టూ కొండలు, పచ్చని గడ్డి, పరవశించే పైర గాలి, ఆదమరపించే చెట్లు, అందమైన పూలు. చేతితో తాకవచ్చు అనిపించే మేఘాలు.. ఇలా ఊహించుకుంటుంటేనే మనసు గాల్లో తేలిపోతుంది. ఆ ఊహ కూడా ఎంతో అందంగా ఉంటుంది. మరి ఆ ఊహ నిజమైతే ఒళ్లు పులకించి, ఆనంద తాండవం చేయని మనిషి ఉంటాడా.. అలాంటి అద్భుతం ఎక్కడ ఉందా తెలుసా..? కేరళలోని శాంతన్‌పర షలోమ్ హిల్స్‌లో పూసిని పువ్వులు నేలపై బ్లూ కార్పెట్‌ను పరిచినట్టు వికసించాయి. ఇవి ఎప్పుడు పడితే అప్పుడు వికసించవు. సాధారణంగా 12 ఏళ్లకు ఓసారి మాత్రమే వికసించే నీలకురింజి పువ్వులు.. ప్రస్తుతం అవి అక్కడకి వచ్చిన పర్యాటకులను మంత్ర ముగ్దులను చేస్తున్నాయి.

    స్ట్రోబిలాంథెస్ కుంతియానస్ అనే శాస్త్రీయ నామం కలిగిన నీలకురింజి పువ్వులు జూలై-అక్టోబర్ మధ్యలో వికసిస్తాయి. నీలకురింజి అంటే మలయాళంలో నీలి పువ్వు అని అర్థం. నీలకురింజి పువ్వుల పరాగసంపర్కానికి చాలా కాలం అవసరం. అందుకే ఇవి వికసించడానికి 12 సంవత్సరాలు పడుతుంది. వృక్షశాస్త్రంలో, దీనిని మొక్కల‘‘సర్వైవల్‌ మెకనిజమ్‌(మనుగడ విధానం) గా సూచిస్తారు. పక్షులు, గడ్డి తినే క్షీరదాల నుంచి నీలకురింజి పువ్వులకు పెద్ద ముప్పు ఉంది. దాంతో అవి వికసించడానికి ఎక్కువ సమయం పడుతుంది.

    ఏఎన్‌ఐ ఇటీవల సంతన్‌పారా పంచాయితీలోని అందమైన కొండలలో పువ్వులు గాలికి ఊగుతున్న వీడియోను సోషల్‌ మీడియాలో షేర్ చేసింది. ప్రస్తుతం ఆ వీడియో తెగ వైరలవుతోంది. ఇక నీలకురింజి పువ్వులు వికసించే ఈ సీజన్‌లో సేకరించే తేనె రుచి, పోషకాహార అంశాలలో అత్యున్నతమైనదిగా భావిస్తారు. దీంతో ఈ సీజన్‌లో తేనె ధర చాలా ఎక్కువగా ఉంటుంది. కాగా, ప్రపంచంలో 250 జాతుల పువ్వులలో 46 భారతదేశంలో కనిపిస్తాయి. ఇవి ప్రధానంగా పశ్చిమ కనుమలలో వికసిస్తాయి. ఇక కోవిడ్-19 మహమ్మారి వల్ల పర్యాటకుల తాకిడి చాలా తగ్గింది.  http://



    కరోనా పరిస్థితుల నుంచి బయట పడడంతో చాలామంది పర్యాటకులు చాలా మంది..  ఇప్పుడు ఆ పువ్వులను చూసేందుకు జనం భారీగా వెళ్తున్నారు.
    Published by:Nagesh Paina
    First published: