టీఆర్ఎస్ ఎమ్మెల్యేకి గాయాలు... లిఫ్ట్ వైర్ తెగిపోయి...

Telangana Lok Sabha Election Result 2019 : టీఆర్ఎస్ మల్కాజ్‌గిరి ఎమ్మెల్యే, మైనంపల్లి హనుమంతరావు గాయపడ్డారు. చిక్కడపల్లిలోని ఓ హోటల్‌కి వెళ్లిన ఆయన... అక్కడి లిఫ్టులోకి వెళ్లారు. ఐతే... సడెన్‌గా లిఫ్టు వైర్‌ తెగిపోయింది. అందులో ఉన్న మైనంపల్లికి స్వల్ప గాయాలయ్యాయి. వెంటనే ఆయన్ని ఆస్పత్రిలో చేర్పించారు. ఈ ఘటనపై స్థానికులు తమ అభిప్రాయం చెప్పారు. గాంధీనగర్‌ టీఆర్ఎస్ నేత ఎర్రం శ్రీనివాస్‌ గుప్తా కొడుకు తొట్టెల కార్యక్రమానికి మల్కాజ్‌గిరి ఎమ్మెల్యే మైనంపల్లి హనుమంతరావు హాజరయ్యారు. కార్యక్రమం పూర్తయ్యాక ఎమ్మెల్యే లిఫ్టులో కిందకు వెళ్తున్న క్రమంలో... గ్రౌండ్ ఫ్లోర్‌కు 2 అడుగుల ఎత్తులో ఉండగా లిఫ్టు వైర్‌ తెగిపోయింది. ఒక్కసారిగా లిఫ్టులో ఉన్నవారంతా కిందపడిపోయారు. ఈ ఘటనలో ఎమ్మెల్యే స్వల్పంగా గాయపడ్డారు. తర్వాత మైనంపల్లిని సికింద్రాబాద్ యశోదా ఆసుపత్రికి తరలించారు. ఈ ప్రమాదంలో ఆయన ఎడమకాలికి గాయమైనట్లు డాక్టర్లు వివరించారు. లిఫ్టులో పరిమితికి మించి ఎక్కువ మంది ఎక్కడం వల్లే ఈ ప్రమాదం జరిగినట్లు తెలిసింది. గాయపడిన ఎమ్మెల్యే మైనంపల్లిని మంత్రి మల్లారెడ్డి, ముషీరాబాద్‌ ఎమ్మెల్యే ముఠా గోపాల్ పరామర్శించారు. మరేం ప్రమాదం లేదని మీడియాకు వివరించారు.



ఇవి కూడా చదవండి :

మధ్యాహ్నానికి ఫలితం తెలిసిపోతుంది... ఏపీ ఈసీ ఏం చెప్పారంటే...



ఏపీపైనే అందరి చూపు... అసెంబ్లీ ఎన్నికల్లో గెలిచేదెవరు...



ఏపీలో తొలి ఫలితం నరసాపురం, మదనపల్లి నుంచే... ఎందుకంటే...



ఏపీలో పోస్టల్ బ్యాలెట్, పోస్టల్ సర్వీస్ ఓట్ల పూర్తి వివరాలు తెలుసా...