Waterfall: చెరువు నిండి జలపాతంగా మారింది .. 44అడుగుల ఎత్తుపై నుంచి పడుతున్న జలధార

(P.Mahendar,News18,Nizamabad)
ప్ర‌కృతి అందాల మ‌ద్య సుంద‌రంగా జాలు వారుతున్న జ‌ల‌పాతం తెలంగాణ(Telangana)లోని పర్యాటకుల్ని, ప్రకృతి ప్రేమికుల్ని కట్టిపడేస్తోంది. చూట్టు ద‌ట్ట‌మైన అట‌వి ప్రాంతం ఎత్తైన అలుగు నుంచి కింద‌కు జాలు వారుతున్న జల‌పాతం(Waterfall)అందాలను చూసేందుకు ఎక్కడెక్కడి నుంచో పర్యాటకులు తరలివస్తున్నారు. ఆహ్లాద‌క‌ర‌మైన వాతావ‌ర‌ణంలో ఆనందంగా గంటసేపైనా గడపాలని తహతహలాడుతున్నారు. తాము పొందుతున్న అద్భుతమైన అనుభూతిని గుర్తుండిపోయే విధంగా ఆ జలపాతం దగ్గర ఫోటోలు(Photos), సెల్ఫీలు(Selfies) దిగుతున్నారు. రోజు రోజుకు పర్యాటకులతో సందడిగా మారుతోంది నిజామాబాద్‌ జిల్లాలో సిర్నాపల్లి (Sirnapalli)జానకీబాయి చెరువు(Janakibai Pond).

Telangana politics: తెలంగాణ అధికార పార్టీలో సీనియర్ మోస్ట్ లీడర్లు .. పదవులు పోయె గుర్తింపు కరువాయె

ప్రకృతి ఒడిలో అద్భుతం..
ప్రకృతి రమణీయతను చాటిచెప్పే ఎన్నో అద్భుతమైన ప్రదేశాలు, పర్యాటకుల మనసు దోచుకునే జలపాతాలకు తెలంగాణ ఎంతో ప్రసిద్ధికెక్కింది. అందులో ముఖ్యంగా నిజామాబాద్ జిల్లాలోని ఇందల్వాయి మండలంలోని   సిర్నాపల్లి జానకీబాయి చెరువు ఈ వర్షాకాలంలో సుందరమైన పర్యటక ప్రదేశంగా కనిపిస్తుంది. జిల్లా వ్యాప్తంగా కురుస్తున్న వర్షాలతో వాగులు, వంక‌లు, చెరువులు, కుంటలు పొంగి పొర్లుతున్నాయి. దీంతో ద‌ట్ట‌మైన అట‌వీ ప్రాంతంలో  జానకి భాయి చెరువు అలుగు 42 మీటర్ల ఎత్తులో ఉంది. చెరువు నిండి పై నుంచి పొర్లుతున్న నీటిని చూస్తుంటే కుంటాల జాల‌పాతాన్ని త‌ల‌పిస్తుంది. గతంలో సిర్నాపల్లి సంస్థానాదీశురాలు శీలం జానకీబాయి తన హయాంలో దీన్ని కట్టించినట్లుగా తెలుస్తోంది.

రోడ్డు మార్గం వేయండి..
వర్షాకాలంలో ఈ చెరువుపై నుంచి జాలువారుతున్న జలపాతం పర్యాటకుల్ని మంత్రముగ్దుల్ని చేస్తోంది. ఈ సుంద‌ర దృశ్యాలను చూసేందుకు పర్యాటకులు తర‌లి వ‌స్తున్నారు.  పై నుండి జలధార కిందికి రావడంతో కంటి చూపును తిప్పుకోకుండా చూస్తుండి పోతున్నారు. ప్రకృతి ఒడిలో కనువిందు చేస్తున్న ఈసుందర దృశ్యాల్ని చూడటానికి రెండు కళ్లు చాలవంటున్నారు ఇక్కడికి వచ్చే పర్యాటకులు. చాలా పొడవైన అలుగు ఎత్తైన ప్రదేశం నుండి నీటి దారలు కిందికి వస్తుండటంతో ఈ అహ్లాదకరమైన వాతావరణాన్ని పర్యాటకులు ఎంతగానో ఆస్వాదిస్తున్నారు.

Telangana: వెహికల్ ఆపలేదన్న కోపంతో ఎస్‌ఐ కొట్టిన దెబ్బకు .. బైకర్ పరిస్థితి ఏమైందో తెలుసా

టూరిస్ట్ ప్లేస్‌గా మార్చాలి..
సిర్నాపల్లి జానకీభాయి చెరువుకు వెళ్లడానికి రోడ్డు మార్గం సరిగా లేకపోవడంతో పర్యాటకులు కొంత ఆసహనం వ్యక్తం చేస్తున్నారు. రోడ్డు బాగు చేస్తే సిర్నాపల్లి ఒక పర్యాటక ప్రదేశం గా మారుతుందని  ప్ర‌కృతి ప్రేమికులు  కోరుతున్నారు. ఇంతటి అంద‌మైన జ‌ల‌పాతం నిజామాబాద్ జిల్లా లో ఉండ‌డం ఆనందంగా ఉందంటున్నారు ఇక్కడికి వచ్చిపోతున్న పర్యాటకులు. ఈ ప్రాంతాన్ని తెలంగాణ న‌యాగార పాల్స్, ఇందురూ జ‌ల‌పాతం అంటున్నారని స్థానిక గ్రామ‌స్తులు అంటున్నారు. జిల్లాలో ఇలాంటి జ‌ల‌పాతం ఎక్క‌డ లేదని.. 44 మీట‌ర్ల ఎత్తు నుంచి నీరు జాలు వారడంతో జలదృశ్యాన్ని చూసేందుకు జనం క్యూ కడుతున్నారు.

తెలుగు వార్తలు, తెలుగులో బ్రేకింగ్ న్యూస్ న్యూస్ 18‌లో చదవండి. రాష్ట్రీయ, జాతీయ, అంతర్జాతీయ, టాలీవుడ్, క్రీడలు, బిజినెస్, ఆరోగ్యం, లైఫ్ స్టైల్, ఆధ్యాత్మిక, రాశిఫలాలు చదవండి.

Tags: Nizamabad, Telangana News, Tourist place