హైటెక్‌సిటీ-రాయదుర్గం మెట్రో సేవలు ప్రారంభం..

తాజాగా హైటెక్‌సిటీ-రాయదుర్గం మార్గంలో మెట్రో సేవలను ఐటీ మంత్రి కేటీఆర్ ప్రారంభించారు. అనంతరం మంత్రులు కేటీఆర్,పువ్వాడ అజయ్ సంబంధిత అధికారులతో కలిసి మెట్రోలో మైండ్ స్పేస్ వద్ద ఉన్న రాయదుర్గం స్టేషన్ వరకు ప్రయాణించారు.

news18-telugu
Updated: November 29, 2019, 10:50 AM IST
హైటెక్‌సిటీ-రాయదుర్గం మెట్రో సేవలు ప్రారంభం..
మెట్రో రైలు (ప్రతీకాత్మక చిత్రం)
  • Share this:
హైదరాబాద్‌లో మెట్రో రైలు సేవలు మరింత విస్తరించాయి. తాజాగా హైటెక్‌సిటీ-రాయదుర్గం మార్గంలో మెట్రో సేవలను ఐటీ మంత్రి కేటీఆర్ ప్రారంభించారు. అనంతరం మంత్రులు కేటీఆర్,పువ్వాడ అజయ్ సంబంధిత అధికారులతో కలిసి మెట్రోలో మైండ్ స్పేస్ వద్ద ఉన్న రాయదుర్గం స్టేషన్ వరకు ప్రయాణించారు. శుక్రవారం మధ్యాహ్నం 2.30గంటల తర్వాత ఈ మార్గంలో మెట్రో సేవలు ప్రజలకు అందుబాటులోకి రానున్నాయి.ఒకటిన్నర కి.మీ దూరం ఉండే ఈ మార్గంలో మెట్రో సేవలు అందుబాటులోకి రావడం ఐటీ ఉద్యోగులకు ఉపయోగకరంగా మారనుంది.నిత్యం ట్రాఫిక్ జామ్‌తో తీవ్ర ఇబ్బందులు ఎదుర్కొనే ఉద్యోగులకు ఇది బిగ్ రిలీఫ్ అనే చెప్పాలి.

ఇప్పటివరకు నగరంలో 56కి.మీ మేర మెట్రో సేవలందిస్తోంది. తాజాగా హైటెక్‌సిటీ-రాయదుర్గం మార్గం ప్రారంభం కావడంతో మెట్రో సేవలు 57.50కి.మీ విస్తరించింది. రెండేళ్ల క్రితం నగరంలో మొదటిసారి అమీర్‌పేట్-మియాపూర్ మార్గంలో మెట్రో పరుగులు పెట్టిన సంగతి తెలిసిందే. ఆ తర్వాత అమీర్‌పేట్-ఎల్బీనగర్,నాగోల్-హైటెక్‌సిటీ మార్గాలు అందుబాటులోకి వచ్చాయి. ప్రస్తుతం ప్రతీరోజు 4 లక్షల మంది ప్రయాణికులు మెట్రో సేవలను ఉపయోగించుకుంటున్నారు. రాయదుర్గం మార్గం కూడా అందుబాటులోకి రావడంతో మరో లక్ష మంది మెట్రో సేవలను ఉపయోగించుకునే అవకాశం ఉంది. ఇక జేబీఎస్-ఎంజీబీఎస్ మార్గంలో సైతం మెట్రో రైలు త్వరలోనే అందుబాటులోకి రానుంది. ప్రస్తుతం ట్రయల్ రన్స్ కొనసాగుతున్నాయి.

First published: November 29, 2019
మరిన్ని చదవండి
తదుపరి వార్తలు