WhatsApp Web: వాట్సాప్ వెబ్ యూజర్లకు అందుబాటులోకి కొత్త ఫీచర్​.. అది ఎలా పనిచేస్తుందంటే..?

పాపులర్​ ఇన్​స్టంట్​ మెసేజింగ్​ యాప్​ వాట్సాప్(Whatsapp)​ రోజుకో కొత్త ఫీచర్​ను(New Feature) పరిచయం చేస్తూ యూజర్లను ఆకట్టుకుంటోంది.​ తద్వారా తన యూజర్ల సంఖ్యను మరింతగా పెంచుకోవడంపై దృష్టి పెట్టింది. ఇందులో భాగంగా వాట్సాప్​ వెబ్​ యూజర్ల కోసం ఓ సరికొత్త ఫీచర్​పై పనిచేస్తుంది. త్వరలోనే వాట్సాప్​ డెస్క్​టాప్​ వెర్షన్(Desktop Version)​ కోసం గ్లోబల్​ వాయిస్​ మెసేజ్​ ప్లేయర్​ ఫీచర్​ను పరిచయం చేయనున్నట్లు తెలుస్తోంది. తొలుత వాట్సాప్​ వెబ్​ బీటా వెర్షన్ యూజర్లకు దీన్ని తీసుకురానుంది. ఆ తర్వాత ఆండ్రాయిడ్ యూజర్లందరికీ పరియం చేయనుంది. కాగా, ఈ ఫీచర్​ కొన్ని వారాల క్రితమే ఐఓఎస్​ యూజర్లకు అందుబాటులోకి వచ్చింది. మీరు మీ పీసీ లేదా ల్యాప్​టాప్​లో ఇప్పటికే కొత్త బీటా వెర్షన్​ను ఇన్‌స్టాల్ చేసి ఉంటే ఈ కొత్త ఫీచర్​ను ఆస్వాదించవచ్చు.

Gold Cube: వామ్మో.. పార్క్ లో ప్రత్యక్షమైన 186 కిలోల గోల్డ్ క్యూబ్.. ఎక్కడ నుంచి వచ్చిందంటే..

WAbetainfo ప్రకారం, గ్లోబల్ వాయిస్ నోట్ ప్లేయర్‌ ఫీచర్​ కేవలం వాట్సాప్​ వెబ్ యూజర్లకు మాత్రమే అందుబాటులోకి వస్తుంది. ఈ లేటెస్ట్​ ఫీచర్​ ద్వారా వాయిస్ నోట్‌ను బ్యాక్‌గ్రౌండ్‌లో వినవచ్చు. వేరే చాట్​ విండోలోకి యూజర్​ మారినా సరే వాయిస్​ నోట్​ ప్లే అయ్యేలా ఈ ఫీచర్​ను రూపొందించనుంది.

వేరే చాట్ విండోలోకి మారినా బ్యాక్​గ్రౌండ్​లో వాయిస్​ నోట్​ వినొచ్చు..

గ్లోబల్​ వాయిస్​ నోట్​ ప్లేయర్ ఫీచర్​​తో మీరు చాట్ లిస్ట్ దిగువన కొత్త ఆడియో ప్లేయర్‌ని కూడా పొందుతారు. ప్లేయర్ ఎడమ వైపు మీ ప్రొఫైల్​ పిక్చర్​ కూడా కనిపిస్తుంది. తద్వారా, వాయిస్ నోట్ పంపిన వారిని సులభంగా తెలుసుకోవచ్చు. ఈ ఫీచర్‌ని పరీక్షించడానికి, మీరు వాట్సాప్​ వెబ్ బీటా వెర్షన్ 2.2204.4.1 లేదా 2.2204.5 కు అప్​గ్రేడ్​ అయి ఉండాలి. వాట్సాప్​ ఇప్పటికే ఈ ఫీచర్‌ను టెస్ట్ చేయడం ప్రారంభించింది. టెస్టింగ్​లో ఏవైనా బగ్స్​ గుర్తిస్తే.. వాటిని పరిష్కరించిన తర్వాత రాబోయే నెలల్లో ఫీచర్​ను విడుదల చేయనుంది.

CDAC Recruitment 2022: సీడ్యాక్ లో బీటెక్, ఎంసీఏ, బీఎస్సీ, ఎంఎస్సీ అర్హతతో జాబ్స్.. ఇలా రిజిస్టర్ చేసుకోండి

వాట్సాప్​ వెబ్​ను ప్రపంచవ్యాప్తంగా మిలియన్ల మంది యూజర్లు వినియోగిస్తున్నారు. వాట్సాప్ వెబ్​ ద్వారా మీ పీసీలో ఫైల్‌లను డౌన్‌లోడ్ చేసుకోవచ్చు, ఫోటోలను ఇతరులతో పంచుకోవచ్చు, వాయిస్ నోట్స్‌ని కూడా వినవచ్చు. వాట్సాప్​ వెబ్​ను ఉపయోగించడానికి మీరు లింక్​ చేసిన​ మొబైల్‌లో యాక్టివ్​ ఇంటర్నెట్ కనెక్టివిటీ అవసరం. కానీ, స్మార్ట్​ఫోన్​తో లింకప్​ లేకుండానే వాట్సాప్​ వెబ్​ను ఉపయోగించేలా త్వరలోనే కొత్త అప్​డేట్​ రానుందని నివేదికలు సూచిస్తున్నాయి. ఇదే క్రమంలో వాయిస్ కాల్స్ చేసే సామర్థ్యాన్ని కూడా తీసుకురావాలని వాట్సాప్​ యోచిస్తోంది. ఈ అన్ని ఫీచర్లు అందుబాటులోకి వస్తే వాట్సాప్​ వెబ్​ యూజర్ల సంఖ్య మరింతగా పెరిగే అవకాశం ఉంది.

తెలుగు వార్తలు, తెలుగులో బ్రేకింగ్ న్యూస్ న్యూస్ 18‌లో చదవండి. రాష్ట్రీయ, జాతీయ, అంతర్జాతీయ, టాలీవుడ్, క్రీడలు, బిజినెస్, ఆరోగ్యం, లైఫ్ స్టైల్, ఆధ్యాత్మిక, రాశిఫలాలు చదవండి.