Nothing: స్మార్ట్​ఫోన్​ మార్కెట్​లోకి నథింగ్?.. ఊరిస్తోన్న కార్ల్‌పీ తాజా ట్వీట్

వన్​ప్లస్​ కోఫౌండర్​ కార్ల్ పీ స్థాపించిన టెక్ బ్రాండ్ నథింగ్ త్వరలోనే స్మార్ట్​ఫోన్​​ మార్కెట్లోకి అడుగుపెట్టబోతుంది. నథింగ్​ సంస్థ తన మొట్టమొదటి స్మార్ట్​ఫోన్​ను లాంచ్​ చేసేందుకు సిద్దమవుతోంది. అయితే, కంపెనీ దీన్ని అధికారికంగా ధృవీకరించలేదు. కానీ, కార్ల్ పీ తాజాగా చేసిన ట్వీట్​లో దీనికి సంబంధించిన చిన్న హింట్​ ఇచ్చాడు. "బ్యాక్ ఆన్ ఆండ్రాయిడ్" అని ట్వీట్ చేశారు.

అంతేకాదు, ఆండ్రాయిడ్, క్రోమ్‌పై పనిచేస్తున్న నథింగ్​ సీనియర్ వైస్ ప్రెసిడెంట్ హిరోషి లాక్‌ హైమర్‌ను ట్యాగ్ చేశాడు. ఈ ట్వీట్‌కు ఆండ్రాయిడ్ అధికారిక హ్యాండిల్ రిప్లై ఇస్తూ ‘‘కార్ల్‌ ఐడియాపై పనిచేసేందుకు మేం సిద్దంగా ఉన్నాం." అని పేర్కొంది. మరోవైపు, ఇటీవల నథింగ్ ఇండియా జీఎం, వైస్ ప్రెసిడెంట్ ఓ ఛానెల్కి ఇచ్చిన ఇంటర్వూలోనూ దీని గురించి మాట్లాడాడు. స్మార్ట్‌ఫోన్‌ను లాంచ్ చేసే ప్రాజెక్ట్​పై పనిచేస్తున్నట్లు చెప్పాడు. తమ మార్కెట్​ను విస్తరించాలనే యోచనలో ఉన్నట్లు స్పష్టం చేశాడు. దీంతో, త్వరలోనే నథింగ్​ నుంచి ఓ సరికొత్త ఆండ్రాయిడ్​ ఫోన్​ రానుందనే పుకార్లు సోషల్​మీడియా అంతటా వ్యాపించాయి.

Khammam: చూడకూడనిది చూసిందని.. బాలికను చంపిన తల్లి, తాత -అసలేం జరిగిందో తెలిస్తే షాకవుతారు!

Back on Android

— Carl Pei (@getpeid) February 15, 2022

ఇక, నథింగ్​ నుంచి రానున్న తొలి స్మార్ట్​ఫోన్​లో ఉండే ఫీచర్లు ఇవేనంటూ ఆన్​లైన్​ లీకులు వస్తున్నాయి. ఆన్​లైన్​ లీకేజీలను బట్టి చూస్తే.. నథింగ్​ ఫోన్​లో ​క్వాల్​కామ్​ స్నాప్​డ్రాగన్​ ప్రాసెసర్​ను ఉపయోగించే అవకాశం ఉంది. మరోవైపు, ఇది ఆండ్రాయిడ్​ 12 ఓఎస్​పై పనిచేయనుంది. కాగా, నథింగ్​ ప్రస్తుతం ఇయర్‌బడ్స్‌ మార్కెట్​లోనే ఉంది. అయితే, 2022 ఏడాదిని కార్ల్ పీ మార్కెట్​ విస్తరణకు అనువైన సంవత్సరంగా భావిస్తున్నారు. ఈ బ్రాండ్ ద్వారా ఐదు కొత్త ఉత్పత్తులను లాంచ్​ చేయాలనే ఆలోచనలో ఉన్నాడు.

Flipkart Sell Back Offer: మీ పాత Smartphone ఈజీగా అమ్మేసి, కొత్తది తీసుకోవచ్చిలా..

ఇందులో భాగంగానే నథింగ్​ కంపెనీ 2021లో ఆండీ రూబిన్​కు చెందిన ఎసెన్షియల్ స్మార్ట్‌ఫోన్ బ్రాండ్‌ను కూడా కొనుగోలు చేసింది. ఇది సమీప భవిష్యత్తులో నథింగ్ స్మార్ట్‌ఫోన్ లాంచింగ్​ గురించి మరింత అంచనాలను పెంచింది. కార్ల్ తన ఉత్పత్తులను మార్కెటింగ్ చేయడానికి సోషల్ మీడియాను ఒక గొప్ప సాధనంగా ఉపయోగించుకుంటున్నాడు. అందుకే, వ్యూహం ప్రకారమే స్మార్ట్​ఫోన్​ లాంచింగ్​పై ట్వీట్​ చేసినట్లు టెక్​ అనలిస్ట్​లు చెబుతున్నారు. ఏదేమైనా, నథింగ్​ నుంచి రాబోయే కొత్త స్మార్ట్​ఫోన్​పై మరింత స్పష్టత రావాలంటే.. నథింగ్ ఇయర్ 1 వైర్‌లెస్ ఇయర్‌బడ్‌లను లాంచింగ్​ వరకు వేచి చూడక తప్పదు.

తెలుగు వార్తలు, తెలుగులో బ్రేకింగ్ న్యూస్ న్యూస్ 18‌లో చదవండి. రాష్ట్రీయ, జాతీయ, అంతర్జాతీయ, టాలీవుడ్, క్రీడలు, బిజినెస్, ఆరోగ్యం, లైఫ్ స్టైల్, ఆధ్యాత్మిక, రాశిఫలాలు చదవండి.

Tags: Nothing, ONE PLUS, Smartphone