Home /News /sports /

ICC WOMEN WORLD CUP 2022 INDIA TO BEGIN CAMPAIGN AGAINST ARCH RIVALS PAKISTAN CHECK FULL SCHEDULE JNK

CWC 2022 Schedule: క్రికెట్ వరల్డ్ కప్ 2022 షెడ్యూల్ విడుదల చేసిన ఐసీసీ.. తొలి మ్యాచ్‌లో పాకిస్తాన్‌తో టీమ్ ఇండియా ఢీ

మహిళా వరల్డ్ కప్ పూర్తి షెడ్యూల్ విడుదల చేసిన ఐసీసీ (PC: ICC)

మహిళా వరల్డ్ కప్ పూర్తి షెడ్యూల్ విడుదల చేసిన ఐసీసీ (PC: ICC)

ICC CWC 2022 Schedule: న్యూజీలాండ్ వేదికగా మార్చి 4 నుంచి ఏప్రిల్ 3 వరకు మహిళల క్రికెట్ వరల్డ్ కప్ జరుగనున్నది. దీనికి సంబంధించిన పూర్తి షెడ్యూల్‌ను ఐసీసీ విడుదల చేసింది. మిథాలీ సేన తొలి మ్యాచ్‌లో పాకిస్తాన్‌తో తలపడనున్నది.

    మహిళా క్రికెట్ వరల్డ్ కప్ 2022ను (Women's World Cup) ఐసీసీ (ICC) విడుదల చేసింది. న్యూజీలాండ్ (New Zealand) వేదికగా మార్చి 4 నుంచి ఏప్రిల్ వరకు ఈ మెగా టోర్నీ నిర్వహించనున్నారు. భారత జట్టు (Team India) తొలి మ్యాచ్‌లో చిరకాల ప్రత్యర్థి పాకిస్తాన్ జట్టుతో తలపడనున్నది. మార్చి 6న మిథాలీ (Mithali) సేన  తౌరంగలోని బే ఓవల్ మైదానంలో ఈ మ్యాచ్ జరుగనున్నది. భారత మహిళా జట్టు 2017 వరల్డ్ కప్‌లో రన్నరప్‌గా నిలిచింది. షెడ్యూల్ ప్రకారం ఈ ఏడాది మహిళా వన్డే వరల్డ్ కప్ జరగాల్సి ఉన్నది. అయితే కరోనా కారణంగా ఈ మెగా ఈవెంట్‌ను 2022కు ఐసీసీ వాయిదా వేసింది. గ్రూప్ దశలో భారత జట్టు పాకిస్తాన్‌తో పాటు న్యూజీలాండ్, ఆస్ట్రేలియా, ఇంగ్లాండ్ జట్లతో తలపడాల్సి ఉన్నది. టీమ్ ఇండియా ఇప్పటి వరకు వరల్డ్ కప్ గెలవలేదు. సుదీర్ఘ కాలంగా క్రికెట్ ఆడుతున్న మిథాలీ రాజ్‌కు కూడా ఇదే చివరి టోర్నీ కానునందున ఎలాగైనా వరల్డ్ కప్ గెలిచి తీరాలని భావిస్తున్నారు.

    ఐసీసీ తాజాగా విడుదల చేసిన షెడ్యూల్ ప్రకారం ఆతిథ్య న్యూజీలాండ్ జట్టు వెస్టిండీస్‌తో మార్చి 4న తలపడనున్నది. ఈ మ్యా బే ఓవల్‌లో జరుగనున్నది. 31 రోజుల పాటు 31 మ్యాచ్‌లు జరుగనున్నాయి. వరల్డ్ కప్ కోసం న్యూజీలాండ్‌లోని ఆక్లాండ్, క్రైస్ట్ చర్చ్, డునేడిన్, హామిల్టన్, తౌరంగా, వెల్లింగ్టన్ వేదికలను సిద్దం చేశారు. ఆస్ట్రేలియా, ఇంగ్లాండ్, సౌతాఫ్రికా. ఇండియా జట్లు 2017-20 ఐసీసీ వుమెన్స్ చాంపియన్‌షిప్ ద్వారా అర్హత సాధించాయి. ఆతిథ్య దేశంగా న్యూజీలాండ్ ఆటోమెటిగ్గా అర్హత సాధించింది. ఐసీసీ వన్డే టీమ్ ర్యాంకింగ్స్ ద్వారా బంగ్లాదేశ్, పాకిస్తాన్, వెస్టిండీస్ అర్హత సాధించాయి. ఈ వన్డే వరల్డ్ కప్ ఆడుతున్న అన్ని జట్లు ఒక్కో సారి ప్రత్యర్థి జట్టుతో తలపడనున్నాయి. ఆఖర్లో నాలుగు జట్లు సెమీఫైనల్‌కు క్వాలిఫై అవుతాయి.

    Team India: టీమ్ ఇండియాకు కలసి రాని 2021.. కానీ ఆ ఒక్క మ్యాచ్ గెలిస్తే మాత్రం రికార్డే..!









































































































































































    తేదీమ్యాచ్వేదిక
    మార్చి 4న్యూజీలాండ్ Vs వెస్టిండీస్బే ఓవల్, తౌరంగా
    మార్చి 5బంగ్లాదేశ్ Vs సౌత్ఆఫ్రికాయూనివర్సిటీ ఓవల్, డునేడిన్
    మార్చి 5ఆస్ట్రేలియా Vs ఇంగ్లాండ్సెడాన్ పార్క్, హామిల్టన్
    మార్చి 6పాకిస్తాన్ Vs ఇండియాబే ఓవల్, తౌరంగా
    మార్చి 7న్యూజీలాండ్ Vs బంగ్లాదేశ్యూనివర్సిటీ ఓవల్, డునేడిన్
    మార్చి 8ఆస్ట్రేలియా Vs పాకిస్తాన్బే ఓవల్, తౌరంగా
    మార్చి 9వెస్టిండీస్ Vs ఇంగ్లాండ్యూనివర్సిటీ ఓవల్, డునేడిన్
    మార్చి 10న్యూజీలాండ్ Vs  ఇండియాసెడాన్ పార్క్, హామిల్టన్
    మార్చి 11పాకిస్తాన్ Vs  సౌతాఫ్రికాబే ఓవల్, తౌరంగా
    మార్చి 12వెస్టిండీస్ Vs ఇండియాసెడాన్ పార్క్, హామిల్టన్
    మార్చి 13న్యూజీలాండ్ Vs  ఆస్ట్రేలియాబేసిన్ రిజర్వ్, వెల్లింగ్టన్
    మార్చి 14సౌత్ఆఫ్రికా Vs  ఇంగ్లాండ్బే ఓవల్, తౌరంగా
    మార్చి 14పాకిస్తాన్ Vs బంగ్లాదేశ్సెడాన్ పార్క్, హామిల్టన్
    మార్చి 15ఆస్ట్రేలియా Vs వెస్టిండీస్బేసిన్ రిజర్వ్, వెల్లింగ్టన్
    మార్చి 16ఇంగ్లాండ్ Vs ఇండియాబే ఓవల్, తౌరంగా
    మార్చి 17న్యూజీలాండ్ Vs సౌత్ఆఫ్రికాసెడాన్ పార్క్, హామిల్టన్
    మార్చి 18బంగ్లాదేశ్ Vs వెస్టిండీస్బే ఓవల్, తౌరంగా
    మార్చి 19ఇండియా Vs  ఆస్ట్రేలియాఈడెన్ పార్క్, ఆక్లాండ్
    మార్చి 20న్యూజీలాండ్ Vs  ఇంగ్లాండ్ఈడెన్ పార్క్, ఆక్లాండ్
    మార్చి 21వెస్టిండీస్ Vs  పాకిస్తాన్సెడాన్ పార్క్, హామిల్టన్
    మార్చి 22ఇండియా Vs  బంగ్లాదేశ్సెడాన్ పార్క్, హామిల్టన్
    మార్చి 22సౌత్ఆఫ్రికా Vs ఆస్ట్రేలియాబేసిన్ రిజర్వ్, వెల్లింగ్టన్
    మార్చి 24సౌతాఫ్రికా Vs వెస్టిండీస్బేసిన్ రిజర్వ్, వెల్లింగ్టన్
    మార్చి 24ఇంగ్లాండ్ Vs పాకిస్తాన్హాగ్లే ఓవల్, క్రైస్ట్ చర్చ్
    మార్చ్ 25బంగ్లాదేశ్ Vs  ఆస్ట్రేలియాబేసిన రిజర్వ్, వెల్లింగ్టన్
    మార్చ్ 26న్యూజీలాండ్ Vs పాకిస్తాన్హాగ్లే ఓవల్, క్రైస్ట్ చర్చ్
    మార్చ్ 27ఇంగ్లాండ్ Vs బంగ్లాదేశ్బేసిన్ రిజర్వ్, వెల్లింగ్టన్
    మార్చ్ 27ఇండియా Vs సౌత్ఆఫ్రికాహాగ్లే ఓవల్, క్రైస్ట్ చర్చ్
    మార్చి 30సెమీఫైనల్ 1బేసిన రిజర్వ్, వెల్లింగ్టన్
    మార్చి 31సెమీఫైనల్ 2హాగ్లే ఓవల్, క్రైస్ట్ చర్చ్
    ఏప్రిల్ 3ఫైనల్హాగ్లే ఓవల్, క్రైస్ట్ చర్చ్

    (Read all the Latest News, Breaking News on News18 Telugu. Follow us on Facebook, Twitter and Google News)
    Published by:John Kora
    First published:

    Tags: Cricket, ICC, Mithali Raj, Team india, Women's Cricket, World cup

    ఉత్తమ కథలు

    తదుపరి వార్తలు