హోమ్ /వార్తలు /ఇండియా న్యూస్ /

Digvijay Singh: గెహ్లాట్ స్థానంలో దిగ్విజయ్ సింగ్.. రాహుల్ గాంధీ యాత్రలో కీలక నిర్ణయం ?

Digvijay Singh: గెహ్లాట్ స్థానంలో దిగ్విజయ్ సింగ్.. రాహుల్ గాంధీ యాత్రలో కీలక నిర్ణయం ?

కాంగ్రెస్ నేత  దిగ్విజయ్ సింగ్ (ఫైల్)

కాంగ్రెస్ నేత దిగ్విజయ్ సింగ్ (ఫైల్)

Digvijay: అశోక్ గెహ్లాట్‌పై గాంధీ కుటుంబం ఆగ్రహంగా ఉందని, అయితే ఆయనపై పెద్ద నిర్ణయం తీసుకోకూడదని కూడా అంటున్నారు. ఇలాంటి పరిస్థితుల్లో కాంగ్రెస్ అధ్యక్ష ఎన్నికల్లో పోటీ చేయాలని, సీఎం నిర్ణయాన్ని సోనియాగాంధీకి వదిలేయాలని పలువురు నేతలు పట్టుబడుతున్నారు.

ఇంకా చదవండి ...
  • News18 Telugu
  • Last Updated :
  • Hyderabad, India

    కాంగ్రెస్ అధ్యక్ష పదవి రేసు సస్పెన్స్ థ్రిల్లర్‌గా మారింది. గాంధీ కుటుంబయేతర నేతలే అధ్యక్షులుగా పోటీ చేయాలని పార్టీ నిర్ణయం తీసుకోవడంతో ఆ పార్టీలో కొత్త పరిణామాలు చోటు చేసుకుంటున్నాయి. ఇప్పుడు ఈ రేసులో మధ్యప్రదేశ్ మాజీ సీఎం దిగ్విజయ్ సింగ్ పేరు కూడా చేరింది. కాంగ్రెస్ అధ్యక్ష పదవికి ఆయన నామినేషన్ దాఖలు చేసే అవకాశాలు కనిపిస్తున్నాయి. ప్రస్తుతం రాహుల్ గాంధీతో కలిసి భారత్ జోడో యాత్రలో పాల్గొంటున్న దిగ్విజయ్ సింగ్ (Digvijay Singh) గురువారం సాయంత్రంలోగా తిరిగి ఢిల్లీకి చేరుకుని శుక్రవారం నామినేషన్ దాఖలు చేస్తారని కాంగ్రెస్(Congress)  వర్గాలు చెబుతున్నాయి. ఇలాంటి పరిస్థితుల్లో దిగ్విజయ్ సింగ్‌కు గాంధీ కుటుంబం (Gandhi Family) మద్దతు ఉందా అనే ప్రశ్న తలెత్తుతోంది. ప్రస్తుతం అశోక్ గెహ్లాట్ ఎన్నికల్లో పోటీ చేస్తారా లేదా అనే విషయంపై స్పష్టత లేదు.

    మరోవైపు అధ్యక్ష పదవికి సెప్టెంబర్ 30 మధ్యాహ్నం 12:30 గంటలకు నామినేషన్ దాఖలు చేస్తానని శశి థరూర్ స్పష్టం చేశారు. వాస్తవానికి, గాంధీ కుటుంబం నుండి  అశోక్ గెహ్లాట్‌కు మద్దతు ఉందని, ఎన్నికల సందర్భంలో మాత్రమే ఆయన గెలుస్తారని రెండు మూడు రోజుల క్రితం వరకు అంతా భావించారు. అయితే సచిన్ పైలట్‌ను సీఎంగా నియమించడాన్ని వ్యతిరేకిస్తూ రాజస్థాన్‌కు చెందిన 82 మంది ఎమ్మెల్యేలు రాజీనామా చేయడంతో అశోక్ గెహ్లాట్ వ్యవహారం మొత్తం తలకిందులైంది.

    అప్పటి నుంచి రాజస్థాన్‌లో గందరగోళం నెలకొంది. ఈ చర్యను గాంధీ కుటుంబీకులు అవమానంగా భావించారని చెబుతున్నారు. అశోక్ గెహ్లాట్ ఈ రోజు సాయంత్రంలోగా ఢిల్లీ చేరుకుని సోనియా గాంధీని కలవనున్నారు. దీని తర్వాత రాజస్థాన్‌లో ముఖ్యమంత్రి, కాంగ్రెస్ అధ్యక్ష పదవి పోటీకి సంబంధించి పెద్ద ప్రకటన వెలువడవచ్చని భావిస్తున్నారు. అశోక్ గెహ్లాట్ కాంగ్రెస్ అధ్యక్షుడిగా బాధ్యతలు చేపట్టినా.. రాజస్థాన్ సీఎంగా కొనసాగాలని, లేకుంటే తనకు సన్నిహితంగా ఉండే వ్యక్తికి కుర్చీ ఇవ్వాలని ఆయన కోరుతున్నారు. తన స్థానంలో సచిన్ పైలట్‌ను సీఎం చేయడం ఆయనకు ఇష్టం లేదు.

    Centre Cabinet Decisions: ఉద్యోగులు, రేషన్ కార్డుదారులకు తీపికబురు చెప్పిన కేంద్రం

    జైలుజీవితం చూడాలనుకునే వారికి గుడ్ న్యూస్.. కొన్ని గంటలపాటు జైల్లో ఉండోచ్చు.. ఎక్కడో తెలుసా..

    ఒకవైపు అశోక్ గెహ్లాట్ ఢిల్లీకి వస్తుండగా.. సచిన్ పైలట్ ఇప్పటికే రాజధానిలో ఉన్నారు. అశోక్ గెహ్లాట్‌పై గాంధీ కుటుంబం ఆగ్రహంగా ఉందని, అయితే ఆయనపై పెద్ద నిర్ణయం తీసుకోకూడదని కూడా అంటున్నారు. ఇలాంటి పరిస్థితుల్లో కాంగ్రెస్ అధ్యక్ష ఎన్నికల్లో పోటీ చేయాలని, సీఎం నిర్ణయాన్ని సోనియాగాంధీకి వదిలేయాలని పలువురు నేతలు పట్టుబడుతున్నారు. ఇక 1998లో సోనియా గాంధీ జితేంద్ర ప్రసాద్‌ను ఓడించిన తర్వాత 25 ఏళ్ల తర్వాత గాంధీ కుటుంబానికి చెందని వ్యక్తి వ్యక్తిని కాంగ్రెస్ అధ్యక్షుడిగా చూడటం ఇదే తొలిసారి కావడం గమనార్హం.

    Published by:Kishore Akkaladevi
    First published:

    Tags: Congress, Digvijaya Singh, Rahul Gandhi

    ఉత్తమ కథలు