హోమ్ /వార్తలు /national /

రేపు విశాఖకు సీఎం జగన్.. నగరానికి వరాల పంటే..

రేపు విశాఖకు సీఎం జగన్.. నగరానికి వరాల పంటే..

ప్రతీకాత్మక చిత్రం

ప్రతీకాత్మక చిత్రం

ఏపీ సీఎం వైఎస్ జగన్ రేపు విశాఖపట్నంలో పర్యటించనున్నారు. ఏపీకి పరిపాలన రాజధానిగా విశాఖను ప్రకటించనున్న నేపథ్యంలో ఆయన నగరంలో పర్యటిస్తుండటం తెలుగు రాష్ట్రాల్లో హాట్ టాపిక్ అవుతోంది.

    ఏపీ సీఎం వైఎస్ జగన్ రేపు విశాఖపట్నంలో పర్యటించనున్నారు. ఏపీకి పరిపాలన రాజధానిగా విశాఖను ప్రకటించనున్న నేపథ్యంలో ఆయన నగరంలో పర్యటిస్తుండటం తెలుగు రాష్ట్రాల్లో హాట్ టాపిక్ అవుతోంది. విశాఖలో పర్యటించనున్న ఆయన జీవీఎంసీ, వీఎంఆర్‌డీఏ ఆధ్వర్యంలో చేపట్టనున్న రూ.1,400 కోట్ల విలువైన అభివృద్ధి పనులకు శంకుస్థాపన చేయనున్నారు. విజయవాడ నుంచి బయలుదేరి సీఎం రేపు మధ్యాహ్నం 3.10 గంటలకు విశాఖపట్నం ఎయిర్‌పోర్టుకు చేరుకుంటారు. మధ్యాహ్నం 3.50 గంటలకు కైలాసగిరి మీదకు చేరుకుని వీఎంఆర్‌డీఏ ఆధ్వర్యంలో చేపట్టే అభివృద్ధి కార్యక్రమాలకు శంకుస్థాపన చేస్తారు.

    ఆ తర్వాత అక్కడి నుంచి 4.40 గంటలకు సెంట్రల్‌ పార్కుకు చేరుకుని జీవీఎంసీ ఆధ్వర్యంలో జరిగే అభివృద్ధి పనులకు శంకుస్థాపన చేయనున్నారు. సాయంత్రం 5.30 గంటలకు ఆర్కే బీచ్‌కు చేరుకుని విశాఖ ఉత్సవ్‌ను ప్రారంభిస్తారు. 6 గంటలకు అక్కడి నుంచి బయలుదేరి ఎయిర్‌పోర్టుకు చేరుకుని అక్కడ నుంచి విజయవాడకు పయనమవుతారు.

    Published by:Shravan Kumar Bommakanti
    First published:

    Tags: Amaravati, Ap capital, AP News, AP Politics, Chandrababu Naidu, Nara Lokesh, TDP, Vijayasai reddy, Visakhapatnam, Ysrcp

    ఉత్తమ కథలు