Vishal 31: హీరో విశాల్ 31వ చిత్రం ప్రారంభం.. ఆ సూపర్ హిట్ సినిమాకు సీక్వెల్..

Vishal 31:  హీరో విశాల్ 31వ చిత్రం ఈ గురువారం పూజా కార్యక్రమాలతో ప్రారంభమైంది. వివరాల్లోకి వెళితే..  తమిళంలో పాటు తెలుగులో మంచి మార్కెట్ ఉన్న విశాల్.. రీసెంట్‌గా ‘చక్ర’ అనే సినిమాతో పలకరించారు ఎం.ఎస్.ఆనందన్ దర్శకత్వంలో తెరకెక్కుతోన్న ఈ సినిమాలో విశాల్ సరసన శ్రద్ధా శ్రీనాథ్ కథానాయికగా నటించింది. ఈ సినిమా అంతగా ఆకట్టుకోలేకపోయింది. ప్రస్తుతం విశాల్.. ఆనంద్ శంకర్ దర్శకత్వంలో ‘ఎనిమి’ సినిమా చేస్తున్నారు. ఈ సినిమాలో మరో ’ఆర్య’ మరో కథానాయికగా నటించారు. ఈ సినిమా షూటింగ్‌లో ఆర్య గాయపడ్డారు. రీసెంట్‌గా ఈ సినిమా షూటింగ్ పూర్తైయింది. ప్రస్తుతం ఈ చిత్రం పోస్ట్ ప్రొడక్షన్ వర్క్ జరుగుతోంది. ఇక మిస్కిన్ దర్శకత్వంలో చేయాల్సిన ‘తుప్పారివాలన్’ (డిటెక్టివ్ 2)  సినిమా ఆగిపోయింది.

దర్శకుడికి విశాల్‌కు మధ్య క్రియేటివ్ డిఫరెన్సెస్ కారణంగా ఈ సినిమా బాధ్యతలను విశాల్ టేకప్ చేశారు. త్వరలోనే ఈ సినిమాను పూర్తి చేయనున్నారు. ఆ సంగతి పక్కన పెడితే.. విశాల్.. ఈ గురువారం తన 31వ సినిమాకు కొబ్బరికాయ కొట్టారు.

Shooting of @VishalKOfficial ‘s #Vishal31 today pic.twitter.com/jEqd1dOwBo

— Vishal Film Factory (@VffVishal) May 6, 2021

ఈ సినిమాతో షార్ట్ ఫిల్మ్స్  మేకర్‌గా గుర్తింపు పొందిన టి.పి.శర్వానన్ దర్శకుడిగా పరిచయం అవుతున్నారు. యువన్ శంకర్ రాజా సంగీతం అందిస్తున్నారు. ఈ సినిమాలో విశాల్ సరసన డింపుల్ హయతి హీరోయిన్‌గా నటిస్తోంది. ఈ సినిమాను కేవలం రెండు నెలల్లో పూర్తి చేసి ఆగష్టులో విడుదల చేయాలనే ప్లాన్‌లో ఉన్నారు. ఇప్పటికే విశాల్ ఈ సినిమాకు సంబంధించి అన్ని  కరోనా జాగ్రత్తలు తీసుకుంటున్నట్టు సమాచారం. ఈ సినిమా విశాల్ నటించిన ఓల్డ్ సూపర్ హిట్ సినిమాకు సీక్వెల్ అని చెబుతున్నారు. ఇప్పటికే ‘పందెం కోడి 2’ సీక్వెల్‌తో పలకరించినా.. ఇపుడు తుప్పారివాలన్ సీక్వెల్ తుప్పారివాలన్ 2 మాత్రం ప్రస్తుతం ఆగిపోయింది. ఇపుడు చేయబోతున్న ఈ సూపర్ హిట్ సీక్వెల్‌తో విశాల్ విశాల్ తాను కోరుకున్న సక్సెస్ అందుకుంటారా లేదా అనేది చూడాలి.

తెలుగు వార్తలు, తెలుగులో బ్రేకింగ్ న్యూస్ న్యూస్ 18‌లో చదవండి. రాష్ట్రీయ, జాతీయ, అంతర్జాతీయ, టాలీవుడ్, క్రీడలు, బిజినెస్, ఆరోగ్యం, లైఫ్ స్టైల్, ఆధ్యాత్మిక, రాశిఫలాలు చదవండి.

Tags: Dimple hayathi, Kollywood, Tollywood, Vishal