Home /News /movies /

TAMANNAAH AND POOJA HEGDE TO BE PART OF THE MAHESH BABUS SARILERU NEEKEVVARU BS

మరోసారి మహేష్ బాబుతో పూజ హెగ్డే రొమాన్స్.. ‘సరిలేరు నీకెవ్వరు’లో..

మహేష్ బాబు, పూజ హెగ్డే

మహేష్ బాబు, పూజ హెగ్డే

మరోసారి సూపర్ స్టార్ మహేష్ బాబుతో పూజ హెగ్డే జతకట్టబోతోందని సమాచారం. మహర్షి సినిమాలో మహేష్ బాబుతో ఆడి పాడిన ఈ హాట్ బ్యూటీ.. సరిలేరు నీకెవ్వరు సినిమాలో నటిస్తున్నట్లు తెలుస్తోంది.

    ప్రస్తుతం టాలీవుడ్‌లో అగ్ర హీరోల సరసన వరుస ఆఫర్లతో టాప్ ప్లేస్‌లో ఉన్న ముద్దుగుమ్మ.. పూజ హెగ్డే. ఇటీవలే గద్దలకొండ గణేష్ సినిమాతో ప్రేక్షకుల ముందకు వచ్చిన ఈ బ్యూటీ అల్లు అర్జున్ సరసన అల వైకుంఠపురంలో, ప్రభాస్ సరసన మరో సినిమాలో నటిస్తోంది. సినీ ప్రేక్షకుల కోసం అందాలన్నీ ఆరబోసి.. అదిరిపోయే ట్రీట్ ఇచ్చేందుకు ఏ మాత్రం సంకోచించని ఈ బ్యూటీకి మరో భారీ ఆఫర్ దక్కించుకున్నట్లు సమాచారం. మరోసారి సూపర్ స్టార్ మహేష్ బాబుతో జతకట్టబోతోందని సమాచారం. మహర్షి సినిమాలో మహేష్ బాబుతో ఆడి పాడిన ఈ హాట్ బ్యూటీ.. సరిలేరు నీకెవ్వరు సినిమాలో నటిస్తున్నట్లు తెలుస్తోంది. మహర్షి సినిమాలో వీరిద్దరి మధ్య రొమాన్స్ బాగా పండిందని గ్రహించి.. సరిలేరు నీకెవ్వరు దర్శకుడు అనిల్ రావిపూడి తన సినిమాలో.. ఆమెతో ఓ ప్రత్యేక గీతం చేయించాలని నిర్ణయించుకున్నట్లు సమాచారం.

    ఇప్పటికే ఈ సినిమాలో ఓ ప్రత్యేక గీతంలో తమన్నా నటిస్తుండగా, మరో గీతంలో పూజ హెగ్డేను తీసుకోవాలని దర్శకుడు ప్లాన్ చేశాడట. అంటే.. రష్మిక మందన్నా, తమన్నా, పూజ హెగ్డే.. ముగ్గురు కథానాయికలతో సూపర్ స్టార్ స్టెప్పులేయనున్నాడన్నమాట. విజయశాంతి ముఖ్యపాత్ర పోషిస్తున్న ఈ సినిమాకు సంబంధించి మహేష్ బాబు పుట్టిన రోజున ఫస్ట్ లుక్ విడుదల చేయగా.. మంచి రెస్పాన్స్ వచ్చింది. సంక్రాంతికి ఈ సినిమాను విడుదల చేయాలని దర్శక నిర్మాతలు షూటింగ్‌ను వేగంగా పూర్తి చేస్తున్నారు.
    Published by:Shravan Kumar Bommakanti
    First published:

    Tags: #MaheshBabu26, Mahesh babu, Pooja Hegde, Sarileru Neekevvaru, Tamannah, Tollywood

    ఉత్తమ కథలు

    తదుపరి వార్తలు