రాధికా ఆప్టే సంచ‌ల‌నం.. విక్ర‌మ్ పేరు చెప్పి హోటల్‌కు తీసుకెళ్లారు..

కొంద‌రు హీరోయిన్ల‌కు సినిమాల‌తో వ‌చ్చిన క్రేజ్ కంటే కూడా కాంట్ర‌వ‌ర్సీల‌తో వ‌చ్చిన క్రేజ్ ఎక్కువ‌గా ఉంటుంది. ఈ లిస్ట్ లో అంద‌రికంటే ముందు ఉంటుంది రాధికాఆప్టే. ఈమె ఇప్ప‌టి వ‌ర‌కు డ‌జ‌న్ సినిమాలు కూడా చేయ‌లేదు. కానీ టాలీవుడ్ టూ బాలీవుడ్ వ‌ర‌కు ఎప్పుడూ సంచ‌ల‌నాలు సృష్టిస్తూనే ఉంటుంది రాధిక‌. ఇప్పుడు కూడా కాంట్ర‌వ‌ర్సీ స్టేట్మెంట్స్‌తో మ‌ళ్లీ వార్త‌ల్లో నిలిచింది ఈ ముద్దుగుమ్మ‌. గ‌తంలో హీరోల‌తో పాటు తెలుగు ఇండ‌స్ట్రీపై కూడా నోటికొచ్చిన‌ట్లు మాట్లాడేసి చివాట్ల‌తో పాటు విమ‌ర్శ‌లు కూడా అందుకుంది రాధిక‌.



ఇక ఇప్పుడు కూడా ఇదే చేసింది రాధికా ఆప్టే. ఈ సారి తెలుగు ఇండ‌స్ట్రీ నుంచి త‌మిళంపైకి త‌న ఫోక‌స్ షిప్ట్ చేసింది. అక్క‌డ విక్ర‌మ్ పేరు చెప్పి త‌న‌ను కొంద‌రు హోట‌ల్ తీసుకెళ్లి త‌న‌తో అస‌భ్యంగా ప్ర‌వ‌ర్తించార‌ని చెప్పింది రాధికా ఆప్టే. ఓ పెద్ద హీరోతో సినిమా అంటే ఏం మాట్లాడ‌కుండా వ‌చ్చాన‌ని.. అయితే ఆ త‌ర్వాత త‌న‌ను కొందరు సంప్రదించారనీ.. అక్క‌డ్నుంచి ఓ చెత్త హోటల్‌లో రూమ్‌ బుక్‌ చేయడమే కాకుండా.. అక్క‌డే త‌న‌తో అస‌భ్య‌క‌ర‌మైన దుస్తులు వేయించి ఫోటోషూట్ కూడా చేసార‌ని చెప్పింది రాధికా ఆప్టే. అయితే ఆ త‌ర్వాత ఆ ఫొటోలు ఏమయ్యాయో.. ఆ సినిమా ఏమయ్యిందో తనకు తెలియదని చెబుతుంది రాధికా.





ఇక ఆ హీరో ఎవ‌రు అని ఆరా తీస్తే విక్ర‌మ్ అని తెలిసింది అని షాక్ ఇచ్చింది రాధికా. అయితే ఇందులో విక్ర‌మ్ మాత్రం ఎక్క‌డా లేడ‌ని.. కేవ‌లం ఆయ‌న పేరును మాత్ర‌మే కొంద‌రు వాడుకున్నార‌ని చెప్పింది ఈ ముద్దుగుమ్మ‌. ఆ మ‌ధ్య తెలుగు హీరోల‌పై కూడా ఇలాంటి సంచ‌ల‌న వ్యాఖ్య‌లే చేసింది ఈ ముద్దుగుమ్మ‌. ఇప్పుడు త‌మిళ ఇండ‌స్ట్రీపై నోరు పారేసుకుంది రాధికా. ద‌క్షిణాది హీరోల‌కు మ‌ర్యాద తెలియ‌ద‌ని.. త‌న‌ను ఓ హీరో బెడ్రూమ్‌కు ర‌మ్మ‌ని పిలిచిచాడ‌ని.. తాను ఒప్పుకోనందుకే షూటింగ్‌లో న‌ర‌కం చూపించాడ‌ని సంచ‌ల‌న ఆరోప‌ణ‌లు చేసింది రాధిక‌.



అందుకే అప్ప‌ట్నుంచీ తాను సౌత్ సినిమాల్లో న‌టించ‌డం కానీ.. ఇక్క‌డ వైపు చూడ‌టం కానీ మానేసాన‌ని చెప్పింది ఈ భామ‌. రాధికా ఆప్టే వ్యాఖ్య‌ల‌ను స‌మ‌ర్ధిస్తున్న వాళ్ల‌తో పాటు విమ‌ర్శిస్తున్న వాళ్లు కూడా లేక‌పోలేరు. కావాల‌నే రాధికా సౌత్ ఇండ‌స్ట్రీపై ఇలా నోరు పారేసుకుంటుంద‌ని.. బాలీవుడ్ లో మాత్రం కాస్టింగ్ కౌచ్ లేదా అని ప్ర‌శ్నిస్తున్నారు.



ఈ మ‌ధ్య సినిమాల కంటే నెట్‌ఫ్లిక్స్‌లో వస్తున్న "లస్ట్‌స్టోరీస్".. "సకేర్డ్ గేమ్స్".. "ఫైనల్లీ ఘౌల్" సిరీస్‌లలో నటించింది రాధికా. అన్నింట్లోనూ హాట్‌గా అందాలు ఆరబోసి పిచ్చెక్కించింది.ఇలా ఎప్పుడూ ఏదో ఓ వార్త‌తో వార్త‌ల్లో ఉండే రాధికా ఆప్టే.. ఇప్పుడు మ‌రోసారి ఇలాంటి కాంట్ర‌వ‌ర్సీ క‌మెంట్స్ చేసింది. మొత్తానికి ఇప్పుడు ద‌క్షిణాది ఇండ‌స్ట్రీపై రాధిక చేసిన వ్యాఖ్య‌లు సంచ‌ల‌నంగా మారాయి. మ‌రి విక్ర‌మ్ పేరు చెప్పి రాధికాతో ఆడుకున్న‌ది ఎవ‌రో..?