‘సైరా నరసింహారెడ్డి ’ సెన్సార్ సర్టిఫికేట్.. నిడివి ఎంతంటే..

మెగాస్టార్ చిరంజీవి ఎంతో ప్రతిష్ఠాత్మకంగా నటించిన సినిమా ‘సైరా నరసింహారెడ్డి’.ప్రముఖ స్వాతంత్య్ర సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా ఈ సినిమా తెరకెక్కించారు.చిరంజీవి తన 41 కెరీర్‌లో ఒక హిస్టారికల్ క్యారెక్టర్ చేయడం ఇదే మొదటిసారి. అంతేకాదు చిరంజీవి నటించిన ఈ సినిమా ఒకేసారి తెలుగుతో పాటు హిందీ, తమిళం,కన్నడ, మలయాళ భాషల్లో విడుదల కావడం అనేది కూడా ఫస్ట్ టైమే అని చెప్పొచ్చు. ఈ చిత్ర సెన్సార్ కూడా పూర్తైంది. సెన్సార్ సర్టిఫికేట్ కూడా విడుదల చేసింది బోర్డ్. 2 గంటల 50 నిమిషాల 50 సెకన్ల నిడివితో విడుదల కానుంది సైరా నరసింహా రెడ్డి.



ఉయ్యాలవాడ జీవితం ఆధారంగా సురేందర్ రెడ్డి ఈ చిత్రాన్ని తెరకెక్కించాడు. అక్టోబర్ 2న విడుదల కానుంది సైరా. చిరంజీవి ఈ చిత్రంతో కచ్చితంగా సంచలనం సృష్టిస్తాడని.. మరోసారి చరిత్ర తిరగరాయడం ఖాయం అంటున్నారు సెన్సార్ సభ్యులు.ఈ సినిమాలో బ్రిటిష్ వాళ్లతో యుద్ద సన్నివేశాల్లో రక్తపాతం ఉండటంతో ఈ సినిమాకు యూ/ఏ సర్టిఫికేట్ జారీ చేసినట్టు తెలిపారు.



అంతేకాదు సెన్సార్ టాక్‌ను బట్టి... ఈ సినిమాలో ప్రేక్షకులను ఉద్విగ్నతకు గురిచేసే సన్నివేశాలు చాలా ఉన్నాయట. సురేందర్ రెడ్డి ఆయా సన్నివేశాలను ఎంతో చక్కగా తెరపై చిత్రీకరించనట్టు సమాచారం.



మరోవైపు కొణిదెల ప్రొడక్షన్ బ్యానర్‌లో రామ్ చరణ్ ఎక్కడ కాంప్రమైజ్ కాకుండా ఈ సినిమాను తెరకెక్కించాడని టాక్. అంతేకాదు ఈ సినిమాలో అమితాబ్ బచ్చన్, సుదీప్,నయనతార,విజయ సేతుపతి, జగపతి బాబు,తమన్నాతో ప్రతి పాత్రకు ఎంతో ఇంపార్టెన్స్ ఉందని సెన్సార్ టాక్.