హోమ్ /వార్తలు /సినిమా /

Acharya | Ram Charan : సోషల్ మీడియాలో అదరగొడుతోన్న నీలాంబరి.. మణిశర్మ మెలోడీకి సూపర్ రెస్పాన్స్..

Acharya | Ram Charan : సోషల్ మీడియాలో అదరగొడుతోన్న నీలాంబరి.. మణిశర్మ మెలోడీకి సూపర్ రెస్పాన్స్..

Neelambari song Photo : Twitter

Neelambari song Photo : Twitter

Acharya | Neelambari : ఇక ప్రమోషన్స్‌లో భాగంగా మణిశర్మ స్వరపరిచిన మోస్ట్ అవైటెడ్ మెలోడీ సాంగ్‌ను ఇటీవల విడుదల చేసింది చిత్రబృందం. పాటలో లిరిక్స్, గాత్రం అదిరాయి అంటున్నారు ప్రేక్షకులు. ఈ పాట నెటిజన్స్‌ను తెగ ఆకట్టుకుంటోంది.

    మెగాస్టార్ చిరంజీవి  (Chiranjeevi )ప్రస్తుతం వరుసగా సినిమాలను చేస్తోన్న సంగతి తెలిసిందే. కొరటాల శివ దర్శకత్వంలో ఆచార్య అనే సినిమా చేస్తున్న సంగతి తెలిసిందే. (Acharya) ఆచార్య ఇప్పటికే 90 శాతం షూటింగ్ పూర్తి చేసుకుంది. చిరంజీవి 152వ చిత్రాన్ని కొరటాల శివ (Koratala Siva) ఎంతో ప్రతిష్టాత్మకంగా తెరకెక్కిస్తున్నారు. అంత అనుకున్నట్లు జరిగితే ఈ సినిమా మే 13న విడుదలకావాల్సి ఉంది. అయితే కరోనా సెకండ్ వేవ్ కారణంగా విడుదలను వాయిదా వేసింది చిత్రబృందం. ఆచార్య ఫిబ్రవరి 4న ప్రపంచవ్యాప్తంగా విడుదలకానుంది. దీనికి సంబంధించి అధికారిక ప్రకటన విడుదలైంది. ఇక ఈ చిత్రంలో చిరంజీవి‌తో పాటు రామ్ చరణ్ నటిస్తున్న సంగతి తెలిసిందే. ఈ సినిమాలో చిరంజీవి, రామ్ చరణ్‌లు మాజీ నక్సలైట్స్ గా కనిపించనున్నారు. రామ్ చరణ్ (Ram Charan) పాత్ర దాదాపు ఓ 30 నిమిషాల నిడివి ఉండనుందట. సిద్ధ పాత్ర పోషిస్తున్న చరణ్ రోల్‌కి గాను పుజా హెగ్డే ఫిమేల్ లీడ్‌లో నటిస్తుంది.

    ఇక ప్రమోషన్స్‌లో భాగంగా మణిశర్మ స్వరపరిచిన మోస్ట్ అవైటెడ్ మెలోడీ సాంగ్‌ను ఇటీవల విడుదల చేసింది చిత్రబృందం. పాటలో లిరిక్స్, గాత్రం అదిరాయి అంటున్నారు ప్రేక్షకులు. ఈ పాట నెటిజన్స్‌ను తెగ ఆకట్టుకుంటోంది. ఈ పాట సోషల్ మీడియాలో దుమ్ములేపుతోంది. ఇప్పటికే ఈ పాట యూట్యూబ్‌లో 9 మిలియన్ సాంగ్స్‌తో దూసుకుపోతోంది. దీంతో చిత్రబృందం దీనికి సంబంధించిన ఓ పోస్టర్‌ను విడుదల చేసింది. ఈ పాటను అనంత శ్రీరామ్ రాయగా.. అనురాగ్ కులకర్ణి, రమ్య బెహార పాడారు. ఈ సినిమాలో రామ్ చరణ్ పాత్ర సినిమాకు హైలెట్‌గా ఉంటుందట. ఈ సినిమాలో ఒక ప్రత్యేక సాంగ్ లో హీరోయిన్ రెజీనా మెగాస్టార్‌తో ఆడిపాడిందని సమాచారం.

    ఆచార్యలో చిరంజీవి సరసన కాజల్ అగర్వాల్ (Kajal Aggerwal) నటిస్తుంది. ఈ సినిమాను చరణ్, నిరంజన్ రెడ్డిలు కలిసి కొణిదెల ప్రోడక్షన్స్, మ్యాట్నీ ఎంటర్టైన్ మెంట్ బ్యానర్స్‌పై నిర్మిస్తున్నారు. ఇక రామ్ చరణ్ నటిస్తున్న మరో సినిమా ఆర్ ఆర్ ఆర్.. రాజమౌళి దర్శకత్వంలో వస్తున్న ఈ ‘ఆర్ఆర్ఆర్’ సినిమా సంక్రాంతి కానుకగా జనవరి 7న విడుదల చేస్తున్నారు. ఈ సినిమాలో ఎన్టీఆర్, అజయ్ దేవ్‌గణ్ ఇతర ముఖ్యపాత్రల్లో నటిస్తున్నారు. ఇటీవల విడుదలైన గ్లింప్స్ మంచి ఆదరణ పొందింది.

    Kangana Ranaut : చీరలో పిచ్చెక్కించిన కంగనా.. లేటెస్ట్ పిక్స్ వైరల్...

    ఇక ఈ సినిమాతో పాటు చిరంజీవి మరో రెండు సినిమాలను చేస్తున్నారు. ఆయన మలయాళీ లూసిఫర్ చిత్రాన్ని తెలుగులో రీమేక్ చేస్తున్నారు. ఈ సినిమాకు గాడ్ ఫాదర్ అనే పేరును ఖరారు చేశారు. ఆయన ప్రధాన పాత్రలో ప్రముఖ దర్శకుడు మోహన్ రాజా (Mohan Raja) డైరెక్షన్‌ చేస్తున్నారు. ఈ సినిమా షూటింగ్ ప్రస్తుతం ఊటీలో జరుగుతోంది. ఈ సినిమాను ఆర్. బి.చౌదరి, ఎన్వీ ప్రసాద్ నిర్మిస్తున్నారు. చిరంజీవి కోసం ఒరిజినల్ కథలో చాలా మార్పులు చేసినట్లు తెలుస్తోంది. ఈ రీమేక్ చిత్రానికి సంగీత దర్శకుడిగా థమన్ ( S. S Thaman) పనిచేస్తున్నారు. ఈ సినిమాలో ప్రముఖ మలయాళ స్టార్ బిజు మీనన్ (Biju Menon) కీలక పాత్ర పోషిస్తున్నట్లు తెలుస్తోంది.

    ఈ సినిమాలతో పాటు ఆయన మెహెర్ రమేష్ దర్శకత్వంలో తమిళ వేదాళం రీమేక్ భోళా శంకర్ (Chiranjeevi bhola shankar) అనే సినిమాను చేస్తున్నారు. ఈ సినిమాలో చిరంజీవితో పాటు మరో కీలకపాత్రలో కీర్తి సురేష్ (Keerthy Suresh) నటిస్తున్నారు. కాగా ఈ సినిమాలో హీరోయిన్‌గా తమన్నా చేస్తుంది. దీనికి సంబంధించిన అధికారిక ప్రకటన తాజాగా విడుదలైంది. తమన్నా గతంలో ఒకసారి చిరంజీవి సరసన నటించిన సంగతి తెలిసిందే. సురేందర్ రెడ్డి దర్శకత్వంలో వచ్చిన సైరా చిత్రంలో తమన్నా (Tamannaah) తన నటనతో అదరగొట్టిన సంగతి తెలిసిందే. దీంతో ఆమెకి ఇది రెండో సినిమా అని చెప్పాలి. ఇక తాజాగా ఈ సినిమా నవంబర్ 11న లాంఛనంగా ప్రారంభమైంది.

    ఇక బాబీ దర్శకత్వంలో కూడా చిరంజీవి ఓ సినిమాను చేయనున్నారు. మైత్రి మూవీ మేకర్స్ నిర్మిస్తున్న ఈ సినిమా కూడా ఇటీవల లాంఛనంగా ప్రారంభం అయ్యింది. ఈ సినిమాకు వాల్తేరు వీర్రాజు అనే టైటిల్‌ను పరిశీలిస్తున్నారని టాక్.

    Published by:Suresh Rachamalla
    First published:

    Tags: Aacharya, Chiranjeevi, Ram Charan, Tollywood news

    ఉత్తమ కథలు