Diabetes Diet : బ్లడ్ షుగర్ లెవెల్స్ తగ్గించే 5 సుగంధ ద్రవ్యాలు...

5 Herbs Can Reduce Blood Sugar Levels : ఈ సుగంధ ద్రవ్యాలతో డయాబెటిస్ పూర్తిగా నయం అయిపోదు. కానీ ఇవి డయాబెటిస్ లక్షణాల్ని గుర్తించి, బ్లడ్ షుగర్ లెవెల్స్‌ని కంట్రోల్ చేస్తాయి.

news18-telugu
Updated: December 1, 2019, 7:42 AM IST
Diabetes Diet : బ్లడ్ షుగర్ లెవెల్స్ తగ్గించే 5 సుగంధ ద్రవ్యాలు...
Diabetes Diet : బ్లడ్ షుగర్ లెవెల్స్ తగ్గించే 5 సుగంధ ద్రవ్యాలు...
  • Share this:
Diabetes Diet : డయాబెటిస్ ఒక్కసారి వచ్చిందంటే... జీవితాంతం అది వెంటాడుతూనే ఉంటుంది. ప్రతిసారీ... బాడీలోని బ్లడ్‌లో షుగర్ (గ్లూకోజ్) లెవెల్స్ సరిగా ఉన్నాయో లేదో చూసుకోవాలి. ఇందుకు చక్కటి ట్రీట్‌మెంట్, మంచి లైఫ్ స్టైల్, మంచి ఆహారం, బరువు తగ్గే వ్యాయామాలు అవసరం. డయాబెటిస్ ఉన్నవారికి సరిపడా ఇన్సులిన్ ఉత్పత్తి జరగకపోవచ్చు లేదా... ఉత్పత్తి అవుతున్న ఇన్సులిన్ సరిగా ఉపయోగపడకపోవడమైనా జరగవచ్చు. డయాబెటిస్ ట్రీట్‌మెంట్ తీసుకునేవారికి కొన్ని రకాల సుగంధ ద్రవ్యాలు మేలు చేస్తాయి. వాటితో డయాబెటిస్ పూర్తిగా నయం అయిపోదు. కానీ అవి డయాబెటిస్ లక్షణాల్ని గుర్తించి, బ్లడ్ షుగర్ లెవెల్స్‌ని కంట్రోల్ చేస్తాయి.

1. Cinnamon (Dal chini) దాల్చిన చెక్క : చక్కటి సువాసన వచ్చే దాల్చిన చెక్క... కొద్దిగా తియ్యగా కూడా ఉంటుంది. ఇది టైప్ 2 డయాబెటిస్‌ను కంట్రోల్ చేస్తోందని పరిశోధనల్లో తేలింది. ఇది ఇన్సులిన్ ఉత్పత్తిని పెంచుతుంది. శరీరానికి చెడు సూక్ష్మక్రిములు చేరకుండా చెయ్యగలదని తెలిసింది. కూరల్లో వాడే దాల్చిన చెక్కను... టీల్లో కూడా పొడిలా వేసుకొని తాగవచ్చు. దాల్చిన చెక్క... చెడు కొలెస్ట్రాల్‌ను తగ్గిస్తుంది. ఇది ఎంత వాడాలో ముందుగా డాక్టర్‌ను కలిసి సలహా తీసుకోవడం మేలు.

2. Bitter melon (karela) కాకరకాయ : కాకర కాయ ఫ్రై, కాకరకాయ కూరలు తింటే ఎంతో మంచిది. కాకరగాయ గుజ్జును జ్యూస్‌లా తాగినా మేలే. ఈ జ్యూస్ బ్లడ్ షుగర్ లెవెల్స్‌ని తగ్గిస్తోంది. టైప్ 2 డయాబెటిస్‌ని కంట్రోల్ చెయ్యాలంటే... కాకరకాయ వాడటం మేలు.

3. Fenugreek seeds (methi seeds) మెంతులు : ఇండియాలో అద్భుత సుగంధ ద్రవ్యాల్లో మెంతులు ఒకటి. వీటిలో ఫైబర్, కెమికల్స్... పిండి పదార్థాలు, గ్లూకోజ్ వంటివి వేగంగా జీర్ణం అవ్వకుండా చేస్తాయి. అంతేకాదు కొలెస్ట్రాల్ లెవెల్స్ తగ్గిస్తాయి. మెంతుల ఆకులు కూడా మంచివే. వాటిని కూరల్లో వేసుకొని తినవచ్చు. మెంతుల్ని నీటిలో నానబెట్టి... ఆ నీరు తాగినా మేలే. బ్లడ్ షుగర్ లెవెల్స్ కంట్రోల్ చెయ్యడంలో మెంతులు అద్భుతంగా పనిచేస్తాయి.



4. Aloe vera - కలబంద : మన ఇళ్లలో ఉత్తినే పెరిగే కలబంద మొక్క నిండా ఔషధాలే. అది జుట్టు, చర్మానికి రక్షణతోపాటూ... బరువు తగ్గేందుకు కూడా ఉపయోగపడుతుంది. పాంక్రియాస్‌లో ఇన్సులిన్ ఉత్పత్తి చేసే బీటా కణాల్ని బాగుచేసే, రక్షించే పనిని అలోవీరా గుజ్జు చేస్తుంది. కొద్దిగా నీటిలో అలోవీరా గుజ్జు వేసి... జ్యూస్‌లా చేసుకొని గడగడా తాగేయడమే. డాక్టర్‌ని అడిగి వాళ్ల సూచన ప్రకారం చేయడం మంచిది.

5. Giloy గిలాయ్ మొక్క : ఆయుర్వేదంలోని గిలాయ్ మొక్క... బ్లడ్ షుగర్ లెవెల్స్‌ని కంట్రోల్ చేస్తుంది. ఇది వ్యాధినిరోధక శక్తిని పెంచుతుంది. బాడీలో కణాల్ని రక్షిస్తూ... వ్యర్థాలు, చెడు క్రిముల అంతు చూడగలదు గిలాయ్ మొక్క. మార్కెట్‌లో గిలాయ్ పొడి దొరుకుతుంది. ఓ కప్పు వాటర్‌లో పొడి వేసి... రాత్రంతా ఉంచి... తెల్లారి తాగేస్తే... డయాబెటిస్ కంట్రోల్‌లో ఉంటుంది.

పై ఐదు రకాల్లో ఏదేది వాడాలో, ఎంత వాడాలో ఓసారి డాక్టర్‌ని కలిసి, వాళ్ల సూచనలు పాటించడం మేలు. సొంత నిర్ణయాలు తీసుకోవడం అంత మంచిది కాకపోవచ్చు. 

Pics : వేటలో మేటి... అందాల హంటింగ్ బ్యూటీ హన్నా




ఇవి కూడా చదవండి :

తెలంగాణ నిర్భయ హత్యపై ప్రియాంక గాంధీ తీవ్ర ఆవేదన

పడిపోతున్న ఫుడ్ డెలివరీ మార్కెట్... ఇవీ కారణాలు

ప్రైవేట్ ట్రావెల్స్ బస్సు బోల్తా... ఒకరు మృతి, ఏడుగురికి తీవ్ర గాయాలు

హైదరాబాద్‌లో మరో దారుణం... సాప్ట్‌వేర్ ఉద్యోగినిపై రేప్?

నేడు ఆర్టీసీ కార్మికులతో కేసీఆర్ సమావేశం, ఆర్టీసీపై చర్చ
First published: December 1, 2019
మరిన్ని చదవండి
తదుపరి వార్తలు
?>